La veu

Ouschiyawin avek kaw-takwashtawhk, shasheepishiwin-itapishinouwin nishtoustamouwina ouschi la zhuschis, ooma Indigene La zhuschis Paminikaywin itayimoow chi-awnfors ayshkamouwin pi kwayshkoochinawkoohtawin mayshkoohtashtawina shawpou la zhuschis paminikaywin mitouni iyikouhk chi-natakouhkawtayk ishpihtayakaskow peewayimiwaywin pi pat rezonab neepawistamakaywin ouschi Li Promnyee Nawsyoon, Aen Niskimoo, pi En Michif li moond pakwatem avek Aen zhawn’d Kenadew la zhuschis paminikaywin. Ooma Indigene La zhuschis Paminikaywin nishtawinum aykwawnima Indigene nishtoustamouwina ouschi la zhuschis mawna shoohkastaywa ishi kakeekayhk, miywaywin, rispay pi alawntour.

Ooma Indigene La zhuschis Paminikaywin natounem chi-weechihiwayw ishi pimoustatawin ooma Tooroon Not Grawn Piyee Nawsyoon Weestamakaywin didawn Lee Drway di Indigene Li moond (UN Weestamakaywin) pi si aykwawnima pimoustachikaywin poor ayiwawk neekawnayistamouwin Li Promnyee Nawsyoon, Aen Niskimoo pi En Michif wiya-ikou ashpayimouwin pi pimawtishimakanoowin ouschi Li Promnyee Nawsyoon, Aen Niskimoo pi lee lway’d En Michif pi si la lway paminikaywina. Ooma Indigene La zhuschis Paminikaywin nishtawinamouwin aykwawnima nawsyoon-ishi-nawsyoon, li gouvarnimaw-ishi-li gouvarnimaw weechiwakanouhtoowina avek Li Promnyee Nawsyoon pi En Michif, pi Aen Niskimoo-Wawhkoostouwin weechiwakanouhtoowina aykwawnihi si nissisayr ishi yahkouhtaywin, pi tipayimow Kenadaw chi-atoushkayw avek weecheewakanouhtowin ishi shouhkan mawscheeymakanouwin chi-keeshihtahk ooma ispray la zhuschis neekawnayihtamoowina ouschi Li Promnyee Nawsyoon, Aen Niskimoo pi En Michif shawpou ahkamay peekishkwawtamoowin pi mamawinitowin avek Indigene lee gouvarnimaw pi neepawistamakaywin mamowitouwina, pi neeshouhkamatouwin avek li provayns pi li tayritori li gouvarnimaw en partineuz.

Ooma Indigene La zhuschis Paminikaywin si aykwawnima dawn li miljeu chi-pounipayik ahkamay kishkishoumowin ouschi shakouchihiwaywin aykwawnima avek lee lway’d, li koonploon pi nakishkamoowina aykwawnima peekishkwayistam ishi noo kwayesh itoutaymakunouwina poor Li Promnyee Nawsyoon, Aen Niskimoo pi En Michif li moond pakwatem avek Aen zhawn’d Kenadew la zhuschis paminikaywin. Ooma Indigene La zhuschis Paminikaywin peekishkwawtem Kenadaw Sa itayimoowin chi-ohtinamakayw poor neu pi la promyaenr paminikaywina. Ooma Indigene La zhuschis Paminikaywin si aykwawnima payyek yahkouhtaywin ouschi aen shmaen ishi weechi wawhkoostouwin pi kakeekayhk poor maykwawt pi li tawn ki vyayn aniskaciwin.