ᐊᓪᓚᖓᔪᑦ ᐱᒻᒪᕆᐅᓂᖅᐹᖏᓐᓄᑦ ᑐᕌᖓᔪᑦ

ᑲᓇᑕ ᐃᖅᑲᓇᐃᔭᖃᑎᖃᓚᖓᕗᖅ ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᖓᔪᑦ ᐊᑐᕐᓗᑎᒃ ᑭᒡᒐᑐᐃᔨᓂᒃ ᓂᕈᐊᖅᑕᐅᓯᒪᔪᓂᒃ ᒪᓕᑦᓱᑎᒃ ᑖᒃᑯᐊ ᓇᒻᒥᓂᕆᔭᒥᓐᓂᒃ ᑲᒪᒐᓱᐊᕈᓯᕐᓂᒃ ᐊᒻᒪᓗ ᐊᐅᓚᑦᓯᓂᕐᒧᑦ ᐊᖅᑭᓱᖅᓯᒪᔭᒥᓐᓂᒃ ᐊᒻᒪᓗ ᐱᒋᐊᖃᓚᖓᕗᑦ ᐃᖅᑲᓇᐃᔭᖃᑎᖃᕐᓂᕐᒥᒃ ᑕᒪᒃᑯᓂᖓ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᑦ ᒐᕙᒪᖏᓐᓂᒃ ᑕᐃᒫᒃ ᑲᔪᓯᑎᑕᐅᑦᓯᐊᖁᓪᓗᒋᑦ ᓯᕗᒧᐊᑦᑎᑕᐅᒋᐊᓖᑦ ᑖᒃᑯᐊ ᒪᓕᑦᑐᑦ ᐱᒻᒪᕆᐅᓂᖅᐹᕆᔭᖏᑦ ᑕᐃᒫᒃ ᐊᑐᖅᑎᑕᐅᖁᓪᓗᒋᑦ ᐊᑯᓂ−ᐊᑐᖅᑎᑕᐅᓗᑎᒃ ᐊᒻᒪᓗ ᑲᔪᓯᓯᒪᑦᓯᐊᕈᓐᓇᖅᑐᓂᒃ ᓈᒻᒪᓈᖅᓯᒪᔪᓂᒃ ᐊᓯᔾᔩᓂᐅᔪᓂᒃ.

ᑖᒃᑯᐊ ᐊᓪᓚᖓᔪᓄᑦ ᑐᕌᖓᔪᑦ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐃᒫᒃ ᐱᒐᓱᐊᖅᑯᑦ ᑕᒪᒃᑯᓂᖓ ᐱᕈᖅᑐᖃᐃᓐᓇᖁᔨᓂᕐᒥᒃ, ᐱᒍᓐᓇᖅᑎᑕᐅᓗᑎᒃ ᐊᖏᖃᑎᒌᒍᑎᐅᓯᒪᔪᓂᒃ ᑕᒪᒃᑯᓂᖓ ᐊᓯᔾᔨᕆᐊᖅᑕᐅᒍᓐᓇᕐᓂᖏᓐᓂᒃ ᐊᒻᒪᓗ ᖃᖓᐅᓕᕋᐃᑉᐸᑦ ᐅᓪᓗᒥᒨᖓᓕᖅᑐᓂᒃ ᑐᓴᖅᑎᑦᓯᔪᖃᖃᑦᑕᕐᓗᓂ ᒪᓕᓪᓗᑎᒃ ᑕᒪᒃᑯᓂᖓ ᓇᓗᓇᐃᖅᑕᐅᔪᓂᒃ ᐱᒋᐊᖃᖅᑕᓂᒃ.

ᑐᓐᖓᕕᒋᔭᐅᒋᐊᓕᓐᓄᑦ ᑐᓐᖓᕕᖃᖅᑐᑦ

ᒪᓕᑦᓱᑎᒃ ᑕᒪᒃᑯᓂᖓ ᑕᐅᑐᑦᑕᐅᒐᓱᐊᓲᓂᒃ ᖃᐅᔨᒃᑲᐅᔾᔭᐅᒍᑎᐅᓯᒪᔪᓂᒃ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᑖᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ ᐊᒻᒪᓗ ᑖᒃᑯᐊ ᐊᓪᓚᖓᔪᑦ ᐱᒻᒪᕆᐅᓂᖅᐹᕆᔭᖏᓐᓄᑦ ᑐᕌᖓᔪᑦ ᐃᒫᒃ ᐱᒐᓱᐊᖅᑯᑦ ᐊᑦᑐᐊᒍᑎᒐᓱᐊᕐᓂᕐᒥᒃ. ᑖᒃᑯᐊ ᑐᐅᑐᑦᑕᕆᒐᓱᐊᖅᑕᖏᑦ, ᑐᓐᖓᕕᒻᒪᕆᕆᓲᖏᑦ, ᐊᒻᒪᓗ ᐱᒻᒪᕆᐅᓂᖅᐹᕆᔭᖏᑦ ᑲᒪᒋᒍᒪᔭᖏᑦ ᐃᒫᒃ ᐱᒐᓱᐊᖅᑯᑦ ᑖᒃᑯᐊ ᐃᑲᔪᖅᓯᕋᓱᐊᖁᓪᓗᒋᑦ ᐊᒻᒪᓗ ᑕᒃᑯᐊ ᐃᓗᓕᖏᑦ ᐊᑕᐅᓯᕐᒦᑦᑐᑦ ᐅᖃᓕᒫᖅᑕᐅᒋᐊᖃᓐᖏᓚᑦ ᐱᐅᓐᖏᓕᑎᕈᑎᐅᓗᑎᒃ ᑖᒃᑯᓇᓐᖓᑦ ᐊᐃᐸᒥᓐᓂᒃ.

ᐅᑯᐊ ᒪᓕᑦᑐᑦ ᑐᓐᖓᕕᒋᔭᐅᒋᐊᓕᓐᓄᑦ ᑐᓐᖓᕕᖃᖅᑐᑦ ᑖᒃᑯᐊ ᑕᐅᑐᒐᓱᐊᕈᑎᐅᓚᖓᕗᑦ ᐊᑐᖅᑕᐅᓗᑎᒃ ᑖᒃᑯᓂᖓ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂᒃ ᐊᒻᒪᓗ ᑖᒃᑯᐊ ᐱᒻᒪᕆᐅᓂᖅᐹᕆᔭᖏᓐᓂᒃ ᑲᒪᒋᔭᐅᖁᔭᖏᑦ ᑕᕝᕙᓂ ᑐᕌᖓᑎᑕᓄᑦ ᑕᐃᒫᒃ ᑐᑭᓯᔭᐅᖃᑦᑕᓚᖓᕗᑦ ᐊᒻᒪᓗ ᐊᑐᓕᖅᑎᑕᐅᓗᑎᒃ ᐊᓪᓚᖓᔪᓄᑦ ᑐᕌᖓᔪᑦ ᑕᐅᑐᑦᑕᕆᒐᓱᐊᓲᖏᑦ.

ᐊᓪᓚᖓᔪᑦ ᓇᒻᒥᓂᖅ−ᐃᓱᒪᖅᓱᕈᓐᓇᕐᓂᖏᑦ, ᐱᒍᓐᓇᐅᑎᖏᑦ ᐊᒻᒪᓗ ᐃᓱᒪᒋᒍᓐᓃᖃᑦᑕᐅᑎᓂᖅ:

ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐃᓕᓴᖅᓯᕗᑦ ᐊᒻᒪᓗ ᐱᑦᓯᐊᖅᑕᖃᖅᑯᑦ ᐊᓪᓚᖓᔪᑦ ᐱᒍᓐᓇᐅᑎᖏᓐᓂᒃ ᑕᒪᒃᑯᓂᖓ ᓇᒻᒥᓂᖅ−ᐃᓱᒪᖅᓱᕈᓐᓇᕐᓂᖏᓐᓂᒃ ᐊᒻᒪᓗ ᓇᒻᒥᓂ−ᒐᕙᒪᖃᕐᓂᖏᓐᓂᓪᓗ. ᐱᓗᐊᓐᖑᐊᖅᑐᒥᒃ, ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐃᓕᓴᖅᓯᕗᑦ:

  1. ᑕᒪᒃᑯᐊ ᐊᓪᓚᖓᔪᑦ ᓇᒻᒥᓂᖅ−ᐃᓱᒪᖅᓱᕈᓐᓇᕐᓂᖏᑦ ᐊᒻᒪᓗ ᓇᒻᒥᓂᖅ−ᒐᕙᒪᖃᕐᓂᖏᑦ ᑕᒪᓐᓇ ᐱᑕᖃᕆᐊᖃᓪᓚᕆᑉᐳᖅ ᑕᒪᒃᑯᐊ ᖃᓄᐃᓐᖏᑦᓯᐊᖁᓪᓗᒋᑦ ᐊᒻᒪᓗ ᐱᐅᓕᔭᐅᓯᒪᖁᓪᓗᒋᑦ ᑕᒪᒃᑯᐊ ᐊᓪᓚᖓᔪᑦ ᐃᓕᖅᑯᓯᖏᑦ ᐊᒻᒪᓗ ᐃᓅᓯᖏᓪᓗ, ᐃᓚᒋᔭᐅᓪᓗᑎᒃ ᓄᓇᓕᖏᑦ, ᐃᓚᒌᑦᑐᑦ ᐊᒻᒪᓗ ᕿᑐᕐᖓᕆᔭᐅᔪᑦ
  2. ᑕᒪᒃᑯᐊ ᐊᓪᓚᔪᖓᔪᑦ ᓇᒻᒥᓂᖅ−ᒐᕙᒪᖃᕐᓂᖏᑦ ᑕᒪᓐᓇ ᐱᒻᒪᕆᐅᖃᑕᐅᕗᖅ ᑕᐃᒫᒃ ᐃᓘᓐᓇᖏᓐᓂᒃ ᐃᖅᑲᖅᑐᐃᕕᓕᕆᓂᕐᒧᑦ ᐃᖅᑲᓇᐃᔮᖑᒋᐊᓕᓐᓄᑦ ᐊᒻᒪᓗ ᐱᒻᒪᕆᕈᖅᑎᑕᐅᒃᑲᓂᕐᓂᖏᑦ ᑕᒪᒃᑯᐊ ᐊᓪᓚᖓᔪᑦ ᒪᓕᒐᖏᑦ, ᒪᓕᒐᓕᕆᓂᕐᒧᑦ ᐋᖅᑭᓱᖅᓯᒪᔭᖏᑦ ᐊᒻᒪᓗ ᑲᒪᕕᒻᒪᕆᖏᓪᓗ, ᐊᒻᒪᓗ ᐃᓕᖅᑯᓯᕆᔭᖏᑦ ᑕᒪᓐᑯᐊ ᐱᒋᐊᖃᓪᓚᕆᑉᐳᑦ ᑕᒪᒃᑯᓇᓂ ᐃᓘᓐᓇᖏᓐᓂ ᓱᔪᖃᖅᑕᐃᓕᑎᑦᓯᒍᑏᑦ, ᖃᓄᐃᒍᓐᓃᒐᓱᐊᕈᑏᑦ, ᐊᒻᒪᓗ ᒪᒥᓴᐅᑎᓄᑦ ᐱᔨᑦᓯᕋᐅᑎᑦ ᐊᒻᒪᓗ ᓴᐳᔾᔨᓯᒪᒍᑏᑦ
  3. ᑕᒪᑦᓱᒪ ᐱᒻᒪᕆᐅᒍᑎᖓ ᑕᒪᒃᑯᐊ ᐱᒻᒪᕆᕈᖅᑎᑕᐅᒃᑲᓂᕐᓂᖏᑦ ᐊᓪᓚᖓᔪᑦ ᒪᓕᒐᓕᕆᒍᑎᖏᑦ ᖃᓄᐃᓕᖓᓂᕆᔭᖏᑦ, ᒪᓕᒐᖏᑦ, ᐊᒻᒪᓗ ᐃᓱᒪᒋᓲᖏᓐᓂᒃ ᑕᒪᒃᑯᓂᖓ ᐃᖅᑲᖅᑐᐃᕕᓕᕆᓂᕐᒨᖓᔪᑦ ᐊᒻᒪᓗ ᓯᕗᒧᐊᑦᑎᑕᐅᓂᖏᓐᓄᑦ ᑕᒪᒃᑯᐊ ᐃᓕᓴᕆᔭᐅᓂᖏᑦ ᑕᒪᒃᑯᐊ ᐊᓪᓚᐃᑦ ᐊᐅᓚᑦᓯᕕᒋᒍᓐᓇᖅᑕᖏᓐᓂ ᓄᓇᒥᓐᓂ ᐅᖓᑖᒍᑦ ᑕᒪᑐᒪ ᐊᐅᓚᑦᓯᓂᐅᔪᑦ ᑕᒪᒃᑯᓂᖓ ᐊᓪᓚᖓᔪᑦ ᐃᖅᑲᖅᑐᐃᕕᓕᕆᔾᔪᑎᖏᓐᓂᒃ.
  4. ᑖᒃᑯᐊ ᑲᓇᑕ ᐊᒻᒪᓗ ᐊᓪᓚᖓᔪᑦ ᑲᔪᓯᓯᑎᑦᓯᓯᒪᓚᖓᕗᑦ ᑲᒪᖃᑎᒌᓐᓂᕐᒥᒃ ᓇᓗᓇᐃᖅᓯᖁᓪᓗᒋᑦ ᑕᒪᒃᑯᓂᖓ ᐋᖅᑭᑦᓱᖅᑕᐅᒍᒪᔪᓂᒃ ᑕᐃᒫᓪᓗ ᑲᒪᖃᑎᒌᓪᓗᑎᒃ−ᐱᕙᓪᓕᐊᑎᑦᓯᓂᕐᒥᒃ ᑕᒪᓐᓇ ᐃᓱᒪᒋᔭᐅᓚᖓᕗᖅ ᖃᓄᐃᓕᖓᒋᐊᖃᑦᑕᕈᑎᐅᓗᓂ ᑲᒪᒐᓱᐊᕈᓯᐅᔪᓂᒃ ᑕᒪᒃᑯᓂᖓ ᒪᓕᒐᕐᓂᒃ ᐊᒻᒪᓗ ᐱᖁᔭᓂᓪᓗ ᐊᑦᑐᐃᖃᑦᑕᖅᑐᓂᒃ ᑕᒪᒃᑯᓂᖓ ᐱᒍᓐᓇᐅᑎᖏᓐᓂᒃ ᐊᒻᒪᓗ ᐃᓱᒪᒋᒐᓱᐊᓲᖏᓐᓂᒃ ᑕᒪᒃᑯᐊ ᐊᓪᓚᖓᔪᑦ.
  5. ᑕᒪᓐᓇ ᐃᓱᒪᒋᒍᓐᓃᖃᑦᑕᐅᑎᓂᖏᑦ ᑖᒃᑯᐊᓗ ᒐᕙᒪᖏᑦ ᑲᓇᑕᐅᑉ, ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ ᒐᕙᒪᐃᑦ, ᐊᒻᒪᓗ ᐊᓪᓚᖓᔪᑦ ᑕᒪᓐᓇ ᑐᕌᒐᕆᔭᐅᕗᖅ ᑖᒃᑯᓄᖓ, ᐊᒻᒪᓗ ᑐᑭᒧᐊᑦᑎᑦᓯᓚᖓᕗᖅ, ᑖᒃᑯᓂᖓ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂᒃ. ᑖᒃᑯᐊ ᒐᕙᒪᒃᑯᖏᑦ ᑲᓇᑕᐅᑉ ᐃᖅᑲᓇᐃᔭᖃᑎᖃᓚᖓᕗᑦ ᐃᖅᑲᓇᐃᔭᖃᑎᖃᑦᓯᐊᕐᓗᑎᒃ ᑕᒪᒃᑯᓇᓐᖓᑦ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᑦ ᒐᕙᒪᖏᓐᓂᒃ ᑕᐃᒫᒃ ᓴᐳᔾᔨᓗᑎᒃ ᐊᓪᓚᖓᔪᑦ ᐱᒻᒪᕆᕈᖅᑎᑕᐅᒃᑲᓂᕐᓂᖏᓐᓂᒃ ᒪᓕᒐᖏᑦ, ᒪᓕᒐᓕᕆᓂᕐᒧᑦ ᐊᖅᑭᓱᖅᓯᒪᔭᖏᓐᓂᒃ ᐊᒻᒪᓗ ᑲᒪᕕᒻᒪᕆᖏᓐᓂᓪᓗ, ᐊᒻᒪᓗ ᓱᕗᒧᐊᑦᑎᑕᐅᓗᑎᒃ ᑖᒃᑯᐊ ᐊᓪᓚᖓᔪᑦ ᐊᐅᓚᒍᓐᓇᖅᑕᖏᑦ ᓄᓇᒥᓐᓂ ᐅᖓᑖᒍᑦ ᑕᒪᒃᓱᒪ ᐊᐅᓚᑦᓯᓂᐅᑉ ᑕᒪᒃᑯᓂᖓ ᐃᖅᑲᖅᑐᐃᕕᓕᕆᔾᔪᑏᑦ.
  6. ᑖᒃᑯᐊ ᑲᑐᔾᔨᖃᑎᒌᕐᔪᐊᒃᑯᑦ ᓯᓚᕐᔪᐊᕐᒥᐅᑦ ᓇᓗᓇᐃᖅᓯᒻᒪᕆᑦᓯᒪᓂᖏᑦ ᒥᑦᓵᓄᑦ ᐱᒍᓐᓇᐅᑎᖏᑕ ᓄᓇᖃᖅᑳᖅᓯᒪᔪᑦ ᐃᓄᖏᑕ ᑕᐃᒫᒃ ᓇᒥᓕᒫᖅ ᓯᓚᕐᔪᐊᕐᒥᐅᓄᑦ ᐃᓄᓐᓄᑦ ᐱᒍᓐᓇᐅᑎᖏᓐᓄᑦ ᐊᑐᕐᓂᖃᓪᓚᕆᑉᐳᖅ ᑕᒪᓐᓇᓗ ᐊᑐᖅᑕᐅᒍᓐᓇᕆᕗ ᐃᓗᐊᓂ ᑲᓇᑕᒥᐅᑉ ᒪᓕᒐᖏᓐᓂ
  7. ᑕᒪᓐᓇ ᐊᑐᓕᖅᑎᑕᐅᓂᖓ ᑕᐃᒫᒃ ᓴᐳᔾᔭᐅᓯᒪᓚᖓᕗᖅ ᑕᒪᒃᑯᓄᖓ ᒪᓕᒐᓕᐊᖑᔪᓄᑦ, ᐱᖁᔭᓄᑦ, ᐊᒻᒪᓗ ᑲᒪᑎᑦᓯᔪᓄᑦ ᐋᖅᑭᑦᓱᐃᑎᐅᒐᓱᐊᖅᑐᓂᒃ ᒪᓕᑦᓯᐊᕋᓱᐊᖅᑐᓂᒃ ᑕᒃᑯᓂᖓ ᑲᓇᑕᐅᑉ ᑲᔪᓯᑎᒐᓱᐊᕈᒪᔭᖏᓐᓂᒃ ᒪᑐᒥᖓ ᐃᓱᒪᒋᒍᓐᓃᖃᑦᑕᐅᑎᓂᐅᔪᒥᒃ.

ᐊᓪᓚᖓᔪᑦ ᐃᓚᐅᑎᑕᐅᓂᖏᑦ ᐊᒻᒪᓗ ᐊᓪᓚᖓᔪᓄᑦ ᑐᕌᖓᔪᑦ:

ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᑕᐃᒫᒃ ᐃᓚᒍᑦᓯᐅᔾᔨᓯᒪᓚᖓᕗᑦ ᑕᒪᒃᑯᓂᖓ ᐊᔾᔨᒋᔭᐅᓐᖏᑦᑐᓂᒃ ᐱᒋᐊᓕᖏᓐᓂᒃ ᑕᒪᒃᑯᐊ ᐊᓪᓚᖓᔪᑦ, ᓴᐳᔾᔨᓯᒪᔪᓂᒃ ᐊᓪᓚᖓᔪᑦ ᓴᓇᒪᓂᕆᓲᖏᓐᓂᒃ, ᐱᕙᓪᓕᐊᑎᑕᓂᒃ ᐊᒻᒪᓗ ᐃᖏᕐᕋᑎᑕᐅᔪᓂᒃ ᐃᖅᑲᖅᑐᐃᕕᓕᕆᓂᕐᒧᑦ−ᐊᑦᑐᐊᔪᓄᑦ ᑲᒪᑎᑦᓯᒍᑎᓂᒃ ᐊᒻᒪᓗ ᐱᔨᑦᓯᕋᐅᑎᓂᓪᓗ.

ᐱᑕᖃᓐᖏᓪᓗᓂ−ᐱᓂᕐᓗᑦᑕᐅᒍᑎᓂᒃ:

ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᑕᐃᒫᒃ ᑭᐅᒍᓐᓇᖅᑯᑦ ᑕᒪᒃᑯᓂᖓ ᑐᐊᕕᕐᓇᖅᑐᓂᒃ ᐱᔭᐅᒋᐊᓕᓪᓚᕆᓐᓂᒃ ᐃᓱᓕᑎᑕᐅᖁᓪᓗᒋᑦ ᐊᖅᑭᓱᖅᑕᐅᓯᒪᔪᓄᑦ ᐱᓂᕐᓗᑦᑕᐅᒍᑎᐅᕙᑦᑐᑦ ᐊᑭᓂᐊᕈᑎᐅᓲᓂᒃ ᐊᓪᓚᖓᔪᓂᒃ ᐃᓗᐊᓂ ᑕᒪᒃᑯᐊ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ, ᐃᓚᒋᔭᐅᓪᓗᑎᒃ ᑐᓐᖓᕕᖃᖅᑐᓄᑦ ᒪᑯᓄᖓ ᑭᓇᒃᑯᓂᖏᓐᓂᒃ ᐊᒻᒪᓗ ᑕᐃᒫᒃ ᑲᒪᒋᔭᐅᖃᑦᑕᕐᓂᖏᓐᓄᑦ ᑕᐅᑐᑦᑕᐅᓪᓗᑎᒃ ᓄᓕᐊᖅᑕᐅᓲᖑᓂᖏᑦ ᖃᓄᐃᑦᑐᓄᑦ ᐅᕝᕙᓘᓐᓃᑦ ᐊᖑᑎᐅᓂᕐᒧᑦ ᐊᕐᓇᐅᓂᕐᒧᑦ ᑭᓇᒃᑯᓂᖏᓐᓄᑦ ᐅᕝᕙᓘᓐᓃᑦ ᖃᓄᐃᓕᐅᓲᖑᓂᖏᓐᓄᑦ.

ᒪᑭᒪᑎᑕᐅᓗᑎᒃ ᐊᓪᓚᖓᔪᑦ ᐃᖅᑲᖅᑐᐃᕕᓕᕆᔾᔪᑎᖏᑦ − ᐃᓄᒃ ᐊᑕᖏᖅᑐᒥᒃ ᐃᓱᒪᒋᔭᐅᒋᐊᖃᕐᓂᖓ ᑲᒪᒋᔭᐅᒐᓱᐊᖅᑎᓪᓗᒍ ᑲᒪᒐᓱᐊᕈᓯᖃᕐᓗᑎᒃ:

ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐃᒫᒃ ᓯᕗᒧᐊᑦᑎᑦᓯᓚᖓᕗᖅ ᑕᒪᒃᑯᓂᖓ ᓇᒻᒥᓂᖅ−ᐃᓱᒪᖅᓱᕈᓐᓇᕐᓂᖏᓐᓂᒃ ᑕᒪᒃᑯᐊ ᐊᓪᓚᖓᔪᑦ ᐃᒪᐃᑦᑐᖃᕐᓗᓂ ᐃᕿᑕᐅᓗᑎᒃ ᐊᓪᓚᖓᔪᑦ ᑐᑭᓯᒪᓂᖏᑦ ᑕᒪᑦᓱᒥᖓ ᐃᖅᑲᖅᑐᐃᕕᓕᕆᓂᕐᒥᒃ. ᑕᒪᓐᓇ ᐃᓚᒍᑦᓯᐅᔾᔨᓚᖓᕗᖅ ᑕᐅᑐᑦᑕᖃᕋᓱᐊᕐᓂᕐᒥᒃ ᒥᑦᓵᓄᑦ ᐱᒻᒪᕆᕈᒃᑲᓂᖅᑎᑕᐅᓂᖏᓐᓂᒃ ᑕᒪᒃᑯᐊ ᐊᓪᓚᖓᔪᑦ ᐃᓕᖅᑐᓯᖏᓐᓂᒃ, ᐃᓅᓯᖏᓐᓂᒃ, ᐃᓚᒌᓂᒃ ᐊᒻᒪᓗ ᖃᐅᔨᒪᖃᑦᑕᐅᑎᓂᐅᔪᓂᒃ ᐊᒻᒪᓗᑦᑕᐅᖅ ᑕᒪᑦᓱᒥᖓ ᐃᓄᒃ ᐊᑕᖏᖅᑐᒥᒃ ᐃᓱᒪᒋᔭᐅᒋᐊᖃᕐᓂᖓ ᑲᒪᒋᔭᐅᒐᓱᐊᖅᑎᓪᓗᒍ ᑲᒪᒐᓱᐊᕈᓯᖃᕐᓗᑎᒃ ᑕᒪᑐᒧᖓ ᐃᖅᑲᖅᑐᐃᕕᓕᕆᓂᕐᒧᑦ ᐃᓚᒋᔭᐅᓪᓗᑎᒃ ᓱᔪᖃᑦᑕᓕᒪᑎᑦᓯᒐᓱᐊᕈᑏᑦ, ᒪᒥᓴᐅᑏᑦ, ᐊᒻᒪᓗ ᖃᓄᐃᒍᓐᓃᕋᓱᐊᕐᓂᕐᒧᑦ ᓴᐳᔾᔨᓯᒪᒍᑏᑦ ᐊᒻᒪᓗ ᐱᔨᑦᓯᕋᐅᑏᓪᓗ. ᐃᓘᓐᓇᑎᒃ ᑲᒪᒋᔭᐅᒍᒪᔪᑦ, ᑲᒪᑎᑦᓯᒍᑎᑦ, ᐊᒻᒪᓗ ᐱᔨᑦᓯᕋᐅᑏᑦ ᐱᒋᐊᖃᖅᑕᐅᕗᑦ ᑕᐃᒫᒃ ᓵᓐᖓᔭᐅᖁᓪᓗᒋᑦ ᑐᓐᖓᕕᐅᔪᑦ ᐱᔾᔪᑎᐅᕙᑦᑐᑦ ᑲᑉᐱᐊᓇᖅᑐᑰᖅᑎᑦᓯᓂᕐᒧᑦ ᐊᒻᒪᓗ ᐱᕋᔭᑕᐅᔪᓄᑦ ᐊᒻᒪᓗ ᓵᓐᖓᑦᓯᓂᕐᒥᒃ ᐱᒐᓱᐊᕆᐊᖃᕐᓃᑦ ᑕᐃᒫᒃ ᐅᑎᕈᓐᓇᖁᓪᓗᒍ ᐃᓅᑉ ᐊᒻᒪᓗ ᑭᓇᒃᑯᓕᒫᒃ ᖃᓄᐃᓐᖏᑦᓯᐊᕐᓂᕆᔭᖏᑦ. ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐱᒻᒪᕆᐅᓂᖅᐹᕆᔭᓂᒃ ᑲᒪᒐᓱᐊᕐᓃᑦ ᑕᒪᒃᑯᐊ ᑕᐅᑐᒐᓱᐊᓚᖓᕗᑦ ᐊᑕᖏᖅᑐᒥᒃ ᑲᒪᒐᓱᐊᕈᓯᕐᓂᒃ ᐃᓗᐊᓂ ᓱᓇᓕᒫᑦ ᓄᓇᕐᔪᐊᑎᓐᓃᑦᑐᑦ ᓯᓚᒥᓗ ᐊᒻᒪᓗ ᑲᒪᒋᔭᐅᓚᖓᓪᓗᓂ ᐊᑐᖅᓗᑎᒃ ᒪᑯᓂᖓ ᐊᓪᓚᖓᔪᑦ ᑕᐅᑐᒍᓯᖏᓐᓂᒃ; ᑖᓐᓇ ᑕᐅᑐᒍᓯᐅᔪᖅ ᑕᑯᓐᓇᖅᑕᖃᖅᑯᖅ ᑲᒪᒋᔭᐅᔪᓂᒃ ᐃᒫᒃ ᐃᓚᒋᓪᓗᒋᑦ−ᓴᐳᔾᔭᐅᖃᑎᒋᒋᐊᖃᖅᓱᒋᑦ ᐊᒻᒪᓗ ᐊᑦᑐᐊᒍᑎᖃᑎᒌᒋᐊᑦᓴᑦᑕ.

ᓴᓐᖏᓂᕆᔭᐅᔪᓄᑦ ᑐᓐᖓᕕᖃᖅᑐᑦ, ᐊᔾᔨᒋᔭᐅᓐᖏᑦᑐᑦ ᖃᓄᐃᓕᐅᕈᑎᐅᖃᑦᑕᕐᓂᖏᓄᑦ ᑲᒪᒐᓱᐊᕈᓯᖃᕐᓂᖅ ᑕᒪᒃᑯᓂᐊ ᒪᑭᒪᑎᑦᓯᔪᓂᒃ ᐱᑦᓯᐊᖅᑕᐅᒋᐊᖃᕐᓂᖏᓐᓂᒃ:

ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᒪᑭᒪᑦᓯᓚᖓᕗᑦ ᑕᒪᒃᓂᖓ ᐱᑦᓯᐊᖅᑕᐅᒋᐊᖃᕐᓂᖏᓐᓂᒃ ᐊᓪᓚᖓᔪᑦ ᐃᒫᒃ ᑕᒪᒃᑯᐊ ᑲᒪᒋᔭᐅᖃᑦᑕᕐᓂᖏᓐᓄᑦ ᑕᒪᒃᑯᓄᖓ ᑲᓇᑕᒥᐅᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᓯᒪᔭᖏᓐᓄᑦ ᐊᒻᒪᓗ ᐃᓘᓐᓇᖏᓐᓂᒃ ᓱᔪᖃᑲᓪᓚᑦᑕᐃᓕᒪᑎᑦᓯᒍᑎᓄᑦ, ᖃᓄᐃᒍᓐᓃᕋᓱᐊᕈᑎᓄᑦ, ᐊᒻᒪᓗ ᒪᒥᓴᐅᑎᓄᑦ ᐱᔨᑦᓯᕋᐅᑎᓄᓪᓗ. ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ:

ᐃᓚᒋᔭᐅᔪᖅ 1: ᐊᓪᓚᖓᔪᑦ ᐱᒻᒪᕆᓂᖅᐹᕆᔭᖏᓐᓄᑦ ᑲᒪᒐᓱᐊᕐᓃᑦ ᐃᒫᒃ ᑭᒡᒐᑐᖅᑕᐅᔪᑦ ᑕᒪᒃᑯᓄᖓ ᐊᓪᓚᖓᔪᑦ ᑲᑐᔾᔨᖃᑎᒌᖏᓐᓄᑦ ᐃᐅᓪᐴᑕᒥ, ᐊᓪᓚᖓᔪᑦ ᑲᑐᔾᔨᖃᑎᒌᖏᓐᓄᑦ ᐳᕆᑎᔅ ᑲᓚᒻᐱᐊᒥ, ᑖᒃᑯᐊ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐊᓐᑎᐅᕆᐅᒥ ᐊᒻᒪᓗ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᓴᔅᑳᑦᓯᐅᐊᓐᒥ

ᐅᑯᐊ ᐊᕕᖅᑐᖅᓯᒪᔪᑦ ᑲᒪᖃᑎᒌᑦᑐᓄᑦ−ᐱᕙᓪᓕᐊᑎᑕᐅᓯᒪᔪᖅ ᑖᒃᑯᓄᖓ ᐊᓪᓚᖓᔪᑦ ᓄᓇᑦᑎᓐᓂ ᑲᑎᒪᔨᖏᓐᓄᑦ, ᑖᒃᑯᓄᖓ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐃᐅᓪᐴᑕᒥ, ᑖᒃᑯᓄᖓ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐳᕆᑎᔅ ᑲᓚᒻᐱᐊᒥ, ᑖᒃᑯᓄᖓ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐊᓐᑎᐅᕆᐆᒥ, ᐊᒻᒪᓗᑦᑕᐅᖅ ᑖᒃᑯᓄᖓ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ−ᓴᔅᑳᑦᓯᐅᐊᓐᒥ.

2023ᒥ, ᑲᓇᑕ ᐊᒻᒪᓗ ᑖᒃᑯᐊ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐃᐅᓪᐴᑕᒥ, ᑖᒃᑯᐊ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ−ᓴᔅᑳᑦᓯᐅᕗᐊᓐᒥ ᐊᑎᓕᐅᕆᓚᐅᖅᓯᒪᔪᑦ ᐃᒻᒥᑰᖅᑐᓐᓂᒃ ᐅᓪᓗᒥᒨᓕᖅᑎᑕᓂᒃ ᓇᒻᒥᓂᖅ−ᒐᕙᒪᖃᕐᓂᖏᓐᓂᒃ ᐃᓕᓴᖅᓯᓂᕐᒥᒃ ᐊᒻᒪᓗ ᐊᑐᓕᖅᑎᑕᐅᓂᖏᓐᓂᒃ ᐊᖏᖃᑎᒌᒍᑏᑦ ᑕᒪᒃᑯᐊᓗ ᑐᑭᓯᑎᑦᓯᓪᓗᑎᒃ ᐊᒻᒪᓗ ᑲᔪᓯᑎᑦᓯᓯᒪᓪᓗᑎᓪᓗ ᑕᒪᒃᑯᓂᖓ ᒐᕙᒪᐅᖃᑎᒌᓐᓄᑦ−ᑕᒪᒃᑯᓄᖓ−ᒐᕙᒪᐅᖃᑎᒌᓐᓄᑦ ᖃᐅᔨᒪᖃᑦᑕᐅᑎᓂᖏᓐᓄᑦ.

ᑖᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐃᓕᓴᖅᓯᕗᖅ ᑲᓇᑕᐅᑉ ᓄᓇᖁᑎᖃᖃᑎᓖᑦ−ᑕᒪᒃᑯᓄᖓ−ᓄᓇᖁᑎᖃᖃᑎᒋᔭᒥᓐᓂᒃ, ᒐᕙᒪᐅᖃᑎᖃᖅᑐᑦ−ᑕᒪᒃᑯᓄᖓ−ᒐᕙᒪᐅᖃᑎᒋᔭᒥᓐᓄᑦ ᖃᐅᔨᒪᖃᑦᑕᐅᑎᓃᑦ ᑕᒪᒃᑯᐊᓗ ᐊᓪᓚᖓᔪᑦ ᐊᒻᒪᓗ ᑲᔪᓯᑎᑦᓯᓚᖓᕗᑦ ᐃᖅᑲᓇᐃᔭᖃᑎᖃᕐᓂᕐᒥᒃ ᐊᑕᐅᑦᓯᒃᑯᑦ ᐅᖃᖃᑎᒌᓐᓂᒃᑯᑦ ᐊᒻᒪᓗ ᑲᒪᖃᑎᖃᑦᓯᐊᓂᒃᑯᓪᓗ ᑖᒃᑯᓂᖓ ᐊᓪᓚᖓᔪᓂᒃ ᑕᐃᒫᒃ ᐊᑐᓕᖅᑎᑦᓯᓗᑎᒃ ᑖᑦᓱᒥᖓ ᐋᖅᑭᑦᓱᐃᑎᐅᒐᓱᐊᖅᑐᒥᒃ. ᐅᓇ ᐊᕕᑦᑐᖅᓯᒪᔪᖅ ᑐᑭᓯᑎᑦᓯᓚᖓᕗᖅ ᐊᒻᒪᓗ ᑲᒪᒋᔭᐅᒋᐊᓕᓐᓂᒃ ᑖᒃᑯᓄᖓ ᐊᓪᓚᖓᔪᓄᑦ ᐊᑐᕐᓗᑎᒃ ᓂᕈᐊᖅᓯᒪᔭᒥᓐᓂᒃ ᑭᒡᒐᑐᖅᑎᓂᒃ ᒪᓕᓪᓗᑎᒃ ᑕᒪᒃᑯᓂᖓ ᓇᒻᒥᓂᕆᔭᒥᓐᓂᒃ ᑲᒪᒐᓱᐊᕈᓯᕐᓂᒃ.

ᐅᓇ ᐃᓚᒍᑦᐅᔾᔨᕗᖅ ᐃᖅᑲᓇᐃᔭᖃᑎᖃᕐᓂᕐᒥᒃ ᑖᒃᑯᓂᖓ ᐊᓪᓚᖓᔪᓂᒃ, ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ, ᐱᓗᑎᒃ ᑕᒪᑦᓱᒥᖓ ᐊᔾᔨᒋᔭᐅᓐᖏᓐᓂᖏᓐᓄᑦ−ᑐᓐᖓᕕᖃᖅᑐᓂᒃ ᑲᒪᒐᓱᐊᕈᓯᕐᓂᒃ ᐊᑐᓕᖅᑎᑕᐅᓗᑎᒃ ᑕᒪᒃᑯᐊ ᓇᒻᒥᓂᖅ−ᐃᓱᒪᒋᔭᐅᓯᒪᔪᑦ ᐱᒻᒪᕆᐅᓂᖅᐹᕆᔭᐅᔪᑦ ᐊᒻᒪᓗ ᐊᑐᓕᖅᑎᑕᐅᒐᓱᐊᕈᒪᔪᑦ ᓇᓗᓇᐃᔭᖅᑕᐅᓯᒪᔪᑦ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ ᑕᐃᒫᒃ ᓵᓐᖓᔭᐅᖁᓪᓗᒋᑦ ᑕᒪᒃᑯᐊ ᐱᑕᖃᓗᐊᓕᕐᓂᖏᑦ ᐊᓪᓚᖓᔪᓂᒃ ᐃᓗᐊᓂ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᑕᐅᓯᒪᔪᓂ ᐊᒻᒪᓗ ᑕᐃᒫᒃ ᓴᐳᔾᔭᐅᖁᓪᓗᒍ ᑕᒪᓐᓇ ᐱᒻᒪᕆᕈᒃᑲᓂᖅᑎᑦᓯᒐᓱᐊᕐᓂᖅ ᑕᒪᒃᑯᓂᖓ ᐊᓪᓚᖓᔪᑦ ᒪᓕᒐᖏᓐᓂᒃ ᐊᒻᒪᓗ ᒪᓕᒐᓕᕆᓂᕐᒧᑦ ᐊᖅᑭᓱᖅᓯᒪᔭᖏᓐᓂᒃ.

ᑕᐃᒫᓪᓗ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐱᒻᒪᕆᐅᕗᖅ ᐱᒐᓱᐊᕈᓯᐅᓪᓗᓂ ᑖᑯᐊᓗ ᑲᓇᑕᒃᑯᑦ ᐊᒻᒪᓗ ᐊᓪᓚᖓᔪᑦ ᐅᖃᖃᑎᒌᓪᓗᑎᒃ ᐊᒻᒪᓗ ᑲᒪᖃᑎᒌᑦᓯᐊᕐᓗᑎᓪᓗ ᑕᐃᒫᒃ ᓵᓐᖓᑦᓯᖁᓪᓗᒋᒃ, ᐃᖅᑲᓇᐃᔭᖃᑎᒌᓐᓂᒃᑯᑦ ᑕᒪᒃᑯᓂᖓ ᑲᒪᖃᑕᐅᒋᐊᓕᓪᓚᕆᓐᓄᑦ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᓂᓪᓗ, ᑕᒪᒃᑯᐊ ᐱᑕᖃᓗᐊᓕᕐᓂᖏᓐᓄᑦ ᐊᓪᓚᖓᔪᓂᒃ ᐃᓗᐊᓂ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ ᐊᒻᒪᓗ ᑕᐃᒫᒃ ᓴᐳᔾᔭᐅᓯᒪᖁᓪᓗᒍ ᑕᒪᓐᓇ ᐱᒻᒪᕆᕈᒃᑲᓂᖅᑎᑦᓯᒐᓱᐊᕐᓂᖅ ᐊᓪᓚᖓᔪᑦ ᒪᓕᒐᖏᓐᓂᖏᒃ ᐊᒻᒪᓗ ᒪᓕᒐᓕᕆᓂᕐᒧᑦ ᐊᖅᑭᓱᖅᓯᒪᔭᖏᓐᓂᒃ, ᐊᓪᓚᖓᔪᑦ ᓇᒻᒥᓂᖅ−ᐋᖅᑭᓱᖅᓯᒪᔭᖏᓐᓂᒃ ᐱᒻᒪᕆᐅᓂᖅᐹᕆᔭᖏᓐᓂᒃ ᐊᒻᒪᓗ ᐊᑐᓕᖅᑎᒐᓱᐊᕈᒪᔭᖏᓐᓂᒃ ᐊᑦᑐᐊᔪᓂᒃ ᑕᒪᑐᒧᖓ ᐃᖅᑲᖅᑐᐃᕕᓕᕆᓂᕐᒧᑦ ᐊᒻᒪᓗ ᐸᓖᓯᓕᕆᓂᕐᒧᓪᓗ ᐃᒪᐃᒍᓐᓇᕆᕗᑦ ᐊᒻᒪᓗᑦᑕᐅᖅ ᑲᔪᓯᑎᑕᐅᓯᒪᓗᓂ ᓵᓐᖓᔭᐅᓂᕆᔭᖏᑦ ᐊᑐᖅᑐᖃᕐᓗᓂ ᐊᓯᖏᑎᒎᖅᑐᓂᒃ ᑲᒪᒐᓱᐊᕐᕕᓐᓂᒃ, ᒪᑯᐊᒐᓚᐃᑦ ᑲᑐᔾᔨᖃᑎᒌᕐᔪᐊᖑᖃᑎᒌᓐᓄ−ᑕᒪᒃᓄᖓ−ᑲᑐᔾᔨᖃᑎᒌᔪᐊᖑᖃᑎᒌᓐᓄᑦ, ᒐᕙᒪᐅᖃᑎᒌᓐᓄᑦ−ᑕᒪᒃᑯᓄᖓ−ᒐᕙᒪᐅᖃᑎᒌᓐᓄᑦ ᐊᑐᕈᒫᕐᓂᐊᖅᑐᓂᒃ ᐅᕝᕙᓘᓐᓃᑦ ᐊᖏᖃᑎᒌᒍᑎᑎᒍᑦ..

ᐃᖅᑲᓇᐃᔭᖃᑎᒌᓐᓂᒃᑯᑦ ᖃᐅᔨᒪᖃᑦᑕᐅᑎᓂᖅ ᐊᒻᒪᓗ ᓇᓗᓇᐃᔭᐃᒍᓐᓇᕆᐊᖃᕐᓂᖅ

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 1: ᑕᐃᒫᑦᓴᐃᓐᓇᖅ ᑕᐃᓐᓇᑎᑐᑦ ᐱᒻᒪᕆᐅᓂᖅᐹᕆᔭᐅᔪᑦ 2ᒦᑦᑐᑦ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᑲᓇᑕ ᐃᖅᑲᓇᐃᔭᖃᑎᖃᓚᖓᕗᖅ ᐅᖃᖃᑎᖃᕐᓗᓂ ᐊᒻᒪᓗ ᑲᒪᖃᑎᖃᑦᓯᐊᕐᓗᓂᓗ ᑖᒃᑯᓂᖓ ᐊᓪᓚᖓᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᖃᕐᓗᓂᓗ ᑕᒪᒃᑯᓂᖓ ᐳᕌᕙᑦᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᓂᒃ ᑕᐃᒫᒃ ᓈᒻᒪᑦᓯᐊᑐᐊᖅᑲᑦ, ᐊᑐᕐᓗᑎᒃ ᒪᕐᕈᐃᓕᖅᑲᖓᔪᓂᒃ ᐊᒻᒪᓗ ᐱᖓᓱᐃᓕᖅᑲᖓᔪᓂᒃ ᐃᖅᑲᖅᑐᐃᕕᓕᕆᓂᕐᒧᑦ−ᐊᑦᑐᐊᔪᓄᑦ ᑲᒪᒋᒋᐊᓕᓐᓂᒃ ᑕᐃᒫᒃ ᐊᑐᓕᖅᑎᑦᓯᓗᑎᒃ ᑖᒃᑯᓂᖓ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂᒃ ᐊᒻᒪᓗ ᐊᓪᓚᖓᔪᑦ ᐱᒻᒪᕆᐅᓂᖅᐹᕆᔭᖏᓐᓂᒃ, ᐊᒻᒪᓗᑦᑕᐅᖅ ᓵᓐᖓᔭᐅᖁᓪᓗᒋᑦ, ᐱᕙᓪᓕᐊᑎᑕᐅᖁᓪᓗᒋᑦ, ᓴᖅᑭᖅᑎᑕᐅᓂᖏᑦ ᐅᕝᕙᓘᓐᓃᑦ ᐊᑐᓕᖅᑎᑕᐅᓂᖏᑦ ᐊᓯᖏᑦ ᐃᖅᑲᖅᑐᐃᕕᓕᕆᓂᕐᒧᑦ−ᐊᑦᑐᐊᔪᑦ ᐱᒻᒪᕆᐅᓂᖅᐹᕆᔭᐅᔪᑦ. ᐃᒫᒃ ᐊᖏᓂᖅᓴᕐᔪᐊᒥᒃ ᓇᓗᓇᓐᖏᑦᑐᒦᑐᖃᖁᓪᓗᒍ,

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 2: ᑲᓇᑕ ᐅᖃᖃᑎᖃᓚᖓᕗᖅ ᐊᒻᒪᓗ ᑲᒪᖃᑎᖃᑦᓯᐊᕐᓗᓂᓗ ᑖᒃᑯᓂᖓ ᐊᓪᓚᖓᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᖃᑦᓯᐊᕐᓗᓂᓗ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᓂᒃ, ᑕᐃᒫᒃ ᓵᓐᖓᔭᐅᖁᓪᓗᒋᑦ ᓇᒻᒥᓂᖅ−ᐃᓱᒪᒋᓯᒪᔭᖏᑦ ᐃᖅᑲᖅᑐᐃᕕᓕᕆᓂᕐᒧᑦ−ᐊᑦᑐᐊᔪᑦ ᐱᒋᐊᓖᑦ ᐊᒻᒪᓗ ᐱᒻᒪᕆᐅᓂᖅᐹᕆᔭᐅᔪᑦ. ᑕᒪᒃᑯᐊ ᐃᓚᒍᑦᓯᐅᔾᔭᐅᓗᑎᒃ ᖃᐅᔨᒐᓱᐊᕐᓃᑦ ᖃᓄᖅ ᐊᐃᕙᓂᒃᑯᑦ ᐊᖏᖃᑎᒌᒍᑏᑦ ᐊᑐᖅᑕᐅᒍᓐᓇᕐᒪᖔᑕ ᓯᕗᒧᐊᑦᑎᑕᐅᖁᓪᓗᒋᑦ ᐊᓪᓚᖓᔪᑦ ᓄᓇᖏᓐᓂ ᑲᒪᒋᒍᓐᓇᖅᑕᖏᑦ ᐊᑦᑐᐊᔪᑦ ᑕᒪᑐᒧᖓ ᐊᐅᓚᑕᐅᓂᖏᓐᓄᑦ ᐃᖅᑲᖅᑐᐃᕕᓕᕆᓂᕐᒨᖓᔪᑦ ᐊᒻᒪᓗ ᓵᓐᖓᔭᐅᓂᖏᓐᓄᑦ ᐊᖅᑭᓱᖅᑕᐅᓯᒪᔪᓄᑦ ᐱᓂᕐᓗᑦᑕᐅᕙᑦᑐᑦ ᐊᒻᒪᓗ ᐱᑕᖃᓗᐊᓕᕐᓂᖏᓐᓄᑦ ᐊᓪᓚᖓᔪᓂᒃ ᐃᓗᐊᓂ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 3: ᑲᔪᓯᓯᒪᓗᓂ ᐃᖅᑲᓇᐃᔭᖃᑎᒌᓐᓂᖅ ᑖᒃᑯᐊ ᐊᑐᓕᖅᑎᑕᐅᒐᓱᐊᕐᓗᑎᒃ ᐊᓪᓚᖓᔪᑦ ᐱᒻᒪᕆᐅᓂᖅᐹᕆᔭᖏᑦ 9ᒦᑦᑐᑦ ᑕᐃᑲᓂ ᑲᑐᔾᔨᖃᑎᒌᕐᔪᐊᒃᑯᑦ ᓯᓚᕐᔪᐊᕐᒥᐅᑦ ᓇᓗᓇᐃᖅᓯᒪᕕᔾᔪᐊᖅᑕᖓᓂ ᒥᑦᓵᓄᑦ ᐱᒍᓐᓇᐅᑎᖏᑕ ᓄᓇᖃᖅᑳᖅᓯᒪᔪᑦ ᐃᓄᖏᑕ ᑲᒪᑎᑦᓯᓂᕐᒧᑦ ᐸᕐᓇᐅᑎᐅᑉ, ᑖᒃᑯᐊᓗ ᑎᓕᐅᕆᕗᑦ ᐃᓚᒍᑦᓯᐅᔾᔭᐅᖁᓪᓗᒋᑦ ᑖᒃᑯᐊ ᐃᖅᑲᖅᑐᐅᕕᓕᕆᓂᕐᒨᖓᔪᑦ ᐊᒻᒪᓗ ᐸᓖᓯᓕᕆᓂᕐᒧᑦ ᐊᓪᓕᕐᒦᑦᑐᑦ−ᐊᑐᖅᑕᐅᖁᔭᐃᑦ ᐊᑐᖅᓗᑎᒃ ᑖᒃᑯᓂᖓ ᑲᓇᑕ−ᐊᓪᓚᖓᔪᑦ ᑲᑐᔾᔨᖃᑎᖐᖏᓐᓂᒃ ᑕᐃᒪᓐᖓᓕᒫᖅ ᒪᕐᕈᓐᓄᑦ ᑲᒪᒐᓱᐊᕈᓯᐅᓗᓂ. ᑕᒪᓐᓇ ᐃᓚᒍᑦᓯᐅᔾᔨᕗᖅ ᖃᐅᔨᒐᓱᐊᕐᓂᕐᒥᒃ ᐊᑦᑐᐊᒍᑎᓂᖏᓐᓂᒃ ᑖᒃᑯᐊ ᑲᒪᒋᒋᐊᓕᓐᓅᖓᔪᓄᑦ ᐃᖅᑲᓇᐃᔮᕆᔭᐅᓗᑎᒃ ᐊᒻᒪᓗ ᑕᒪᓐᓇ ᐃᖅᑲᓇᐃᔮᕆᔭᐅᒋᐊᓕᒃ ᐊᑐᓕᖅᑎᑦᓯᒐᓱᐊᕐᓂᕐᒥᒃ ᑖᒃᑯᓂᖓ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂᒃ. ᑕᒪᓐᓇ ᑲᒪᒐᓱᐊᕈᓯᐅᔪᖅ ᐊᑐᖅᑕᐅᔪᖅ ᑕᒪᓐᓇ ᓵᓐᖓᔭᐅᖁᓪᓗᒍ ᑲᒪᒐᓱᐊᕐᓂᕐᒧᑦ ᐸᕐᓇᐅᑎᒥᒃ ᐊᒻᒪᓗ ᐊᑐᓕᖅᑎᑕᐅᓂᖏᓐᓄᑦ ᑖᒃᑯᐊ ᐋᖅᑭᑦᓱᐃᑎᐅᒐᓱᐊᖅᑐᑦ ᐃᒻᒪᖃ ᐃᒪᐃᓕᖓᑐᐃᓐᓇᕆᐊᖃᖅᑯᖅ ᐃᓚᒋᔭᐅᓗᓂ ᐊᓪᓕᕐᒦᑦᑐᓄᑦ−ᐊᑐᖅᑕᐅᖁᔭᓂ ᐅᕝᕙᓘᓐᓃᑦ ᐊᔾᔨᒋᓐᖏᑕᖓᓂᒃ ᑲᒪᒍᓯᕐᒥᒃ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 4: ᐊᔾᔨᖃᕋᐊᓱᖅᓱᓂ ᑖᒃᑯᓇᓐᖓᑦ ᐱᒻᒪᕆᐅᓂᖅᐹᕆᔭᐅᔪᓂᒃ ᑲᒪᒋᔭᐅᒋᐊᓕᓐᓂᒃ 4ᒦᑦᑐᓂᒃ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ, ᑲᓇᑕ ᐅᖃᖃᑎᖃᓚᖓᕗᖅ ᐊᒻᒪᓗ ᑲᒪᖃᑎᖃᑦᓯᐊᕐᓗᓂᓗ ᑕᒪᒃᑯᓂᖓ ᐊᓪᓚᖓᔪᓂᒃ ᐃᖅᑲᓇᐃᔭᖃᑎᒋᓗᒋᑦ ᑕᒪᒃᑯᐊ ᓯᕗᒧᐊᑦᑎᑕᐅᖁᓪᓗᒋᑦ ᑭᓪᓕᓯᐊᖅᑕᒥᓂᖏᑦ ᓇᒻᒥᓂᖅ ᐃᓱᒪᖅᓱᕈᓐᓇᓂᕐᒧᑦ ᐊᒻᒪᓗ ᐱᐅᓯᕚᓪᓕᖅᑎᑕᐅᖁᓪᓗᒍ ᑕᒪᓐᓇ ᐱᒍᓐᓇᓯᐊᕐᓂᐅᒋᐊᓕᒃ ᑕᒃᑯᐊ ᐊᓪᓚᖓᔪᑦ ᐊᐅᓚᑦᓯᒍᓐᓇᖁᓪᓗᒋᑦ ᓇᒻᒥᓂᕆᔭᒥᓐᓂᒃ ᑭᓪᓕᓯᓂᐊᕈᑎᓂᒃ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 5: ᑲᓇᑕ ᐅᖃᖃᑎᖃᓚᖓᕗᖅ ᐊᒻᒪᓗ ᑲᒪᖃᑎᖃᑦᓯᐊᕐᓗᓂᓗ ᑕᒪᒃᑯᓂᖓ ᐊᓪᓚᖓᔪᓂᒃ ᑕᐃᒫᒃ ᐃᖅᑲᓇᐃᔮᕆᔭᐅᓗᓂ ᑕᒪᓐᓇ ᐱᕕᖃᖅᑎᑦᓯᓂᖅ ᖃᐅᔨᒪᔭᐅᒃᑲᖅᑕᐅᓂᖏᑦ ᑕᒪᒃᑯᐊ ᐊᓪᓚᖓᔪᓄᑦ−ᑐᕌᖓᔪᑦ ᑭᓪᓕᓯᐊᓂᕈᑏᑦ ᓄᐊᑕᐅᓂᖏᓐᓄᑦ ᑲᒪᒋᔭᐅᓯᒪᔪᓂᒃ ᑕᒪᒃᑯᓄᖓ ᐃᖅᑲᖅᑐᐃᕕᓕᕆᓂᕐᒧᑦ ᐱᔨᑦᓯᕋᐅᑎᖏᓐᓄᑦ ᐊᒻᒪᓗ ᑲᒪᑎᑦᓯᒍᑎᖏᓐᓄᓪᓗ ᐊᐅᓚᑕᐅᔪᓄᑦ ᑕᒃᑯᓄᖓ ᑲᓇᑕᒃᑯᓐᓄᑦ, ᐃᓚᒋᔭᐅᓪᓗᑎᒃ ᑲᒪᒋᔭᐅᖃᑦᑕᕐᓂᖏᑦ ᐊᒻᒪᓗ ᖃᐅᔨᖃᑦᑕᖅᓯᒪᔭᖏᑦ ᑕᒪᒃᑯᐊ ᐊᓪᓚᖓᔪᑦ ᑕᒪᒃᑯᓂᖓ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓄᑦ ᐊᒻᒪᓗ ᑲᒪᕕᒻᒪᕆᖏᓐᓂ. ᑕᒪᓐᓇ ᐃᓚᒍᑦᓯᐅᔾᔨᕗᖅ ᐊᖏᓪᓕᒋᐊᖅᑎᑕᐅᓂᖏᓐᓂᒃ ᐊᓪᓚᖓᔪᑦ ᐃᓚᐅᑎᖃᑦᑕᖅᑎᑕᐅᓂᖏᑦ ᑕᒪᒃᑯᐊ ᐱᕙᓪᓕᐊᑎᑕᐅᓂᖏᓐᓄᑦ ᑕᒪᒃᑯᐊ ᑭᓪᓕᓯᓂᐊᕈᑏᑦ ᑕᐃᑲᓐᖓᑦ ᐱᒋᐊᕐᓗᑎᒃ ᐱᒋᐊᕐᕕᐅᔪᒥᒃ ᐊᒻᒪᓗ ᐊᖏᓪᓕᕙᓪᓕᐊᓗᓂ ᐱᕕᖃᖅᑎᑕᐅᒍᓐᓇᕐᓂᖏᑦ ᑕᒪᒃᑯᓄᖓ ᑭᓪᓕᓯᐊᕐᕈᑎᓂᒃ ᐊᐅᓚᑦᓯᒍᓐᓇᓂᕐᒥᒃ ᑕᒃᑯᓄᖓ ᒐᕙᒪᒃᑯᖏᓐᓄᑦ ᑲᓇᑕᐅᑉ ᐃᖅᑲᓇᐃᔭᕐᕕᖏᓐᓄᑦ, ᑲᒪᕕᖁᑎᖏᓐᓄᑦ, ᐊᒻᒪᓗ ᒐᕙᒪᑐᖃᒃᑯᑦ ᑯᐊᐳᕇᓴᖏᓐᓂᒃ ᑕᒪᒃᑯᓂᖓ ᐊᑦᑐᐊᕕᖃᖅᑐᓂᒃ ᑖᒃᑯᓄᖓ ᐊᓪᓚᖓᔪᓄᑦ ᐊᒻᒪᓗ ᑕᒪᒃᑯᐊ ᐋᓐᓂᐊᖃᖁᓇᒋᑦ, ᖃᓄᐃᓐᖏᑦᓯᐊᖁᓪᓗᒋᑦ, ᐊᒻᒪᓗ ᖃᓄᑐᐃᓐᓇᖅ ᐃᓅᓯᖃᕋᓱᐊᕐᓂᖏᓐᓄᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 6: ᐊᔾᔨᖃᖅᓱᓂ ᑖᒃᑯᓂᖓ ᐱᒻᒪᕆᐅᓂᖅᐹᕆᔭᐅᔪᓄᑦ ᑲᒪᒋᔭᐅᒋᐊᓕᓐᓄᑦ 3ᒦᑦᑐᓂᒃ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᑲᓇᑕ ᐅᖃᖃᑎᖃᓚᖓᕗᖅ ᐊᒻᒪᓗ ᑲᒪᖃᑎᖃᑦᓯᐊᕐᓗᓂᓗ ᑖᒃᑯᓂᖓ ᐊᓪᓚᖓᔪᓂᒃ ᑕᐃᒫᒃ ᓴᖅᑭᑎᑦᓯᓗᑎᒃ ᑲᒪᖃᑎᖐᓐᓂᒃᑯᑦ−ᐱᕙᓪᓕᐊᑎᑕᐅᔪᓂᒃ ᐊᐅᓚᑦᓯᒍᓐᓇᕐᓂᐅᔪᓂᒃ, ᓇᓗᓇᐃᔭᕋᑦᓴᐅᑦᓯᐊᕆᐊᖃᕐᓂᕐᒧᑦ, ᐊᒻᒪᓗ ᑐᓴᐅᒪᑎᑦᓯᓂᕐᒧᑦ ᑲᒪᒐᓱᐊᕈᑎᓂᒃ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐊᑐᓕᖅᑎᑕᐅᖁᓪᓗᒋᑦ. ᑕᒪᓐᓇ ᐃᓚᖃᑐᐃᓐᓇᕆᐊᖃᖅᑯᖅ ᖃᐅᔨᒍᑎᑦᓴᓂᒃ ᑕᐃᒫᒃ ᖃᐅᔨᒐᓱᐊᕈᓐᓇᖁᓪᓗᒋᑦ ᐱᕙᓪᓕᐊᓂᖏᓐᓂᒃ ᑕᒪᒃᑯᓂᖓ ᑕᑯᑎᑦᓯᔪᓂᒃ ᐊᓪᓚᖓᔪᑦ ᖃᓄᖅ ᖃᐅᔨᒪᓲᖑᒻᒪᖔᑕ ᐊᒻᒪᓗ ᑐᑭᓯᒪᓂᕆᔭᖏᓐᓂᒃ, ᐊᒻᒪᓗ ᑕᒪᒃᑯᐊᓗ ᓴᐳᔾᔭᐅᓪᓗᑎᒃ ᑕᒪᒃᑯᓄᖓ ᑭᓪᓕᓂᐊᖅᑕᒥᓂᕐᓄᑦ ᓄᐊᑕᐅᓯᒪᔪᓄᑦ ᐊᒻᒪᓗ ᑐᓴᐅᒪᑎᑦᓯᓂᕐᒧᑦ ᑲᒪᒍᓯᕐᓂᒃ ᑕᒪᒃᑯᓂᖓ ᐱᒻᒪᕆᐅᓂᖅᐹᕆᔭᖏᓐᓂᒃ ᐊᓪᓚᖓᔪᑦ ᑭᓪᓕᓯᓂᐊᖅᑕᐅᔪᓄᑦ ᓇᒻᒥᓂᖅ ᐃᓱᒪᖅᓲᑎᐅᒍᓐᓇᕐᓂᖏᑦ ᐊᒻᒪᓗ ᐊᐅᓚᑕᐅᒍᓐᓇᕐᓂᖏᓐᓄᓪᓗ.

ᐊᑯᓃᓚᖓᔪᒥᒃ−ᖃᓄᑎᒌᕐᓂᖃᖅᑐᒥᒃ ᐊᒻᒪᓗ ᓇᓗᓇᓐᖏᑦᑐᑦ ᑮᓇᐅᔭᖅᑖᕕᑦᓴᐃᑦ

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 7: ᐊᔾᔨᖃᖅᓱᓂ ᑖᒃᑯᓇᓐᖓᑦ ᐱᒻᒪᕆᐅᓂᖅᐹᕆᔭᐅᔪᓂᒃ ᑲᒪᒋᔭᐅᒋᐊᓕᓐᓂ 6ᒦᑦᑐᑦ, 7ᒦᑦᑐᑦ, ᐊᒻᒪᓗ 8ᒦᑦᑐᓄᓪᓗ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᑲᓇᑕ ᐅᖃᖃᑎᖃᕐᓂᒃᑯᑦ ᐊᒻᒪᓗ ᑲᒪᖃᑎᖃᑦᓯᐊᓂᒃᑯᓪᓗ ᑖᒃᑯᓇᓐᖓᑦ ᐊᓪᓚᖓᔪᓂᒃ, ᐱᒐᓱᐊᓚᖓᕗᑦ ᖃᐅᔨᒐᓱᐊᕐᓂᕐᒥ ᑭᓇᐅᔭᖅᑖᕕᑦᓴᓂᒃ ᐱᕕᑦᓴᐅᓲᓂᒃ ᑕᒪᒃᑯᓂᖓ ᐃᓱᒪᖅᓲᑎᐅᒍᓐᓇᖅᑐᓂᒃ ᐊᒻᒪᓗ ᓂᕆᐅᓇᕈᓐᓇᖅᑐᓂᒃ ᑕᐃᒫᒃ ᓴᐳᔾᔭᐅᖁᓪᓗᒋᑦ ᐊᓪᓚᖓᔪᑦ ᓇᒻᒥᓂᖅ−ᐃᓱᒪᖅᓱᕈᓐᓇᕐᓂᖏᑦ ᐱᒋᐊᓕᓐᓂᒃ ᐊᒻᒪᓗ ᐱᒻᒪᕆᐅᓂᖅᐹᕆᔭᖏᓐᓂᒃ ᑕᐃᒫᒃ ᐊᑦᑐᐊᓂᖃᕐᖓᑕ ᑕᒪᒃᑯᓄᖓ ᐊᓪᓚᖓᔪᓄᑦ−ᓯᕗᓕᖅᑕᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᑎᑦᓯᒍᑎᓄᑦ ᐊᒻᒪᓗ ᐱᔨᑦᓯᕋᐅᑎᓄᓪᓗ.

ᐃᖅᑲᖅᑐᐃᕕᓕᕆᓂᖅ ᐊᒻᒪᓗ ᖃᓄᐃᓐᖏᑦᓯᐊᕐᓂᖅ

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 8: ᐅᖃᖃᑎᒌᓐᓂᒃᑯᑦ ᐊᒻᒪᓗ ᑲᒪᖃᑎᒌᑦᓯᐊᓂᒃᑯᓪᓗ ᑕᒃᑯᓂᖓ ᐊᓪᓚᖓᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᖃᕐᓂᒃᑯᑦ ᑕᒃᑯᓂᖓ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᓂᓪᓗ, ᐃᖅᑲᓇᐃᔭᖅᑐᖃᕐᓗᓂ ᓯᕗᒧᐊᑦᑎᑕᐅᖁᓪᓗᒋᑦ ᐱᕙᓪᓕᐊᑎᑕᐅᓂᖏᑦ ᑲᒪᒐᓱᐊᕈᑏᑦ ᑕᐃᒫᒃ ᓴᐳᔾᔭᐅᓯᒪᖁᓪᓗᒋᑦ ᐊᓪᓚᖓᔪᑦ ᓇᒻᒥᓂᖅ−ᐃᓱᒪᖅᓱᕈᓐᓇᕐᓂᖏᑦ, ᐃᓚᒋᔭᐅᓪᓗᓂ ᐊᓪᓚᖓᔪᓄᑦ ᐱᕙᓪᓕᐊᑎᑕᐅᓯᒪᔪᑦ, ᐃᖏᕐᕋᑎᑕᐅᔪᑦ ᐊᒻᒪᓗ ᐊᐅᓚᑕᐅᓪᓗᑎᓪᓗ ᐃᖅᑲᖅᑐᐃᕕᓕᕆᓂᕐᒧᑦ ᐱᔨᑦᓯᕋᐅᑏᑦ, ᑲᒪᑎᑦᓯᒍᑏᑦ ᐊᒻᒪᓗ ᑲᒪᕕᒻᒪᕆᐅᔪᓂᒃ ᑐᓐᖓᕕᖃᖅᑐᓄᑦ ᒪᑯᓄᖓ ᐅᐊᑯᑐᕗᐃᓐ ᐊᒻᒪᓗ ᐊᓪᓚᖓᔪᑦ ᒪᓕᒐᖏᑕ ᑐᓐᖓᕕᒻᒪᕆᖏᓐᓄᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 9: ᐅᖃᖃᑎᒌᓐᓂᒃᑯᑦ ᐊᒻᒪᓗ ᑲᒪᖃᑎᒌᑦᓯᐊᓂᒃᑯᓪᓗ ᑕᒃᑯᓂᖓ ᐊᓪᓚᖓᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᖃᕐᓂᒃᑯᑦ ᑕᒃᑯᓂᖓ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᓂᓪᓗ, ᐃᖅᑲᓇᐃᔭᖅᑐᖃᕐᓗᓂ ᓯᕗᒧᐊᑉᐸᓪᓕᐊᖁᓪᓗᒋᑦ ᐱᐅᓯᕚᓪᓕᖅᑎᑕᐅᓂᖏ ᐱᕕᖃᖅᑎᑕᐅᒍᓐᓇᕐᓃᑦ ᒪᑯᓄᖓ, ᐊᒻᒪᓗ ᐱᕙᓪᓕᐊᑎᑕᐅᓗᑎᒃ ᐊᓪᓚᖓᔪᓄᑦ−ᑐᕌᖓᔪᑦ ᐊᒻᒪᓗ ᐊᓪᓚᖓᔪᓄᑦ ᐃᖏᕐᕋᑎᑕᐅᔪᑦ ᐱᔨᑦᓯᕋᐅᑏᑦ, ᓴᐳᔾᔨᓯᒪᒐᓱᐊᕈᑏᑦ ᐊᒻᒪᓗ ᑲᒪᑎᑦᓯᒍᑏᓪᓗ ᑕᒪᒃᑯᐊ ᐊᓪᓚᖓᔪᑦ ᑲᒪᒋᔭᐅᖃᑦᑕᕐᓂᖏᓐᓄᑦ ᑕᒪᒃᑯᓄᖓ ᑲᓇᑕᒥᐅᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᓯᒪᔭᖏᓐᓄᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 10: ᐊᔾᔨᖃᖅᓱᓂ ᑖᒃᑯᓇᓐᖓᑦ ᐱᒻᒪᕆᐅᓂᖅᐹᕆᔭᐅᔪᓂᒃ ᑲᒪᒋᔭᐅᒋᐊᓕᓐᓂ 5ᒦᑦᑐᓂᒃ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᐅᖃᖃᑎᖃᕐᓗᑎᒃ ᐊᒻᒪᓗ ᑲᒪᖃᑎᖃᑦᓯᐊᕐᓗᑎᓪᓗ ᑖᒃᑯᓇᓐᖓᑦ ᐊᓪᓚᖓᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᖃᕐᓗᑎᓪᓗ ᑕᒪᒃᑯᓂᖓ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᑦᓯᒪᔪᓂᓪᓗ, ᓯᕗᒧᐊᑎᑕᐅᕙᓪᓕᐊᓗᑎᒃ ᐱᕙᓪᓕᐊᑎᑦᓯᓂᕐᒥᒃ ᐊᒻᒪᓗ ᐊᑐᓕᖅᑎᑕᐅᓂᖏᓐᓂᒃ ᐊᓪᓚᖓᔪᓄᑦ−ᑐᕌᖓᔪᑦ ᑲᑉᐱᐊᓇᖅᑐᑰᖅᑐᒥᓂᕐᓂᒃ ᑐᑭᓯᒪᑦᓯᐊᖅᑐᓂᒃ ᐃᓕᖅᑯᓯᕐᓅᖓᔪᓂᒃ ᐃᓕᓐᓂᐊᑎᑦᓯᒍᑎᓂᒃ ᑕᒪᒃᑯᓄᖓ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᓯᒪᔪᓂᒃ ᑲᒪᒋᔭᖃᓲᓄᑦ ᑕᐃᒫᒃ ᐱᐅᓯᕙᓪᓕᖁᓪᓗᒋᑦ ᖃᐅᔨᒪᓂᕆᔭᖏᑦ ᑕᒪᒃᑯᓂᖓ ᐊᔾᔨᒋᔭᐅᓐᖏᓐᓂᖏᓐᓂᒃ ᐊᓪᓚᖓᔪᑦ ᓯᐊᕈᐊᓗᓂᒃ ᖃᓄᐃᓕᖓᖃᑦᑕᖅᓯᒪᓂᕆᔭᖏᑦ, ᐃᓕᖅᑯᓯᖏᓅᖓᔪᓂᒃ ᐊᒻᒪᓗ ᖃᓄᐃᓕᖓᓕᕐᓂᕆᔭᖏᓐᓄᓪᓗ. ᑕᒪᓐᓇ ᐃᓚᒍᑦᓯᐅᔾᔨᕗᖅ ᑐᖄᖓᔪᓂᒃ ᐃᓕᓂᐊᑎᑦᓯᒍᑎᓄᑦ ᒥᑦᓵᓄᑦ ᐊᔾᔨᒋᔭᐅᓐᖏᑦᑐᒥᒃ ᖃᓄᐃᓕᖓᓕᕐᓂᕆᔭᖏᑦ ᑕᒪᒃᑯᐊ ᐊᓪᓚᖓᔪᑦ ᐃᒪᐃᑦᑐᑦ ᐊᔾᔨᒋᔭᐅᓐᖏᓐᓄᑯᒧᑦ ᖃᓄᐃᓕᐅᕈᑎᐅᓕᖃᑦᑕᕐᓂᖏᓐᓄᑦ ᖃᐅᔨᒪᔭᐅᓂᖃᖅᑐᑦ, ᐃᓚᒋᔭᐅᓪᓗᑎᒃ ᐃᓐᓇᑐᖃᐃᑦ, ᐊᕐᓇᐃᑦ, ᐅᕕᒃᑲᐃᑦ, ᓱᕈᓰᑦ, ᑭᓇᒃᑯᑦ ᑕᒪᒃᑯᐊ ᐃᓗᓯᖅᓱᓯᐊᓐᖏᒍᑎᓖᑦ, ᐊᒻᒪᓗ ᒪᕐᕉᓐᓂᒃ, ᑕᕐᓂᓖᑦ, ᐊᕐᓇᐅᔭᐃᑦ, ᐊᖑᑎᐅᔭᐃᑦ, ᓇᓕᐊᓐᓄᕋᖅᑐᑦ, ᐊᕐᓇᐅᖔᕈᒪᔪᑦ ᐊᖑᑎᐅᖔᕈᒪᔪᑦ, ᐊᔾᔨᒋᔭᐅᓐᖏᑦᑐᑦ, ᑕᒪᒃᑮᑦᓯᔪᑦ ᐊᕐᓇᐅᓂᕐᒧᑦ ᐊᖑᑎᐅᓂᕐᒧᓪᓘᖓᔾᔪᑎᓖᑦ ᑎᒥᖏᑦ, ᐊᓯᖏᓪᓗ ᐃᓄᖏᑦ,

ᐊᐅᓚᑦᓯᓂᖅ ᐃᖅᑲᖅᑐᐃᕕᓕᕆᓂᕐᒥᒃ ᐊᒻᒪᓗ ᐱᕕᖃᖅᑎᑕᐅᓂᖅ ᐃᖅᑲᖅᑐᐃᕕᓕᕆᔨᒃᑯᓐᓂᒃ − ᐸᓖᓯᓕᕆᓂᖅ

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 11: ᐅᖃᖃᑎᖃᕐᓗᑕ ᐊᒻᒪᓗ ᑲᒪᖃᑎᖃᑦᓯᐊᕐᓗᑕᓗ ᑕᒪᒃᓂᖓ ᐊᓪᓚᖓᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᒋᓗᒋᓪᓗ ᑕᒪᒃᑯᐊ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᓯᕗᒧᐊᑦᑎᑕᐅᖁᓪᓗᒋᑦ ᐊᓪᓚᖓᔪᑦ ᐸᓖᓯᓕᕆᓂᕐᒨᖓᔪᑦ ᐊᒻᒪᓗ ᓄᓇᓕᓐᓂ ᐊᑦᑕᓇᖅᑐᓕᕆᓂᕐᒧᑦ ᐱᒻᒪᕆᐅᓂᖅᐹᕆᔭᐅᔪᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 12: ᐊᔾᔨᖃᖅᓱᓂ ᑖᒃᑯᓇᓐᖓᑦ ᐱᒻᒪᕆᐅᓂᖅᐹᕆᔭᐅᔪᓂᒃ ᑲᒪᒋᔭᐅᒋᐊᓕᓐᓂ 5ᒦᑦᑐᓂᒃ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᐅᖃᖃᑎᖃᕐᓗᑎᒃ ᐊᒻᒪᓗ ᑲᒪᖃᑎᖃᑦᓯᐊᕐᓗᑎᓪᓗ ᑖᒃᑯᓇᓐᖓᑦ ᐊᓪᓚᖓᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᖃᕐᓗᑎᓪᓗ ᑕᒪᒃᑯᓂᖓ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᑦᓯᒪᔪᓂᓪᓗ, ᐱᕙᓪᓕᐊᑎᑕᐅᓗᑎᒃ ᐊᒻᒪᓗ ᐃᖏᕋᑎᑕᐅᓗᑎᓪᓗ ᐊᔾᔨᒌᓐᖏᓐᓂᖏᓐᓄᑦ ᑐᓐᖓᕕᖃᑦᑐᑦ, ᐃᓕᖅᑯᓯᕆᔭᓄᑦ ᐊᑦᑕᓇᓐᖏᑦᑐᓂᒃ, ᐊᒻᒪᓗ ᑲᑉᐱᐊᓇᖅᑐᑰᖅᑐᒥᓂᕐᓂᒃ ᑐᑭᓯᒪᑦᓯᐊᖅᑐᓂᒃ ᐃᓕᓐᓂᐊᑎᑦᓯᒍᑎᓂᒃ ᑕᒪᒃᑯᓄᖓ ᐃᖅᑲᖅᑐᐃᕕᓕᕆᔨᒃᑯᓐᓄᑦ ᐊᒻᒪᓗ ᐸᓖᓯᒃᑯᓐᓄᑦ ᐃᖅᑲᓇᐃᔭᖅᑎᓄᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 13: ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᖓᔪᑦ ᐱᕙᓪᓕᐊᑎᑦᓯᓗᑕ ᑲᒪᒐᓱᐊᕈᑎᓂᒃ ᑕᒪᒃᑯᐊ ᓴᐳᔾᔭᐅᓯᒪᖁᓪᓗᒋᑦ ᐊᓪᓚᖓᔪᑦ ᓄᓇᓕᖏᑦ ᐊᑦᑕᓇᓐᖏᑦᑐᒦᖁᓪᓗᒋᑦ ᐊᒻᒪᓗ ᐸᓖᓯᓕᕆᓂᕐᒧᑦ ᐱᒋᔭᐅᒋᐊᖃᖅᑐᓂᒃ, ᐅᑯᐊᖑᓗᐊᓐᖑᐊᖅᑐᑦ ᓵᓐᖓᔭᐅᖁᓪᓗᒋᑦ ᑕᒪᒃᑯᐊ ᖃᓄᐃᓕᖓᓪᓚᕆᓐᓂᕆᔭᖏᑦ ᑕᒪᒃᑯᐊ ᐊᓪᓚᖓᔪᑦ ᐃᓄᖏᑕ ᐊᒻᒪᓗ ᓄᓇᓕᖏᑕᓗ.

ᐊᐅᓚᑦᓯᓂᖅ ᐃᖅᑲᖅᑐᐃᕕᓕᕆᓂᕐᒥᒃ ᐊᒻᒪᓗ ᐱᕕᖃᖅᑎᑕᐅᓂᖅ ᐃᖅᑲᖅᑐᐃᕕᓕᕆᔨᒃᑯᓐᓂᒃ − ᑎᒍᔭᐅᒪᓕᕆᓂᖅ

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 14: ᐊᔾᔨᖃᖅᓱᓂ ᑕᐃᑦᓱᒪᓐᖓᑦ ᐱᒻᒪᕆᐅᓂᖅᐹᕆᔭᐅᔪᓂᒃ ᑲᒪᒋᔭᐅᒋᐊᓕᓐᓂ 20ᒦᑦᑐᓂᒃ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᐅᖃᖃᑎᖃᕐᓗᑕ ᐊᒻᒪᓗ ᑲᒪᖃᑎᖃᑦᓯᐊᕐᓗᑕᓗ ᑕᒪᒃᑯᓂᖓ ᐊᓪᓚᖓᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᖃᕐᓗᑕᓗ ᑕᒪᒃᑯᓂᖓ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᑦᓯᒪᔪᓂᓪᓗ, ᒥᑭᓪᓕᑎᖅᑕᐅᖁᓪᓗᒋᑦ ᐊᕝᕕᐊᕈᑏᑦ ᐊᒻᒪᓗ ᐊᖏᓪᓕᕚᓪᓕᖅᑎᑕᐅᓗᓂ ᐱᕕᖃᖅᑎᑕᐅᒍᓐᓇᕐᓂᖏᑦ ᐊᓪᓚᖓᔪᑦ ᐱᕙᓪᓕᐊᑎᑦᓯᓂᖏᑦ ᐊᒻᒪᓗ ᐃᖏᕐᕋᑎᑦᓯᓂᖏᓐᓂᓪᓗ ᒐᓚᑑ ᐃᑲᔪᖅᑎᒃᑯᑦ ᐱᔨᑦᓯᕋᐅᑎᖏᓐᓂᒃ ᐊᒻᒪᓗ ᑲᒪᑎᑦᓯᒍᑎᖏᓐᓂᓪᓗ ᑕᒪᒃᑯᓂᖓ ᐃᓘᓐᓇᖏᓐᓂ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᒐᓱᐊᕈᓯᕐᓂ ᑕᐃᒫᒃ ᐱᒍᓐᓇᖅᑎᑕᐅᖁᓪᓗᒍ ᐊᑕᖏᖅᑐᒥᒃ ᐃᓱᒪᒋᔭᐅᒋᐊᖃᕐᓂᖏᑦ ᑕᒪᒃᑯᐊ ᑐᕌᖓᔪᑦ ᖃᓄᐃᓕᖓᓂᕆᓕᖅᑕᖏᓐᓄᑦ ᐊᓪᓚᖓᔪᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 15: ᐊᔾᔨᖃᖅᓱᓂ ᑖᒃᑯᓇᓐᖓᑦ ᐱᒻᒪᕆᐅᓂᖅᐹᕆᔭᐅᔪᓂᒃ ᑲᒪᒋᔭᐅᒋᐊᓕᓐᓂ 11ᒦᑦᑐᓂᒃ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᐅᖃᖃᑎᖃᕐᓗᑎᒃ ᐊᒻᒪᓗ ᑲᒪᖃᑎᖃᑦᓯᐊᕐᓗᑎᓪᓗ ᑖᒃᑯᓇᓐᖓᑦ ᐊᓪᓚᖓᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᖃᕐᓗᑎᓪᓗ ᑕᒪᒃᑯᓂᖓ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᑦᓯᒪᔪᓂᓪᓗ, ᐊᖏᓪᓕᕙᓪᓕᖅᑎᑕᐅᖁᓪᒋᑦ ᑕᒪᒃᑯᐊ ᐃᖅᑲᓇᐃᔭᖅᑎᑖᖑᕙᑦᑐᑦ ᑕᒪᒃᑯᓂᖓ ᐊᓪᓚᖓᔪᓂᒃ ᑕᒪᒃᑯᓂᖓ ᑎᒍᒥᐊᖅᑐᓂᒃ ᐃᓕᖅᑯᓯᕐᒨᖓᔪᓂᒃ ᖃᐅᔨᒪᔭᑐᖃᕐᓂᒃ, ᐃᓚᒋᔭᐅᓪᓗᑎᒃ ᐃᓐᓇᑐᖃᐃᑦ, ᖃᐅᔨᒪᔭᑐᖃᕐᓂᒃ ᐸᐸᑦᓯᔩᑦ, ᐊᒻᒪᓗ ᐊᓯᖏᓐᓂᒃ ᓄᓇᓕᓐᓄᑦ ᐃᓚᒋᔭᐅᔪᓂᒃ ᑕᐃᒫᒃ ᐃᖅᑲᓇᔭᖃᑎᖃᕐᓗᑕ ᐃᓗᐊᓃᑦᑐᓂᒃ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᕕᒻᒪᕆᓐᓂ ᐊᒻᒪᓗ ᐱᐅᓯᕚᓪᓕᖅᑎᑕᐅᓗᓂ ᐱᕕᖃᖅᑎᑕᐅᒍᓐᓇᕐᓂᖏᑦ ᑕᒪᒃᑯᐊ ᐊᓪᓚᖓᔪᓄᑦ−ᑐᕌᖓᔪᑦ ᐃᓚᒍᑦᓯᐅᔾᔭᐅᑲᓐᓂᕐᓗᑎᒃ ᐱᔨᑦᓯᕋᐅᑎᓄᑦ ᐊᒻᒪᓗ ᓴᐳᔾᔨᓯᒪᒐᓱᐊᕈᑎᓄᑦ ᑕᒪᒃᑯᓄᖓ ᐃᓄᓐᓄᑦ ᑕᒪᒃᑯᓄᖓ ᐃᓅᓯᕆᔭᒥᓐᓂ ᖃᐅᔨᓯᒪᔭᖏᓐᓂᒃ ᐃᓗᐊᓂ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ. ᑕᒪᓐᓇ ᐃᓚᒍᑦᓯᐅᔭᐅᒍᓐᓇᕆᕗᖅ ᑲᒪᖃᑎᒌᑦᑐᓄᑦ−ᐱᔭᓪᓕᐊᑎᑦᓯᓂᐅᔪᑦ ᐊᓪᓚᖓᔪᓄᑦ ᑐᖄᖓᔪᓂᒃ ᓴᐳᔾᔨᓯᒪᒐᓱᐊᕈᑎᓂᒃ, ᐱᔨᑦᓯᕋᐅᑎᓂᒃ ᐊᒻᒪᓗ ᑲᒪᑎᑦᓯᒍᑎᓂᓪᓗ ᐊᒻᒪᓗ ᐊᓪᓚᖓᔪᓄᑦ−ᑐᕌᖓᔪᓂᒃ ᐃᓕᖅᑯᓯᕐᓅᖓᔪᓂᒃ ᑲᒪᑎᑦᓯᒍᑎᓂᒃ.

ᐊᐅᓚᑦᓯᓂᖅ ᑕᒪᒃᑯᓂᖓ ᐃᖅᑲᖅᑐᐃᕕᓕᕆᓂᕐᒨᖓᔪᓂᒃ − ᐱᒻᒪᕆᕈᒃᑲᓂᖅᑎᑕᐅᓂᖏᑦ ᐊᒻᒪᓗ ᒪᓕᑦᑕᐅᑎᑦᓯᒐᓱᐊᕐᓂᖅ

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 16: ᐅᖃᖃᑎᖃᕐᓗᑕ ᐊᒻᒪᓗ ᑲᒪᖃᑎᖃᑦᓯᐊᕐᓗᑕᓗ ᑕᒪᒃᓂᖓ ᐊᓪᓚᖓᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᒋᓗᒋᓪᓗ ᑕᒪᒃᑯᐊ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᑕᐃᒫᒃ ᓯᕗᒧᐊᑦᑎᑦᓯᓗᑕ ᐃᒪᐃᒍᓐᓇᖅᑐᓂᒃ ᓂᕈᐊᕋᑦᓴᐅᒍᓐᓇᖅᑐᓂᒃ ᑕᒪᒃᑯᓂᖓ ᐱᕙᓪᓕᐊᑎᑕᐅᓂᖏᓐᓄᑦ ᐊᒻᒪᓗ ᐊᑐᓕᖅᑎᑕᐅᓂᖏᓐᓄᓪᓗ ᑕᒪᒃᑯᐊ ᐊᓪᓚᖓᔪᑦ ᒪᓕᒐᖏᑦ, ᐊᓪᓚᖓᔪᑦ ᐃᖅᑲᖅᑐᐃᕕᓕᕆᓂᕐᒧᑦ ᐊᒻᒪᓗ ᒪᓕᒐᓕᕆᓂᕐᒧᑦ ᐋᖅᑭᓱᖅᓯᒪᔭᖏᑦ ᐊᒻᒪᓗ ᒪᓕᒐᓕᕆᓂᕐᒧᑦ ᑲᒪᕕᒻᒪᕆᖏᓐᓂᓪᓗ, ᐃᓕᓴᕆᔭᐅᓂᖏᑦ ᑕᒪᒃᑯᐊ ᐊᓪᓚᖓᔪᑦ ᑲᒪᒍᓐᓇᕐᓂᖏᑦ ᓄᓇᖏᓐᓂ ᐅᖓᑖᒍᑦ ᑕᒪᒃᑯᐊ ᐊᐅᓚᑦᓯᓂᐅᔪᑦ ᑕᒪᒃᑯᓂᖓ ᐃᖅᑲᖅᑐᐃᕕᓕᕆᔾᔪᑎᓂᒃ, ᐊᒻᒪᓗ ᑕᒪᓐᓇ ᑲᒪᖃᑎᒌᑦᓯᐊᓂᒃᑯᑦ ᑕᕝᕙᐅᖃᑎᒌᓐᓂᐅᔪᑦ ᑕᒪᒃᑯᐊ ᐊᓪᓚᖓᔪᑦ ᐊᒻᒪᓗ ᑲᓇᑕᒥᐅᑦ ᒪᓕᒐᓕᕆᓂᕐᒧᑦ ᐊᖅᑭᓱᖅᓯᒪᔭᖏᓂᒃ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 17: ᑲᓇᑕ ᐱᒐᓱᐊᖅᑯᖅ ᓴᐳᔾᔨᓯᒪᓂᕐᒥᒃ ᐊᓪᓚᖓᔪᑦ ᐱᕈᖅᑎᑕᐅᖁᓪᓗᒋᑦ ᐱᒍᓐᓇᕐᓂᕆᔭᖏᑦ ᑕᐃᒫᒃ ᐱᕙᓪᓕᐊᑎᑕᐅᖁᓪᓗᒋᑦ ᐊᒻᒪᓗ ᐊᑐᓕᖅᑎᑕᐅᓗᑎᓪᓗ ᐊᓪᓚᖓᔪᑦ ᒪᓕᒐᖏᑦ, ᐃᓚᒋᔭᐅᓪᓗᑎᒃ ᖃᐅᔨᒐᓱᐊᕐᓃᑦ, ᑲᒪᖃᑎᒌᓐᓂᐅᔪᑦ, ᑎᑎᖅᑐᒐᕐᓂᕐᒥᒃ ᓴᓇᒪᓂᕆᔭᐅᔪᓅᖓᔪᓂᒃ, ᓯᐊᒻᒪᖅᑎᕆᓂᕐᒨᖓᔪᓂᒃ ᐊᒻᒪᓗ ᖃᐅᔨᒪᔭᐅᒃᑲᑲᓐᓂᑎᑦᓯᒍᑎᓂᒃ, ᐊᒻᒪᓗ ᐊᓯᖏᓐᓂᒃ ᐊᑦᑐᐊᔪᓂᒃ ᓱᓇᐅᔪᓄᑦ ᑕᒪᒃᑯᓄᖓ ᐱᒻᒪᕆᕈᒃᑲᓂᖅᑎᑕᓄᑦ ᐊᒻᒪᓗ ᐊᐅᓚᑎᑕᐅᓂᖏᓐᓄᑦ ᐊᓪᓚᖓᔪᑦ ᒪᓕᒐᖏᑦ, ᒪᓕᒐᓕᕆᓂᕐᒧᑦ ᐊᖅᑭᓱᖅᓯᒪᔪᓄᑦ ᐊᒻᒪᓗ ᒪᓕᒐᓕᕆᓂᕐᒧᑦ ᑲᒪᕕᒻᒪᕆᓐᓅᖓᔪᑦ.

ᐊᐅᓚᑦᓯᓂᖅ ᐃᖅᑲᖅᑐᐃᕕᓕᕆᔨᒃᑯᓐᓂᒃ ᐊᒻᒪᓗ ᐱᕕᖃᖅᑎᑕᐅᓂᖅ ᐃᖅᑲᖅᑐᐃᕕᓕᕆᔨᒃᑯᓐᓂᒃ − ᒪᓕᒐᓕᕆᓂᕐᒨᖓᔪᑦ

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 18: ᐊᔾᔨᖃᖅᓱᓂ ᑖᒃᑯᓇᓐᖓᑦ ᐱᒻᒪᕆᐅᓂᖅᐹᕆᔭᐅᔪᓂᒃ ᑲᒪᒋᔭᐅᒋᐊᓕᓐᓂ 25ᒦᑦᑐᓂᒃ ᐊᒻᒪᓗ 26ᒦᑦᑐᓂᒃ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᑲᓇᑕ ᐅᖃᖃᑎᖃᕐᓗᑎᒃ ᐊᒻᒪᓗ ᑲᒪᖃᑎᖃᑦᓯᐊᕐᓗᑎᓪᓗ ᑖᒃᑯᓇᓐᖓᑦ ᐊᓪᓚᖓᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᖃᕐᓗᑎᓪᓗ ᑕᒪᒃᑯᓂᖓ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᑦᓯᒪᔪᓂᓪᓗ, ᒥᑦᓵᓄᑦ ᐱᑕᑦᓯᑐᐃᓐᓇᕆᐊᖃᕆᐊᖏᑦ ᒪᓕᒐᑦᓴᓂᒃ ᓂᕈᐊᕋᑦᓴᓂᒃ ᐃᒪᐃᖁᓪᓗᒋᑦ:

  1. ᐃᓕᓴᕆᔭᐅᓗᑎᒃ ᑲᒪᒋᒍᓐᓇᖅᑕᖏᑦ ᓄᓇᒥᓐᓂ ᑕᒪᒃᑯᐊ ᐊᑦᑐᐊᔪᑦ ᑕᒪᒃᑯᓄᖓ ᐊᐅᓚᑕᐅᓂᖏᓐᓄᑦ ᐃᖅᑲᖅᑐᐃᕕᓕᕆᓂᕐᒨᖓᔪᑦ, ᐃᓚᒋᔭᐅᓪᓗᑎᒃ ᑭᓯᐊᓂ ᑖᒃᑯᑑᓐᖏᓚᑦ ᑕᒪᒃᑯᓄᖓ ᒪᓕᑦᑕᐅᑎᑦᓯᒐᓱᐊᕈᑎᓄᑦ, ᐃᖅᑲᖅᑐᐅᕕᒃᑯᑎᑦᓯᓂᕐᒧᑦ ᐊᒻᓗ ᐋᖅᑭᓱᖅᑕᐅᔪᓄᑦ ᐃᖅᑲᖅᑐᐃᕕᒃᑯᒃ ᑕᒪᒃᑯᐊ ᐊᓪᓚᖓᔪᑦ ᒪᓕᒐᖏᑦ, ᐊᒻᒪᓗ ᐊᓪᓚᖓᔪᑦ ᒪᓕᖓᓕᕆᓂᕐᒧᑦ ᐋᖅᑭᓱᖅᓯᒪᔭᖏᓐᓂᒃ ᐊᒻᒪᓗ ᑲᒪᕕᒻᒪᕆᖏᓐᓅᖓᔪᓂᒃ
  2. ᐃᑉᐱᒋᔭᐅᑦᓯᐊᕐᓗᑎᒃ ᐊᔾᔨᖃᑦᓯᐊᕋᓗᐊᕐᒪᖔᑕ ᑖᒃᑯᓂᖓ ᑲᑐᔾᔨᖃᑎᒌᕐᔪᐊᒃᑯᑦ ᓯᓚᕐᔪᐊᕐᒥᐅᑦ ᓇᓗᓇᐃᒻᒪᕆᑦᓯᒪᔭᖓᓂᒃ ᒥᑦᓵᓄᑦ ᐱᒍᓐᓇᐅᑎᖏᑕ ᑕᒪᒃᑯᐊ ᓄᓇᖃᖅᑳᖅᓯᒪᔪᑦ ᐃᓄᖏᑕ
  3. ᑖᓐᖓᔭᐅᖁᓪᓗᒋᑦ ᐋᖅᑭᓱᖅᑕᐅᓯᒪᔪᑦ ᐱᓂᕐᓗᒍᑎᐅᕙᑦᑐᑦ ᐊᑭᓂᐊᕈᑎᐅᓪᓗᑎᒃ ᐊᒻᒪᓗ ᐱᑕᖃᓗᐊᓕᕐᓂᖏᓐᓄᑦ ᑕᒪᒃᑯᓂᖓ ᐊᓪᓚᖓᔪᓂᒃ ᐃᓄᖏᓐᓂᒃ ᐃᓗᐊᓂ ᑲᓇᑕᒥᐅᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᓯᒪᔭᖏᓐᓂ

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 19: ᐊᔾᔨᖃᖅᓱᓂ ᑖᒃᑯᓇᓐᖓᑦ ᐱᒻᒪᕆᐅᓂᖅᐹᕆᔭᐅᔪᓂᒃ ᖃᐅᔨᒃᑲᐅᑎᐅᓯᒪᔪᓄᑦ ᑕᒪᒃᑯᓄᖓ ᐊᓪᓚᖓᔪᓄᑦ, ᐅᖃᖃᑎᖃᕐᓗᑕ ᐊᒻᒪᓗ ᑲᒪᖃᑎᖃᑦᓯᐊᕐᓗᑕᓗ ᒪᓕᓪᓗᒋᑦ ᑖᒃᑯᐊ ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᒋᐊᓖᑦ 25ᒦᑦᑐᑦ ᐅᕝᕙᓘᓐᓃᑦ ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᒋᐊᓖᑦ 26ᒦᑦᑐᑦ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ ᐃᓚᒍᑦᓯᐅᔾᔨᓯᒪᓚᖓᕗᑦ ᖃᐅᔨᒐᓱᐊᕐᓂᕐᒥ ᐱᑕᑦᓯᑐᐃᓐᓇᕆᐊᖃᖅᑐᓂᒃ ᒪᓕᒐᕐᓂᒃ ᓂᕈᐊᕋᑦᓴᓂᒃ ᑕᒪᒃᑯᓂᖓ ᐊᑦᑐᐊᔪᓄᑦ ᐃᖅᑲᑐᖅᑕᐅᒍᑎᐅᕙᑦᑐᓄᑦ.

ᐃᓚᒋᔭᐅᔪᖅ 2: ᐱᒻᒪᕆᐅᓂᖅᐹᕆᔭᐅᔪᑦ ᑖᒃᑯᓄᖓ ᐊᐅᐸᖅᑐᒥ ᑰᒻᒥᐅᑕᓄᑦ ᐊᓪᓚᖓᔪᓄᑦ ᑕᐃᒫᒃ ᑭᒡᒐᑐᖅᑕᐅᓪᓗᑎᒃ ᑖᒃᑯᓄᖓ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᓐᓄᑦ

2021ᒥ, ᑲᓇᑕ ᐊᒻᒪᓗ ᑖᒃᑯᐊ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᖐᖏᑦ ᐊᑎᓕᐅᓚᐅᖅᓯᓚᕗᑦ ᑕᐃᓱᒪᓐᖓᑦ ᒫᓂᑑᐸ ᐊᓪᓚᖓᔪᑦ ᓇᒻᒥᓂᖅ−ᒐᕙᒪᖃᕐᓂᕐᒧᑦ ᐃᓕᓴᕆᔭᐅᓂᖏᓐᓂᒃ ᐊᒻᒪᓗ ᐊᑐᓕᖅᑎᑕᐅᓂᖏᓐᓄᑦ ᐊᖏᖃᑎᒌᒍᑏᑦ. 2024ᒥ, ᑲᓇᑕ ᐊᒻᒪᓗ ᑖᒃᑯᐊ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᖐᖏᑦ ᐊᑎᓕᐅᓚᐅᖅᓯᓚᕗᑦ ᑕᐃᓱᒪᓐᖓᑦ ᐊᐅᐸᖅᑐᒥ ᑰᒻᒥᐅᑕᓄᑦ ᐊᓪᓚᖓᔪᓅᖓᔪᒥᒃ ᓇᒻᒥᓂᖅ−ᒐᕙᒪᖃᕐᓂᕐᒧᑦ ᐃᓕᓴᕆᔭᐅᓂᖏᓐᓂᒃ ᐊᒻᒪᓗ ᐊᑐᓕᖅᑎᑕᐅᓂᖏᓐᓄᑦ ᐊᖏᖃᑎᒌᒍᑏᑦ, ᑕᒪᒃᑯᐊ ᑐᑭᓯᑎᑦᓯᔪᑦ ᐊᒻᒪᓗ ᑲᔪᓯᑎᑦᓯᓪᓗᑎᓪᓗ ᑕᒪᒃᑯᓂᖓ ᒐᕙᒪᐅᖃᑎᒌᑦᑐᑦ−ᑕᒪᒃᑯᐊ−ᒐᕙᒪᐅᖃᑎᒌᑦᑐᑦ ᖃᐅᔨᒪᖃᑦᑕᐅᑎᓂᖏᑦ ᑖᒃᑯᐊ ᑲᓇᑕ ᐊᒻᒪᓗ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ.

ᑖᒃᑯᐊ ᒐᕙᒪᒃᑯᖏᑦ ᑲᓇᑕᐅᑉ ᐃᖅᑲᓇᐃᔭᖃᑎᖃᓚᖓᕗᑦ ᑲᒪᖃᑎᖃᕐᓗᑎᒃ ᑕᒃᑯᓇᓐᖓᑦ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᓐᓂᒃ ᑕᐃᒫᒃ ᐱᒍᓇᖅᓯᖁᓪᓗᒋᑦ ᐅᑯᓂᖓ ᒪᓕᑦᑐᓂᒃ ᐱᒐᓱᐊᖅᑕᐅᒍᒪᔪᓂᒃ ᓴᖅᑭᖅᑎᑕᐅᒍᒪᔪᓂᒃ ᑖᒃᑯᓂᖓ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᑕᐃᒫᒃ ᐊᑦᑐᐊᓂᖃᕐᓂᖏᓐᓄᑦ ᑕᒪᒃᑯᓄᖓ ᐊᐅᐸᖅᑐᒥᒃ ᑰᒻᒦᑦᑐᓄᑦ ᐊᓪᓚᖓᔪᓄᑦ ᑭᒡᒐᑐᖅᑕᐅᔪᓄᑦ ᑖᒃᑯᓄᖓ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᓐᓄᑦ.

ᐅᑯᐊ ᒪᓕᑦᑐᑦ ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᒋᐊᓖᑦ ᓇᐅᒃᑰᖅᑐᑦ ᓴᐳᔾᔨᕗᑦ ᑕᒪᒃᑯᓂᖓ ᓴᖅᑭᖅᑎᑕᐅᒍᒪᔪᓄᑦ:

ᐃᖅᑲᓇᐃᔭᖃᑎᒌᓐᓂᒃᑯᑦ ᖃᐅᔨᒪᖃᑦᑕᐅᑎᓂᖅ ᐊᒻᒪᓗ ᓇᓗᓇᐃᔭᐃᒍᓐᓇᕆᐊᖃᕐᓂᖅ

ᐱᒻᒪᕆᐅᓂᖅᐹᕆᔭᐅᔪᑦ 1: ᑲᒪᖃᑎᖃᕐᓗᑕ ᑕᒪᒃᑯᓂᖓ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᓐᓂᒃ ᑕᐃᒫᒃ ᓯᕗᒧᐊᑦᑎᑕᐅᖁᓪᓗᒋ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᐱᒍᓐᓇᕐᓂᕆᔭᖏᑦ ᓄᐊᑦᓯᒍᓐᓇᓂᕐᒥᒃ, ᑐᖅᑯᖅᓯᓂᕐᒥᒃ, ᒪᑭᒪᑦᓯᓂᕐᒥᒃ ᐊᒻᒪᓗ ᓯᐊᒻᒪᖅᑎᕆᓂᕐᒥᓪᓗ ᑭᓪᓕᓯᐊᕈᑎᓂᒃ ᑕᒪᒃᑯᓂᖓ ᓇᓛᒎᑦᓯᐊᖅᑐᓂᒃ ᖃᐅᔨᒐᓱᐊᖅᑐᓂᒃ ᐊᐅᐸᖅᑐᒥ ᑰᒻᒥᐅᑕᐃᑦ ᐊᓪᓚᖓᔪᑦ ᖃᐅᔨᓯᒪᔭᖏᓐᓂᒃ ᑕᒪᒃᑯᓂᖓ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ. ᑕᒪᓐᓇ ᐃᓚᒍᑦᓯᐅᔾᔨᕗᖅ ᖃᐅᔨᒐᓱᐊᕐᓂᕐᒥᒃ ᑭᓪᓕᓯᓂᐊᕈᑎᓂᒃ ᐊᐅᓚᑦᓯᓂᕐᒧᑦ ᑲᒪᒋᔭᐅᒋᐊᖃᓲᓂᒃ, ᐱᒋᐊᒃᑲᓂᖅᑐᓂᒃ ᐱᕙᓪᓕᐊᑎᑦᓯᒍᑎᓂᒃ ᑕᒪᒃᑯᓂᖓ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᑕ ᑭᓪᓕᓯᐊᕐᓂᕐᒧᑦ ᐊᐅᓚᑕᐅᓂᖏᓐᓄᑦ ᐋᖅᑭᓱᖅᓯᒪᔪᑦ ᐊᒻᒪᓗ ᐃᓕᓐᓂᐊᕈᑎᑦᓴᓄᑦ ᓂᕈᐊᕋᑦᓴᓂᒃ ᑕᐃᒫᒃ ᓴᖅᑭᔮᖅᑎᑦᓯᒋᐊᕐᓗᑎᒃ ᓇᓛᒎᑦᓯᐊᖅᑐᓂᒃ ᐊᒡᒍᑐᖅᑕᐅᓗᑎᒃ ᑕᒪᒃᑯᐊ ᑭᓪᓕᓯᐊᕈᑏᑦ ᑖᒃᑯᓂᖓ ᐊᐅᐸᖅᑐᒥ ᑰᒻᒥᐅᑕᐃᑦ ᐊᓪᓚᖓᔪᑦ ᑭᓇᒃᑰᓂᖏᓐᓂᒃ, ᐃᓚᒋᔭᐅᓪᓗᑎᒃ ᐊᑦᑐᐊᔪᓄᑦ ᑕᒪᒃᑯᓄᖓ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᐊᕐᓇᖏᓐᓄᑦ, ᒪᕐᕉᓐᓂᒃ, ᑕᕐᓂᓖᑦ, ᐊᕐᓇᐅᔭᐃᑦ, ᐊᖑᑎᐅᔭᐃᑦ, ᓇᓕᐊᓐᓄᕋᖅᑐᑦ, ᐊᕐᓇᐅᖔᕈᒪᔪᑦ ᐊᖑᑎᐅᖔᕈᒪᔪᑦ, ᐊᔾᔨᒋᔭᐅᓐᖏᑦᑐᑦ, ᑕᒪᒃᑮᑦᓯᔪᑦ ᐊᕐᓇᐅᓂᕐᒧᑦ ᐊᖑᑎᐅᓂᕐᒧᓪᓘᖓᔾᔪᑎᓖᑦ ᑎᒥᖏᑦ ᐊᓯᖏᓪᓗ ᐃᓄᖏᑦ, ᐃᓄᖏᓪᓗ ᑕᒪᒃᑯᐊ ᐃᓗᓯᖅᓱᓯᐊᓐᖏᒍᑎᖃᖅᑐᑦ ᐊᒻᒪᓗ ᐅᕕᒃᑲᐃᑦ ᑕᒪᒃᑯᐊ ᐱᓯᒪᔭᐅᑎᑕᐅᔪᑦ.

ᐱᒻᒪᕆᐅᓂᖅᐹᕆᔭᐅᔪᑦ 2: ᐊᔾᔨᖃᖅᓱᓂ ᑖᒃᑯᓇᓐᖓᑦ ᐱᒻᒪᕆᐅᓂᖅᐹᕆᔭᐅᔪᓂᒃ ᑲᒪᒋᔭᐅᒋᐊᓕᓐᓂᒃ 2ᒦᑦᑐᓂᒃ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᑲᓇᑕ ᐃᖅᑲᓇᐃᔭᖃᑎᖃᓚᖓᕗᖅ ᑖᒃᑯᓇᓐᖓᑦ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᓐᓂᒃ, ᐊᒻᒪᓗ ᑖᒃᑯᓇᓐᖓᑦ ᐳᕌᕙᓐᓯᒥᒃ ᐅᕝᕙᓘᓐᓃᑦ ᐳᕌᕙᓐᓯᓂᒃ ᑕᐃᒫᒃ ᓈᒻᒪᑦᓯᐊᑐᐊᖅᑲᑦ, ᑕᐃᒫᒃ ᐊᑐᓕᖅᑎᑕᐅᓗᑎᑦ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐊᒻᒪᓗ ᑖᒃᑯᐊ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᐱᒻᒪᕆᐅᓂᖅᐹᕆᔭᖏᑦ, ᐊᒻᒪᓗᑦᑕᐅᖅ ᑕᒪᒃᑯᐊ ᓵᓐᖓᔭᐅᖁᓪᓗᒋᑦ, ᐱᕙᓪᓕᐊᑎᑕᐅᖁᔭᐃᑦ, ᓴᖅᑭᖅᑎᑕᐅᖁᔭᐃᑦ ᐅᕝᕙᓘᓐᓃᑦ ᐊᑐᓕᖅᑎᑕᐅᖁᓪᓗᒋᑦ ᐊᓯᖏᑦ ᐃᖅᑲᖅᑐᐃᕕᓕᕆᓂᕐᒧᑦ−ᐊᑦᑐᐊᔪᑦ ᐱᒻᒪᕆᐅᓂᖅᐹᕆᔭᐅᔪᑦ. ᑕᐃᒫᒃ ᐊᖏᓂᖅᓴᕐᔪᐊᒥᒃ ᓇᓗᓇᓐᖏᑦᑐᒦᖁᓪᓗᒋᑦ, ᐱᒻᒪᕆᐅᓂᖅᐹᕆᔭᐅᔪᖅ ᑲᒪᒋᔭᐅᒍᒪᔪᖅ 2ᒦᑦᑐᖅ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ ᑖᒃᑯᐊ ᐊᑐᓕᖅᑎᑕᐅᓚᖓᕗᑦ ᒪᓕᓪᓗᑎᒃ ᑕᒪᒃᑯᓂᖓ ᑐᓐᖓᕕᒋᔭᐅᓪᓚᕆᓲᓂᒃ ᐊᒻᒪᓗ ᑐᕌᒐᕆᔭᐅᔪᓂᒃ ᑖᒃᑯᓄᖓ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓄᑦ, ᐃᓚᒋᔭᐅᓪᓗᓂ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᑦ ᑲᒪᒐᓱᐊᕈᓯᐅᔪᑦ.

ᐊᑯᓃᓚᖓᔪᒥᒃ−ᖃᓄᑎᒌᕐᓂᖃᖅᑐᒥᒃ ᐊᒻᒪᓗ ᓇᓗᓇᓐᖏᑦᑐᑦ ᑮᓇᐅᔭᖅᑖᕕᑦᓴᐃᑦ

ᐱᒻᒪᕆᐅᓂᖅᐹᕆᔭᐅᔪᑦ 3: ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑖᒃᑯᐊ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ, ᑲᓇᑕ ᖃᐅᔨᒐᓱᐊᓚᖓᕗᖅ ᐅᓪᓗᒥᒨᓕᖅᑎᑕᐅᓂᖏᓂᒃ ᐃᖅᑲᖅᑐᐃᕕᓕᕆᓂᕐᒧᑦ ᑲᓇᑕᒥ ᑮᓇᐅᔭᖅᑖᕕᑦᓴᓂᒃ ᐱᕕᑦᓴᐅᓲᓂᒃ ᑕᐃᒫᒃ ᐃᑉᐱᒍᓱᑦᓯᐊᕋᓱᐊᖁᓪᓗᒋᑦ ᐊᖏᓂᖅᓴᕐᔪᐊᒥᒃ ᐃᓱᒪᖅᓱᕈᑎᐅᒍᓐᓇᖅᑐᓂᒃ ᐊᒻᒪᓗ ᓂᕆᐅᓇᕈᓐᓇᓯᐊᖅᓂᒃ ᑖᒃᑯᐊ ᑮᓇᐅᔭᖃᖅᑎᑕᐅᖁᓪᓗᒋᑦ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᓇᒻᒥᓂᖅ−ᐃᓱᒪᖅᓱᕈᓐᓇᕐᓂᖏᓐᓄᑦ ᐱᒋᐊᓕᓐᓂᒃ, ᐱᒻᒪᕆᐅᓂᖅᐹᕆᔭᖏᓐᓂᒃ, ᑲᒪᑎᑦᓯᒍᑎᖏᓐᓂᒃ, ᐱᔨᑦᓯᕋᐅᑎᖏᓐᓂᒃ ᐊᒻᒪᓗ ᐊᓯᖏᓐᓂᒃ ᐃᖅᑲᖅᑐᐃᕕᓕᕆᓂᕐᒧᑦ−ᐊᑦᑐᐊᔪᓂᒃ ᐋᖅᑭᓱᐃᑎᐅᒐᓱᐊᖅᑐᓂᒃ.

ᐃᖅᑲᖅᑐᐃᕕᓕᕆᓂᖅ ᐊᒻᒪᓗ ᖃᓄᐃᓐᖏᑦᓯᐊᕐᓂᖅ

ᐱᒻᒪᕆᐅᓂᖅᐹᕆᔭᐅᔪᑦ 4: ᑲᒪᖃᑎᒋᓗᖏᑦ ᑖᒃᑯᐊ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐊᒻᒪᓗ ᑖᓐᓇ ᐳᕌᕙᓯᕆᔭᐅᔪᖅ ᐅᕝᕙᓘᓐᓃᑦ ᐳᕋᕙᓐᓰᑦ ᑕᐃᒫᒃ ᐱᕙᓪᐊᑎᑕᐅᖁᓪᓗᒋᑦ ᑲᒪᒐᓱᐊᕈᑏᑦ ᐃᑉᐱᒋᔭᐅᑦᓯᐊᖁᓪᓗᒋᑦ ᑕᒪᒃᑯᐊ ᐊᔾᔨᖃᓐᖏᑦᑐᑦ ᐃᓕᖅᑯᓯᕆᔭᐅᔪᑦ ᐊᒻᒪᓗ ᓯᐊᕈᐊᓗᕐᓂᓴᐃᑦ ᑕᐃᑲᓂ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᐱᑦᓯᐊᖅᑕᐅᒋᐊᖃᕐᓂᖏᑦ ᐃᒫᒃ ᐊᒻᒪᓗ ᐃᓚᒍᑦᓯᐅᔾᔭᐅᓗᑎᒃ ᑕᒪᒃᑯᓄᖓ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓄᑦ, ᑕᐃᒫᒃ ᓴᖅᑭᖅᑎᑕᐅᒐᓱᐊᕐᓗᑎᒃ ᐱᐅᓂᖅᓴᐃᑦ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᐱᕕᖃᖅᑎᑕᐅᒍᓐᓇᖁᓪᓗᒋᑦ ᐃᖅᑲᑐᐃᕕᓕᕆᔾᔪᑎᓄᑦ ᐊᒻᒪᓗ ᐃᓚᐅᑎᖃᑦᑕᕈᓐᓇᕐᓗᑎᒃ ᑕᒪᒃᑯᓄᖓ ᐃᓕᖅᑯᓯᕆᔭᓄᑦ ᑐᕌᖓᔪᓂᒃ ᒪᒥᓴᐅᑎᓄᑦ ᐊᒻᒪᓗ ᖃᓄᐃᒍᓐᓃᕋᓱᐊᕈᒪᓂᕐᒧᑦ ᑲᒪᑎᑦᓯᒍᑎᓄᑦ.

ᐱᒻᒪᕆᐅᓂᖅᐹᕆᔭᐅᔪᑦ 5: ᑲᒪᖃᑎᒋᓗᖏᑦ ᑖᒃᑯᐊ ᒫᓂᑐᐊ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐳᕌᕙᑦᓯᕆᔭᖅ ᐅᕝᕙᓘᓐᓃᑦ ᐳᕌᕙᓐᓰᑦ ᐃᒪᐃᒍᓐᓇᖁᓪᓗᒋᑦ ᐱᕙᓪᓕᐊᑎᑦᓯᓂᕐᒥᒃ ᑲᒪᒐᓱᐊᕈᑎᓂᒃ ᑕᒪᒃᑯᐊ ᐱᐅᓯᕙᓪᓕᖁᓪᓗᒋᑦ ᐱᕕᖃᖅᑎᑕᐅᓂᖏᑦ ᑕᒪᒃᑯᐊ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᐅᕕᒃᑲᖏᑦ ᐅᓗᕆᐊᓇᖅᑐᒦᑦᑐᑦ, ᒪᑯᓄᖓ ᑕᐅᑐᑦᑕᐅᒋᐊᖃᕐᓂᖏᑦ ᐊᑕᖏᑦᑐᒥᒃ ᑲᒪᒋᔭᐅᒐᓱᐊᖅᑎᓪᓗᒋᑦ ᐊᕙᓗᑦᓯᓯᒪᔪᓄᑦ ᐱᔨᑦᓯᕋᐅᑎᓄᑦ, ᐃᓕᑉᐹᓪᓕᑎᑦᓯᔨᖃᖅᑐᓂᒃ ᑲᒪᑎᑦᓯᒍᑎᓅᖅᑎᑕᐅᓗᑎᒃ, ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᐃᓐᓇᑐᖃᖏᓐᓅᑦ, ᐊᒻᒪᓗ ᐊᑦᑕᓇᖏᑦᑐᒥᒃ ᓄᓇᓕᓐᓂ ᓇᒦᕝᕕᑦᓴᖃᖅᑎᑕᐅᓗᑎᒃ.

ᐱᒻᒪᕆᐅᓂᖅᐹᕆᔭᐅᔪᑦ 6: ᑲᒪᖃᑎᒋᓗᖏᑦ ᑕᒪᒃᑯᐊ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐳᕌᕙᓐᓯᐅᔪᖅ ᐅᕝᕙᓘᓐᓃᑦ ᐳᕌᕙᓐᓰᑦ ᑕᐃᒫᒃ ᐱᕙᓪᓕᐊᑎᑦᓯᔪᖃᕐᓗᓂ ᑲᒪᒐᓱᐊᕈᑎᓂᒃ ᑕᒪᒃᑯᓂᖓ ᐱᑎᑕᐅᖁᓪᓗᒋᑦ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ, ᐃᓕᖅᑯᓯᕆᔭᓄᑦ−ᓈᒻᒪᓯᐊᖅᑐᓂᒃ, ᑲᑉᐱᐊᓇᖅᑐᑰᖅᑐᒥᓂᕐᓂᒃ ᑐᑭᓯᒪᑦᓯᐊᖅᑐᓂᒃ ᓴᐳᔾᔭᐅᓯᒪᒍᑎᓂᒃ, ᒪᑯᐊᖑᖃᑕᐅᔪᑦ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᓄᓇᓕᖏᓐᓂ ᐃᖅᑲᖅᑐᐃᕕᓕᕆᓂᕐᒧᑦ ᓴᐳᔾᔨᓯᒪᒍᑎᓄᑦ ᐃᖅᑲᓇᐃᔭᖅᑎᓂᒃ, ᐃᑲᔪᖅᓯᔭᐅᖁᓪᓗᒋᑦ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ, ᐱᓗᐊᓐᖑᐊᖅᑐᒥᒃ ᐅᕕᒃᑲᐃᑦ, ᓇᐅᒃᑰᕋᓱᐊᖅᑎᓪᓗᒋᑦ ᐃᖅᑲᖅᑐᐃᕕᓕᕆᓂᕐᒧᑦ ᐱᔨᑦᓯᕋᐅᑎᖏᓅᖓᔪᓂᒃ ᐊᒻᒪᓗ ᒪᓕᒐᓕᕆᓂᒧᑦ ᑲᒪᒐᓱᐊᕈᓯᕐᓅᖓᔪᓄᑦ − ᐃᒫᓪᓘᓐᓃᑦ ᐱᓂᕐᓗᑦᑕᐅᓂᑰᑉᐸᑕ ᐅᕝᕙᓘᓐᓃᑦ ᐸᓯᔭᑦᓴᐅᑉᐸᑕ − ᑕᐃᒫᒃ ᐱᓗᐊᓐᖑᐊᖅᑐᒥᒃ ᑕᐅᑐᑦᑕᖃᕋᓱᐊᕐᓗᑕ ᒪᑯᓂᖓ ᐅᑭᐅᖅᑕᖅᑐᒦᑦᑐᓂᒃ ᐊᒻᒪᓗ ᐅᖓᓯᑦᒥᒃ ᓄᓇᖃᖅᑐᓂᒃ.

ᐱᒻᒪᕆᐅᓂᖅᐹᕆᔭᐅᔪᑦ 7: ᑲᒪᖃᑎᒋᓗᖏᑦ ᑕᒪᒃᑯᐊ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐳᕌᕙᓐᓯᐅᔪᖅ ᐅᕝᕙᓘᓐᓃᑦ ᐳᕌᕙᓐᓰᑦ ᑕᐃᒫᒃ ᐱᕙᓪᓕᐊᑎᑦᓯᔪᖃᕐᓗᓂ ᑲᒪᒐᓱᐊᕈᑎᓂᒃ ᑕᐃᒫᒃ ᐊᖏᓪᓕᕚᓪᓕᖅᑎᑕᐅᓗᓂ ᐊᐅᓚᑦᓯᒍᓐᓇᕐᓂᖏᑦ ᐊᒻᒪᓗ ᐱᕕᖃᖅᑎᑕᐅᒍᓐᓇᕐᓂᖏᑦ ᑕᒪᒃᑯᓄᖓ ᓄᓇᓕᓐᓄᑦ−ᐊᐅᓚᑕᓂᒃ ᓇᐅᒃᑰᑲᓐᓂᖔᖅᑎᑕᓂᒃ ᑕᒪᒃᑯᐊ ᐃᖅᑲᖅᑐᖅᑕᐅᔪᑦ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᓄᓇᓕᒻᒥᐅᑦ.. ᑖᒃᑯᐊ ᑲᒪᒐᓱᐊᕈᑏᑦ ᓴᐳᔾᔨᓯᒪᒐᔭᖅᑦ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ, ᐃᓕᖅᑯᓯᓕᕆᓂᕐᑦ ᓈᒻᒪᓯᐊᖅᑐᓂᒃ ᓇᐅᒃᑲᓐᓂᖔᕋᓱᐊᖅᑐᓂᒃ ᑕᒪᒃᑯᓂᖓ ᒪᑭᒪᑦᓯᔪᓂᒃ ᑲᒪᒋᒋᐊᓕᖏᓐᓂᒃ ᑖᒃᑯᐊ ᐊᐅᐸᖅᑐᒥᒃ. ᑰᒻᒥᐅᑕᐃᑦ ᐊᓪᓚᖓᔪᑦ ᐃᓐᓇᑐᖃᖏᑕ ᐊᒻᒪᓗ ᖃᐅᔨᒪᔭᑐᖃᕐᓂᒃ ᐸᐸᑦᓯᔨᐅᔪᓄᑦ ᐊᒻᒪᓗ ᐃᓚᒌᓄᑦ ᑕᐃᒫᒃ ᖃᐅᔨᒐᓱᐊᑐᖃᕐᓗᓂ ᓈᒻᒪᓯᐊᖅᑐᓂᒃ ᐋᖅᑭᑦᓱᐃᑎᐅᒍᓐᓇᖅᑐᓂᒃ ᑕᒪᒃᑯᓄᖓ ᐱᓂᕐᓗᓂᐅᕙᑦᑐᓄᑦ ᑕᒪᒃᑯᓂᖓ ᖃᐅᔨᒍᑎᐅᓯᒪᔪᓄᑦ ᐊᒻᒪᓗ ᑕᐃᒫᓪᓗ ᐃᒪᐃᑦᑐᒨᖅᑎᑕᐅᓂᖓᓄᑦ ᓄᓇᓕᒃ ᑕᒪᑦᓱᒧᖓ ᐆᒻᒪᑎᖓ ᒪᒥᓴᖅᑕᐅᒋᐊᖃᓕᕐᓂᕆᔭᖓ ᐊᒻᒪᓗ ᖃᓄᐃᒍᓐᓃᕋᓱᐊᕈᒪᓂᖓᓄᓪᓗ.

ᐊᐅᓚᑦᓯᓂᖅ ᐃᖅᑲᖅᑐᐃᕕᓕᕆᓂᕐᒥᒃ ᐊᒻᒪᓗ ᐱᕕᖃᖅᑎᑕᐅᓂᖅ ᐃᖅᑲᖅᑐᐃᕕᓕᕆᔨᒃᑯᓐᓂᒃ − ᐸᓖᓯᓕᕆᓂᖅ

ᐱᒻᒪᕆᐅᓂᖅᐹᕆᔭᐅᔪᑦ 8: ᑲᒪᖃᑎᒋᓗᖏᑦ ᑕᒪᒃᑯᐊ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐳᕌᕙᓐᓯᐅᔪᖅ ᐅᕝᕙᓘᓐᓃᑦ ᐳᕌᕙᓐᓰᑦ ᑕᐃᒫᒃ ᐱᕙᓪᓕᐊᑎᑦᓯᔪᖃᕐᓗᓂ ᐊᐅᐸᖅᑐᒥᒃ ᑰᒥᐅᑕᐃᑦ ᐊᓪᓚᖓᔪᑦ ᐊᑦᑕᓇᖅᑐᓕᕆᓂᕐᒧᑦ ᐱᖁᔭᖏᓐᓂᒃ ᑕᒪᒃᑯᓄᖓᖓᔪᓂᒃ ᐸᓖᓯᓕᕆᓂᕐᒧᑦ. ᑖᒃᑯᐊ ᐃᓚᒍᑦᓯᐅᔾᔨᒍᓐᓇᖅᑯᑦ:

  1. ᓴᖅᑭᖅᑎᑦᓯᔪᖃᕐᓗᓂ ᑕᒪᑯᓂᖓ ᓄᓇᓖᑦ ᐊᑦᑕᓇᖅᑐᓕᕆᓂᕐᒧᑦ ᑲᒪᑎᖏᓂᒃ ᐊᑖᓃᓪᓗᑎᒃ ᑖᒃᑯᐊ ᑐᑭᒧᐊᑦᑎᑦᓯᒍᑏᑦ ᑕᒪᒃᑯᓂᖓ ᐃᓐᓇᑐᖃᕐᓄᑦ ᐊᒻᒪᓗ ᖃᐅᔨᒪᔭᑐᖃᕐᓂᒃ ᐸᐸᑦᓯᔨᓄᑦ ᑕᐃᒫᒃ ᓇᓗᓇᐃᖅᑕᐅᓯᒪᔪᓂᒃ ᑖᒃᑯᓄᖓ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᓐᓄᑦ
  2. ᑐᑭᓯᒪᑎᑕᐅᓂᖏᓐᓄᑦ ᐊᒻᒪᓗ ᐃᓕᓐᓂᐊᖅᑎᑕᐅᓂᖏᑦ ᑕᒪᒃᑯᐊ ᐃᓘᓐᓇᖏᑦ ᐸᓖᓰᑦ ᐱᔨᑦᓯᕋᖅᑐᑦ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᖏᓐᓂᒃ
  3. ᖃᐅᔨᒪᖃᑦᑕᐅᓂᖏᓂᖏᑦ ᑖᒃᑯᐊ ᒫᓂᑐᐸ ᐊᓪᓚᖓᔪᑦ ᑲᑐᔾᔨᖃᑎᖐᖏᑦ ᐊᒻᒪᓗ ᑖᒃᑯᐊ ᐳᓖᓯᒃᑯᑦ
  4. ᐃᑉᐱᒋᔭᐅᑦᓯᐊᕋᓱᐊᕐᓂᖏᑦ ᐸᓯᔭᐅᒍᑎᐅᔪᑦ ᑕᒪᒃᑯᓂᖓ ᐸᓖᓯᒃᑯᑦ ᐱᓂᕐᓗᓐᓂᕆᔭᖏᓐᓅᖓᔪᑦ ᑕᐃᒫᒃ ᓈᒻᒪᓯᐊᖅᑐᒥᒃ ᖃᐅᒐᓱᐊᖅᑕᐅᑯᓪᓗᒋᑦ

ᐱᒻᒪᕆᐅᓂᖅᐹᕆᔭᐅᔪᑦ 9: ᑲᒪᖃᑎᒋᓗᖏᑦ ᑕᒪᒃᑯᐊ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐳᕌᕙᓐᓯᐅᔪᖅ ᐅᕝᕙᓘᓐᓃᑦ ᐳᕌᕙᓐᓰᑦ ᑕᐃᒫᒃ ᓯᕗᒧᐊᑦᑎᑕᐅᖁᓪᓗᒋᑦ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᐸᓖᓯᓕᕆᓂᕐᒨᖓᔪᑦ ᐊᒻᒪᓗ ᓄᓇᓕᓐᓂ ᐊᑦᑕᓇᖅᑐᓕᕆᓂᕐᒧᑦ ᐱᒻᒪᕆᐅᓂᖅᐹᕆᔭᐅᔪᑦ.

ᐊᐅᓚᑦᓯᓂᖅ ᐃᖅᑲᖅᑐᐃᕕᓕᕆᓂᕐᒥᒃ ᐊᒻᒪᓗ ᐱᕕᖃᖅᑎᑕᐅᓂᖅ ᐃᖅᑲᖅᑐᐃᕕᓕᕆᔨᒃᑯᓐᓂᒃ − ᑎᒍᔭᐅᒪᓕᕆᓂᖅ

ᐱᒻᒪᕆᐅᓂᖅᐹᕆᔭᐅᔪᑦ 10: ᑲᒪᖃᑎᒋᓗᖏᑦ ᑕᒪᒃᑯᐊ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐃᒫᒃ ᐱᕙᓪᓕᐊᑎᑦᓯᔪᖃᕐᓗᓂ ᑲᒪᒐᓱᐊᕈᑎᓂᒃ ᑕᒪᒃᑯᐊ ᐃᑉᐱᒋᔭᐅᑦᓯᐊᖁᓪᓗᒋᑦ ᑕᒪᒃᑯᐊ ᓄᓇᖃᖅᑳᖅᓯᒪᔪᓄᑦ ᓴᐳᔾᔨᓯᒪᒍᑏᒃ ᐱᔨᑦᓯᕋᐅᑏᑦ ᐊᑐᖅᑎᑕᐅᒍᓐᓇᖁᓪᓗᒋᑦ ᑕᐃᒫᒃ ᑕᒪᒃᑯᓄᖓ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᓄᑦ ᑐᕌᖓᔪᓂᒃ ᐊᒻᒪᓗ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᑦᑐᓂᒃ ᑕᒪᒃᑯᐊ ᐱᐅᓯᕚᓪᓕᖅᑎᑕᐅᖁᓪᓗᒋᑦ ᐱᕕᖃᑦᑎᑕᐅᖃᑦᑕᕐᓃᑦ ᑕᒪᒃᑯᓄᖓ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᐃᓗᐊᓃᑦᑐᓄᑦ ᒐᕙᒪᑐᖃᒃᑯᑦ ᑎᒍᔭᐅᒪᕕᖏᓐᓃᑦᑐᑦ ᑕᒪᒃᑯᐊ ᐃᓕᖅᑯᓯᕆᔭᕐᓄᑦ ᓈᒻᒪᓯᐊᖅᑐᓂᒃ ᐱᔨᑦᓯᕋᐅᑎᖏᓐᓄ ᐃᓗᐊᓂ ᒐᕙᒪᑐᖃᒃᑯᑦ ᑎᒍᔭᐅᒪᓂᕐᒧᑦ ᑲᒪᒋᒻᒪᕆᖏᓐᓃᑦᑐᑦ, ᑕᐃᒫᒃ ᓴᖅᑭᑎᑦᓯᒐᓱᐊᕐᓗᑎᒃ ᑕᒪᒃᑯᐊ ᓴᖅᑭᔮᖅᑎᑕᐅᓂᖅᓴᐅᓗᑎᒃ ᒪᒥᓴᕈᑎᑦᓴᐃᑦ ᑕᒪᒃᑯᓄᖓ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᓄᑦ ᐊᒻᒪᓗ ᓵᓐᖓᔭᐅᖁᓪᓗᒋ ᐱᕋᔭᓕᖅᑭᑐᐃᓐᓇᕆᐊᓖᑦ.

ᐊᐅᓚᑦᓯᓂᖅ ᑕᒪᒃᑯᓂᖓ ᐃᖅᑲᖅᑐᐃᕕᓕᕆᓂᕐᒨᖓᔪᓂᒃ − ᐱᒻᒪᕆᕈᒃᑲᓂᖅᑎᑕᐅᓂᖏᑦ ᐊᒻᒪᓗ ᒪᓕᑦᑕᐅᑎᑦᓯᒐᓱᐊᕐᓂᖅ

ᐱᒻᒪᕆᐅᓂᖅᐹᕆᔭᐅᔪᑦ 11: ᑲᒪᖃᑎᒋᓗᖏᑦ ᑕᒪᒃᑯᐊ ᒫᓂᑑᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᑦ ᐃᒫᒃ ᐱᕙᓪᓕᐊᑎᑦᓯᔪᖃᕐᓗᓂ ᑲᒪᒐᓱᐊᕈᑎᓂᒃ ᑕᒪᒃᑯᐊ ᐱᒻᒪᕆᕈᖅᑎᑕᐅᒃᑲᓐᓂᖁᓪᓗᒋᑦ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᒪᓕᒐᖏᑦ ᐊᒻᒪᓗ ᑲᒪᒐᓱᐊᕈᓯᖏᑦ, ᐃᓚᒋᔭᐅᓪᓗᑎᒃ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᓯᐊᕈᐊᓗᓂᒃ ᒪᓕᒐᖁᑎᖏᑦ, ᐱᓗᐊᖅᑐᒥᒃ ᑕᒪᒃᑯᐊ ᓇᐅᒃᑯᑦ ᓱᑲᓪᓚᑎᑦᓯᑦᑕᐅᓕᒐᓱᐊᕈᑏᑦ ᐊᒻᒪᓗ ᐅᑎᑦᑎᑦᓯᒐᓱᐊᕈᑏᑦ ᐃᖅᑲᖅᑐᐅᕕᓕᕆᔾᔪᓂᒃ.

ᐊᐅᓚᑦᓯᓂᖅ ᐃᖅᑲᖅᑐᐃᕕᓕᕆᔨᒃᑯᓐᓂᒃ ᐊᒻᒪᓗ ᐱᕕᖃᖅᑎᑕᐅᓂᖅ ᐃᖅᑲᖅᑐᐃᕕᓕᕆᔨᒃᑯᓐᓂᒃ − ᒪᓕᒐᓕᕆᓂᕐᒨᖓᔪᑦ

ᐱᒻᒪᕆᐅᓂᖅᐹᕆᔭᐅᔪᑦ 12: ᑲᓇᑕ ᐅᖃᖃᑎᓚᖓᕗᖅ ᐊᒻᒪᓗ ᑲᒪᖃᑎᖃᑦᓯᐊᕐᓗᓂᓗ ᑖᒃᑯᓂᖓ ᒫᓂᑑᐸ ᑲᑐᔾᔨᖃᑎᒌᖏᓐᓂᒃ ᒥᑦᓵᓄᑦ ᐱᑕᑦᓯᑐᐃᓐᓇᕆᐊᖃᕐᓂᖏᓐᓂᒃ ᒪᓕᒐᑦᓴᓂᒃ ᓂᕈᐊᕋᑦᓴᓂᒃ ᑕᐃᒫᒃ ᓵᓐᖓᔭᐅᖁᓪᓗᒋᑦ ᐋᖅᑭᓱᖅᑕᐅᓯᒪᔪᑦ ᐱᓂᕐᓗᒍᑎᐅᕙᑦᑐᑦ ᐊᑭᓂᐊᕈᑎᐅᑎᐅᓪᓗᑎᒃ, ᐊᒻᒪᓗ ᑕᒪᒃᑯᐊ ᐱᑕᖃᓗᐊᓕᕐᓂᖏᑦ ᑕᒪᒃᑯᓂᖓ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᐃᓗᐊᓃᑦᑐᑦ ᑲᓇᑕᒥᐅᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ, ᐊᒻᒪᓗᑦᑕᐅᖅ ᐱᑕᑦᓯᑐᐃᓐᕆᐊᖃᕐᓂᖓ ᒪᓕᒐᓕᕐᓂᒃ ᓂᕈᐊᕋᑦᓴᐅᔪᓂᒃ ᑕᐃᒫᒃ ᐃᓕᓴᕆᔭᐅᖁᓪᓗᒋᑦ ᐊᒻᒪᓗ ᐱᒍᓐᓇᖅᑎᑕᐅᖁᓪᓗᒋᓪᓗ ᐊᐅᐸᖅᑐᒥᒃ ᑰᒻᒥᐅᑕᐃᑦ ᐊᓪᓚᖓᔪᑦ ᑲᒪᒍᓐᓇᕐᓂᖏᓐᓂᒃ ᑕᒪᒃᑯᓂᖓ ᐊᐅᓚᒍᓐᓇᖅᑕᒥᓐᓂᒃ ᓄᓇᒥᓐᓂ ᐊᖅᑐᐊᔪᓄᑦ ᑕᒪᒃᑯᓄᖓ ᐊᐅᓚᑕᐅᓂᖏᓐᓄᑦ ᐃᖅᑲᑐᐃᕕᓕᕆᔾᔪᑏᑦ, ᐃᓚᒋᔭᐅᓪᓗᑎᒃ ᒪᓕᑦᑕᐅᑎᑦᓯᒐᓱᐊᕈᑏᑦ, ᐃᖅᑲᖅᑐᐃᕕᒃᑰᑎᑦᓯᓃᑦ ᐊᒻᒪᓗ ᐋᖅᑭᓱᖅᑕᐅᒋᐊᓕᓐᓄᑦ ᐃᖅᑲᖅᑐᐃᕕᒃᑯᓐᓄᑦ ᑕᒪᒃᑯᐊ ᒫᓂᑐᐸ ᐊᓪᓚᖓᔪᑦ ᑲᑐᔾᔨᖃᑎᒌᖏᑕ ᒪᓕᒐᖏᑦ.