ᐊᑐᓕᖅᑎᑕᐅᓂᖓ

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 1 (JUS)

ᐅᖃᖃᑎᒌᓐᓂᒃᑯᑦ ᐊᒻᒪᓗ ᑲᒪᖃᑎᒌᑦᓯᐊᓂᒃᑯᑦ ᑖᒃᑯᓇᓐᖓᑦ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᓂᒃ, ᐱᕙᓪᓕᐊᑎᑦᓯᓗᑎᒃ ᐊᒻᒪᓗ ᐱᒻᒪᕆᐅᓂᖅᐹᕆᔭᓂᒃ ᐊᑐᓕᖅᑎᑦᓯᓂᕐᒥᒃ ᐊᕝᔨᒌᓐᖏᓐᓂᖏᓐᓄᑦ−ᑐᓐᖓᕕᖃᖅᑐᓂᒃ ᐊᒻᒪᓗ ᓇᒻᒥᓂᖅ−ᐃᓱᒪᖅᓱᕈᓐᓇᓂᕐᒥᒃ ᐃᖅᑲᖅᑐᐃᕕᓕᕆᓂᕐᒧᑦ ᐱᒋᐊᖃᖅᑐᓂᒃ, ᐃᓚᒋᔭᐅᓪᓗᑎᒃ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐊᔾᔨᒌᓐᓂᖏᓂᖏᓐᓄᑦ−ᑐᓐᖓᕕᖃᖅᑐᓂᒃ ᐱᒻᒪᕆᐅᓂᖅᐹᕆᔭᖏᓐᓂᒃ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 2 (JUS, PS, CSC, RCMP, ISC, CIRNAC)

ᓴᖅᑭᑎᑕᐅᓂᖏᑦ ᐊᒻᒪᓗ ᓴᐳᔾᔭᐅᓂᖏᑦ ᒐᕙᒪᑐᖃᒃᑯᑦ−ᐳᕌᕙᓐᓰᑦ−ᐊᕕᑦᑐᖅᓯᒪᔪᑦ−ᓄᓇᖃᖅᑳᖅᓯᒪᔪᑦ ᐱᖓᓱᐃᓕᖅᑲᖓᔪᑦ ᑲᒪᖃᑎᒌᓐᓂᐅᔪᑦ ᐊᒻᒪᓗ ᒐᕙᒪᑐᖃᒃᑯᑦ−ᓄᓇᖃᖅᑳᖅᓯᒪᔪᑦ ᒪᕐᕈᐃᓕᖅᑲᖓᓪᓗᑎᒃ ᑲᒪᖃᑎᒌᑦᑐᒃ ᐃᖅᑲᖅᑐᐃᕕᓕᕆᓂᕐᒧᑦ−ᐊᑦᑐᐊᔪᓂᒃ ᑲᒪᔩᑦ ᑕᒪᒃᑯᐊ ᐊᑐᓕᖅᑎᑕᐅᖁᓪᓗᒋᑦ ᑕᒪᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ, ᑕᐃᒫᒃ ᐱᔾᔪᑎᖃᖅᓱᑎᒃ ᒪᑯᓂᖓ:

1. ᑲᒪᒋᔭᐅᓗᑎᒃ ᐊᐅᓚᑕᐅᒋᐊᓖᑦ ᑕᒪᒃᑯᐊ ᐃᖅᑲᖅᑐᐃᕕᓕᕆᓂᕐᒧᑦ ᐊᐃᕙᒍᑎᐅᒋᐊᓖᑦ
2. ᑲᒪᒋᔭᐅᓗᑎᒃ ᐅᖃᖃᑎᒌᓐᓂᒃᑯᑦ ᒥᑦᓵᓄᑦ ᑕᒪᒃᑯᐊ ᐱᒋᐊᒃᑲᓂᖅᑎᑕᐅᓂᖏᑦ ᓄᓇᖃᖅᑳᖅᓯᒪᔪᑦ ᒪᓕᒐᖏᑦ ᐊᒻᒪᓗ ᒪᓕᒐᓕᕆᓂᕐᒧᑦ ᑲᒪᑎᑦᓯᒍᑎᐅᔪᑦ
3. ᐱᒻᒪᕆᐅᓂᖅᐹᕆᔭᖏᑦ ᐊᕕᑦᑐᖅᓯᒪᔪᑦ−ᐊᒻᒪᓗ ᓄᓇᓕᓐᓄᑦ−ᑐᕌᖓᔪᑦ ᑲᒪᑎᑦᓯᒍᑏᑦ ᓱᓇᐅᓂᖏᑦ ᑕᒪᒃᑯᓄᖓ ᐃᖅᑲᖅᑐᐃᕕᓕᕆᓂᕐᒧᑦ ᐱᔨᑦᓯᕋᐅᑎᓄᑦ ᐊᓯᔾᔩᕆᐊᕈᑏᑦ
4. ᓴᐳᔾᔭᐅᓂᖏᑦ ᐊᒻᒪᓗ ᑲᒪᒋᔭᐅᓂᖏᑦ ᑲᒪᑎᑦᓯᒍᑏᑦ ᐊᒻᒪᓗ ᐱᔨᑦᓯᕋᐅᑎᓄᑦ ᐃᓚᒍᑦᓯᐅᔾᔭᐅᓂᖏᑦ
5. ᓇᓗᓇᐃᖅᑕᐅᓂᖏᑦ ᐊᑐᓕᖅᑎᑕᐅᒍᓐᓇᖅᑐᑦ ᒪᓕᒐᓕᕆᓂᕐᒧᑦ ᐊᓯᔾᔨᕆᐊᕈᑏᑦ ᐅᕝᕙᓘᓐᓃᑦ ᓴᖅᑭᑎᑦᓯᓂᖅ ᓄᑖᓂᒃ ᒪᓕᒐᕐᓂᒃ
6. ᐊᓯᖏᑦ ᐊᑦᑐᐊᕕᖃᖅᑐᑦ ᑲᒪᒋᔭᐅᒋᐊᓖᑦ ᐱᒋᐊᖃᑦᑐᑦ ᐊᑐᓕᖅᑎᑕᐅᓂᖏᓐᓄᑦ ᑕᒪᒃᑯᐊ ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᒍᒪᔪᑦ

ᐱᒐᓱᐊᖅᑐᖃᕐᓗᓂ ᑎᒍᓯᓂᕐᒥᒃ ᐱᑕᖃᐃᓐᓇᕈᓐᓇᖅᑐᓂᒃ ᐊᑐᕋᑦᓴᓂᒃ ᐊᒻᒪᓗ ᐊᐅᓚᑦᓯᓂᕐᒧᑦ ᓴᐳᔾᔨᒍᑎᓂᒃ ᑕᒪᒃᑯᓄᖓ ᐃᒪᐃᑦᑐᓄᑦ ᐱᖓᓱᐃᓕᖅᑲᖓᓪᓗᑎᒃ ᑲᒪᖃᑎᒌᑦᑐᑦ ᐅᕝᕙᓘᓐᓃᑦ ᒪᕐᕈᐃᓕᖅᑲᖓᓪᓗᑎᒃ ᑲᒪᔩᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 3 (JUS)

ᐅᖃᖃᑎᒌᓐᓂᒃᑯᑦ ᐊᒻᒪᓗ ᑲᒪᖃᑎᒌᑦᓯᐊᓂᒃᑯᑦ ᑖᒃᑯᐊᓗ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ, ᐱᒐᓱᐊᖅᑐᖃᕐᓗᓂ ᓴᖅᑭᑎᑦᓯᓂᕐᒥᒃ ᐊᐅᓚᑦᓯᔨᑦᓴᓂᒃ, ᓇᓗᓇᐃᔭᖅᑕᐅᒍᓐᓇᕐᓂᐅᔪᓂᒃ ᐊᒻᒪᓗ ᑐᓴᐅᒪᑎᑦᓯᓂᕐᒧᑦ ᑲᒪᑎᑦᓯᒍᑎᓂᒃ ᑕᒪᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ ᐊᑐᓕᖅᑎᑕᐅᒍᓐᓇᖁᓪᓗᒍ, ᐃᓚᒋᔭᐅᓪᓗᓂ ᖃᐅᔨᒍᓐᓇᐅᑎᐅᔪᑦ ᖃᓄᑎᒋ ᐱᕙᓪᓕᐊᓯᒪᓕᕐᒪᖔᑕ, ᑕᒪᒃᑯᓂᖓ ᑕᑯᑎᑦᓯᔪᓂᒃ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᖃᓄᖅ ᖃᐅᔨᒪᓂᖏᓐᓂᒃ ᐊᒻᒪᓗ ᑐᑭᓯᒪᓂᖏᓐᓂᒃ, ᑕᐃᒫᓪᓗ ᓴᐳᔾᔭᐅᓯᒪᓪᓗᑎᒃ ᒪᑯᓄᖓ ᑭᓪᓕᓯᓂᐊᕐᓂᕐᒧᑦ ᓄᐊᑕᐅᓯᒪᔪᓄᑦ ᐊᒻᒪᓗ ᑐᓴᐅᒪᑎᑦᓯᓂᕐᒧᑦ ᑲᒪᒍᑎᓄᑦ ᑕᒪᒃᑯᓂᖓ ᐱᒻᒪᕆᐅᓂᖅᐹᖑᑎᑦᓯᔪᓂᒃ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᑭᓪᓕᓯᓂᐊᕈᑎᐅᓯᒪᔪᓂᒃ ᐃᒻᒥᓂᖅᓱᓂᕐᒧᑦ ᐊᒻᒪᓗ ᐊᐅᓚᑦᓯᒍᓐᓇᓂᕐᒨᖓᔪᓂᒃ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 4 (JUS, PS, CSC, RCMP, Statistics Canada)

ᐅᖃᖃᑎᒌᓐᓂᒃᑯᑦ ᐊᒻᒪᓗ ᑲᒪᖃᑎᒌᑦᓯᐊᓂᒃᑯᑦ ᑖᒃᑯᐊᓗ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ, ᐃᖅᑲᓇᐃᔮᖑᓗᓂ ᑕᒪᓐᓇ ᓯᕗᒧᐊᑦᑎᑕᐅᒐᓱᐊᕐᓂᖓ ᑕᒪᓐᓇ ᑭᓪᓕᓯᓂᐊᕐᓂᕐᒧᑦ ᐃᓱᒪᖅᓱᕈᓐᓇᕐᓂᐅᔪᖅ ᐊᑐᕐᓗᑎᒃ ᐊᔾᔨᒌᓐᖏᓐᓂᖏᓐᓄᑦ−ᑐᓐᖓᕕᖃᖅᑐᓂᒃ ᑭᓪᓕᓯᓂᐊᓂᕐᒧᑦ ᓄᐊᑦᓯᓂᐅᔪᓂᒃ, ᐊᒡᒍᖅᑐᐃᓂᖅ ᓄᐊᑕᐅᓯᒪᔪᓂᒃ ᐊᒻᒪᓗ ᖃᐅᔨᒪᔭᐅᒃᑲᖅᑕᐅᓂᖏᑦ ᑕᒪᒃᑯᐊ ᑭᓪᓕᓯᐊᖅᑕᐅᓯᒪᔪᑦ ᐊᑦᑐᐊᔪᑦ ᐃᖅᑲᖅᑐᐃᕕᓕᕆᓂᕐᒧᑦ ᐱᔨᑦᓯᕋᐅᑎᓄᑦ ᐊᒻᒪᓗ ᑲᒪᑎᑦᓯᒍᑎᓄᓪᓗ, ᐃᓚᒋᔭᐅᓪᓗᑎᒃ ᑲᒪᒋᔭᐅᖃᑦᑕᖅᓯᒪᔪᓄᑦ ᐊᒻᒪᓗ ᖃᐅᔨᓯᒪᔭᖏᓐᓂᒃ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐃᓄᖏᑕ ᑕᒪᒃᑯᓂᖓ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓄᑦ ᐊᒻᒪᓗ ᑲᒪᕕᒻᒪᕆᖁᑎᖏᓐᓄᓪᓗ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 5 (RCMP, CSC, PBC, JUS, PPSC)

ᐃᖅᑲᓇᐃᔭᖃᑎᖃᕐᓗᑎᒃ ᐊᒻᒪᓗ, ᓇᐅᒃᑯᑦ ᐱᒍᓐᓇᑐᐊᕋᐃᑉᐸᑦ, ᓴᐳᔾᔭᐅᓗᑎᒃ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᑭᓇᒃᑰᓂᕆᔭᖏᑦ, ᐊᑐᓕᖅᑎᑕᐅᓗᑎᒃ ᐅᕝᕙᓘᓐᓃᑦ ᐱᕙᓪᓕᐊᑎᑕᐅᓗᑎᒃ ᐊᒻᒪᓗ ᐊᐅᓚᑎᑕᐅᓗᑎᒃ ᐃᓕᓐᓂᐊᑎᑦᓯᒍᑏᑦ ᐊᒻᒪᓗ ᐃᓕᓐᓂᐊᓂᕐᒧᑦ ᑲᒪᑎᑦᓯᒍᑏᑦ ᒪᑯᓄᖓ ᐃᓕᖅᑯᓯᓕᕆᓂᕐᒧᑦ ᐃᓕᓐᓂᐊᕈᑎᓂᒃ ᑕᒪᒃᑯᓄᖓ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᑕᐅᓯᒪᔪᓄᑦ ᑲᒪᔨᐅᔪᓄᑦ ᑕᐃᒫᒃ ᐱᕈᖅᓴᐃᖁᓪᓗᒋᑦ ᐊᒻᒪᓗ ᐱᐅᓯᕙᓪᓕᖁᓪᓗᒋ ᖃᐅᔨᒪᔭᐅᔪᑦ ᑕᒪᒃᑯᐊ ᓯᐊᕈᐊᓗᕐᓂᓴᐃᑦ, ᐃᓕᖅᑯᓯᕆᔭᐅᔪᑦ, ᐊᒻᒪᓗ ᖃᓄᐃᓕᖓᔪᒦᓐᓂᕆᔭᐅᔪᑦ ᑕᒪᒃᑯᓄᖓ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐃᓄᖏᑕ, ᐃᓚᒋᔭᐅᓪᓗᓂ ᑲᔪᓯᓯᒪᐃᓐᓇᕐᓂᖏᑦ ᐃᑉᐱᓇᖅᑐᑦ ᑕᒪᒃᑯᐊ ᓄᓇᒋᓐᖏᑕᒥᓐᓂᒃ ᓄᓇᑖᖅᓯᒪᔪᓃᓐᖔᖅᑐᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 6 (JUS)

ᐱᔭᕆᐊᑭᓪᓕᑎᕐᓗᒋᑦ ᐃᖅᑲᖅᑐᐃᕕᓕᕆᔨᒃᑯᑦ ᑲᓇᑕᒃᑯᑦ ᑮᓇᐅᔭᖃᖅᑎᑕᐅᓂᕐᒧᑦ ᖃᓄᐃᓕᖓᒋᐊᖃᕐᓃᑦ ᑕᐃᒫᒃ ᒥᑭᓪᓕᑎᖅᑕᐅᖁᓪᓗᒍ ᐊᐅᓚᑦᓯᓂᕐᒨᖓᔪᑦ ᐊᕝᕕᐊᕈᑏᑦ ᐊᒻᒪᓗ ᓴᐳᔾᔭᐅᓂᖅᓴᐅᓗᑎᒃ ᐊᓯᔾᔩᒋᐊᕆᒍᓐᓇᕐᓂᖅ, ᓇᓗᓇᓐᖏᑦᑐᒥᒃ ᓴᖅᑭᓲᑦ, ᓈᒻᒪᓯᐊᕐᓂᓖᑦ, ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ ᐊᒻᒪᓗ ᓄᓇᓕᓐᓄᑦ−ᐊᐅᓚᑕᐅᔪᓂᒃ ᐃᖅᑲᖅᑐᐃᕕᓕᕆᓂᕐᒧᑦ ᖃᐅᒐᓱᐊᕈᑎᓂᒃ ᐊᒻᒪᓗ ᑲᒪᑎᑦᓯᒍᑎᓂᓪᓗ. ᖃᐅᔨᒐᓱᐊᖅᑐᖃᕐᓗᓂ ᑕᒪᒃᑯᐊ ᐊᑐᓕᖅᑎᑕᐅᓂᖏᑦ ᐃᖅᑲᖅᑐᐃᕕᓕᕆᓂᕐᒧᑦ ᑲᓇᑕᒃᑯᑦ ᑭᓇᐅᔭᖅᑕᓂᕐᒧᑦ ᖃᓄᐃᑦᑑᓂᖏᑦ ᑕᐃᒫᒃ ᐱᑎᑦᓯᒍᓐᓇᖁᓪᓗᒋᑦ ᑕᒪᒃᑯᓂᖓ ᑲᒪᕕᒻᒪᕆᐅᔪᓄᑦ ᐱᒋᐊᖃᖅᑕᐅᔪᓂᒃ ᐃᓚᒋᔭᐅᓪᓗᓂ ᓱᓇᖁᑎᒻᒪᕆᓕᐅᕐᓂᖅ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 7 (JUS)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ, ᐊᒻᒪᓗ ᐊᓪᓚᖓᔪᑦ ᐊᒻᒪᓗ (ᓇᐅᒃᑯᑦ ᑕᐃᒪᐃᒋᐊᖃᑐᐊᕈᑦᑕ), ᐃᖅᑲᓇᐃᔭᖃᑎᖃᕐᓗᑕ ᑕᒪᒃᑯᓇᓐᖓᑦ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᓂᒃ, ᑲᒪᒋᔭᖃᓕᕐᓗᑕ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ, ᐊᕕᑦᑐᖅᓯᒪᔪᓃᑦᑐᓂᒃ−ᑕᐅᑐᑦᑕᖃᕋᓱᐊᖅᑐᓂᒃ ᐱᒋᐊᖃᖅᑕᖏᓐᓂᒃ ᖃᐅᔨᒐᓱᐊᕐᓂᐅᔪᓂᒃ ᐊᒻᒪᓗ ᑮᓇᐅᔭᖅᑐᕈᑎᐅᒐᔭᖅᑐᓂᒃ ᖃᐅᔨᒐᓱᐊᕐᓂᕐᒥᒃ ᑕᐃᒫᒃ ᓇᓗᓇᐃᔭᐃᓗᑕ ᐱᑕᖃᕆᐊᓕᓐᓂᒃ ᐃᓗᐊᓂ ᐊᑐᖅᑕᐅᕙᒌᖅᑐᑦ ᐃᖅᑲᖅᑐᐃᕕᓕᕆᓂᕐᒧᑦ ᐱᔨᑦᓯᕋᐅᑏᑦ ᑕᐃᒫᒃ ᓯᕗᓂᑦᓴᑎᓐᓂ ᐱᔨᑦᓯᕋᐅᑎᑦᓴᐃᑦ ᐊᒻᒪᓗ ᑲᒪᑎᑦᓯᒍᑎᑦᓴᐃᑦ ᑮᓇᐅᔭᖃᑦᑎᑕᐅᒍᓐᓇᖁᓪᓗᒋᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 8 (JUS, PS, CSC, ISC)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ, ᐊᓪᓚᖓᔪᑦ ᐊᒻᒪᓗ (ᓇᐅᒃᑯᑦ ᑕᐃᒪᐃᒋᐊᖃᑐᐊᕈᑦᑕ), ᑲᒪᖃᑎᖃᕐᓗᑕ ᑕᒪᒃᑯᓇᓐᖓᑦ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᓂᒃ, ᐱᒐᓱᐊᕐᓗᑕ ᖃᐅᔨᒐᓱᐊᕐᓂᕐᒥᒃ ᓂᕈᐊᕋᑦᓴᐅᒍᓐᓇᖅᑐᓂᒃ ᑕᐃᒫᒃ ᐊᖏᓪᓕᑲᓐᓂᖁᓪᓗᒋᑦ ᐱᑕᖃᕇᖅᑐᑦ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᑎᑦᓯᒍᑏᑦ ᐊᒻᒪᓗ ᐊᖅᑭᑦᓱᐃᑎᐅᒐᓱᐊᖅᑐᑦ (ᐅᕝᕙᓘᓐᓃᑦ ᐱᕕᖃᖅᑎᑦᓯᓗᑕ ᓴᖅᑭᖅᑎᑕᐅᓂᖏᑦ ᒪᑯᐊ ᓄᑖᑦ ᑲᒪᑎᑦᓯᒍᑏᑦ ᐊᒻᒪᓗ ᐊᖅᑭᑦᓱᐃᑎᐅᒐᓱᐊᕈᑏᑦ) ᑕᒪᒃᑯᐊ ᓴᓇᓯᒪᓂᖃᖅᑐᑦ ᐊᒻᒪᓗ ᐃᖏᕐᕋᑎᑕᐅᓪᓗᑎᒃ ᑕᒪᒃᑯᓄᖓ ᐊᓪᓚᓄᑦ, ᐃᓄᓐᓄᑦ ᐊᒻᒪᓗ ᐊᓪᓚᖓᔪᓄᓪᓗ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 9 (JUS, PS, ISC, CIRNAC)

ᐃᖅᑲᓇᐃᔭᖃᑎᖃᕐᓗᑕ ᐊᒻᒪᓗ ᓇᐅᒃᑯᑦ ᐱᒍᓐᓇᑐᐊᖅᑲᑦ, ᓴᐳᔾᔭᐅᓗᑎ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ, ᐊᒻᒪᓗ ᐃᖅᑲᓇᐃᔭᖃᑎᒋᓗᒋᑦ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᖃᐅᔨᒐᓱᐊᑐᖃᕐᓗᓂ, ᐱᕙᓪᓕᐊᑎᑦᓯᓗᓂ ᐊᒻᒪᓗ ᐊᖏᓪᓕᒋᐊᕆᓗᓂᓗ ᐊᑐᖅᑕᐅᓂᕆᔭᖏᓐᓂᒃ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᑦ, ᐃᓕᖅᑯᓯᕆᔭᕐᓄᑦ ᐊᑦᑕᓇᓐᖏᑦᑐᓂᒃ ᐊᒻᒪᓗ ᓈᒻᒪᓯᐊᖅᑐᓂᒃ ᑲᒪᑎᑦᓯᒍᑎᓂᒃ ᑕᒪᒃᑯᐊ ᓴᐳᔾᔭᐅᓯᒪᖁᓪᓗᒋᑦ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᑲᒪᒐᓱᐊᕈᓯᖏᓐᓂᒃ ᑕᒪᒃᑯᓂᖓ ᖁᕝᕙᑎᑦᓯᔪᓂᒃ ᐅᑎᑦᓯᐊᑲᓐᓂᕋᓱᐊᕈᑎᓂᒃ, ᓄᓇᓕᒻᒨᖅᑎᑕᐅᒃᑲᓐᓂᖅᑐᓕᕆᓂᕐᒥᒃ ᐊᒻᒪᓗ ᒪᒥᓴᐅᑎᓂᓪᓗ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 10 (JUS, PS, RCMP)

ᐊᖏᓪᓕᒋᐊᖅᑎᑕᐅᓗᑎᒃ ᐊᑐᖅᑕᐅᓂᕆᔭᖏᑦ ᑕᒪᒃᑯᓄᖓ ᐃᓪᓚᓄᑦ, ᐃᓄᓐᓄᑦ ᐊᒻᒪᓗ ᐊᓪᓚᖓᔪᓄᑦ−ᓯᕗᓕᖅᑕᐅᔪᑦ, ᐃᓕᖅᑯᓯᓕᕆᓂᕐᒧᑦ ᐊᑦᑕᓇᓐᖏᑦᑐᑦ ᐊᒻᒪᓗ ᓈᒻᒪᓯᐊᖅᑐᑦ ᐊᒻᒪᓗ ᑲᑉᐱᐊᓇᖅᑐᑰᖅᑐᓕᕆᓂᕐᒧᑦ ᑐᑭᓯᒪᑦᓯᐊᖅᑐᓂᒃ ᐱᓂᕐᓗᑦᑕᒥᓂᕐᓄᑦ ᐱᔨᑦᓯᕋᐅᑎᓂᒃ ᐊᒻᒪᓗ ᓴᐳᔾᔭᐅᓯᒪᒍᑎᓂᓪᓗ ᐃᒪᐃᓪᓗᑎᒃ ᓴᐳᔾᔨᓯᒪᓗᑎᒃ:

• ᐊᒥᓲᓗᑎᒃ ᑲᒪᔩᑦ ᑲᒪᖃᑎᒌᑦᑐᑦ ᐱᒍᓐᓇᖁᓪᓗᒋᑦ ᐱᑎᑦᓯᒍᓐᓇᓂᕐᒥᒃ ᖃᓄᓕᒫᖑᒐᓱᐊᖅᑐᖅ, ᓇᓗᓇᐃᔭᖅᑕᐅᓯᒪᑦᓯᐊᖅᑐᓂᒃ ᐊᒻᒪᓗ ᑐᑭᖃᑦᓯᐊᖅᑐᓂᒃ ᓴᐳᔾᔨᓯᒪᒍᑎᓂᒃ ᐱᓯᒪᔭᐅᑦᓯᐊᖁᓪᓗᒋᑦ ᐃᓘᓐᓇᑎᒃ ᓄᓇᖃᖅᑳᖅᓯᒪᔪᑦ ᐱᓂᕐᓗᑦᑕᒥᓃᑦ, ᐆᒪᒡᒐᐃᓈᑎᒋᓯᒪᔪᑦ ᐊᒻᒪᓗ ᐃᓚᒋᔭᐅᔪᑦ ᑕᒪᒃᑯᓄᖓ ᐅᑎᓐᖏᓐᓂᑯᒥᓂᕐᓄᑦ ᑐᖁᑕᒥᓂᕐᓄᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓂᕕᐊᖅᓯᐊᑦ ᒪᕐᕉᓐᓂᒃ ᑕᕐᓂᓖᓪᓗ ᐊᑦᑕᓇᓐᖏᑦᑐᒦᖁᓪᓗᒋᑦ, ᐃᑲᔪᕐᓗᒋᑦ ᓇᐅᒃᑰᕆᐊᖃᕐᓂᖏᓐᓂᒃ ᑕᒪᒃᑯᓂᖓ ᑲᒪᒋᔭᐅᖁᔭᐅᔪᓕᕆᑎᓪᓗᒋᑦ ᑕᒪᒃᑯᐊ ᑲᒪᒋᔭᖏᓐᓂᒃ, ᐊᒻᒪᓗ ᐃᑲᔪᖅᓱᖅᑕᐅᓗᑎᒃ ᑕᒪᒃᑯᐊ ᐱᒋᐊᓕᖏᓐᓂᒃ ᐊᒻᒪᓗ ᐱᒍᓐᓇᐅᑎᖏᓐᓂᓪᓗ
• ᑲᔪᓯᓯᒪᐃᓐᓇᖅᑐᓂᒃ ᐊᒻᒪᓗ ᐅᐸᒐᑦᓴᐅᒍᓐᓇᖅᑐᓂᒃ ᓄᓇᓕᓐᓄᑦ−ᓯᕗᓕᖅᑕᓂᒃ ᒪᒥᓴᐅᑎᓄᑦ ᑲᒪᑎᑦᓯᒍᑎᓂᒃ.
• ᑲᒪᖃᑎᒌᑦᑐᑦ ᐊᒻᒪᓗ ᓴᓐᖏᒋᐊᒃᑲᓂᖅᑐᑦ ᐃᖅᑲᓇᐃᔭᖃᑎᒌᓐᓂᐅᔪᑦ ᑖᒃᑯᐊᓗ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐊᒻᒪᓗ ᐃᓘᓐᓇᓕᒫᑎᒃ ᓇᐅᒃᑯᓕᒫᖅ ᑕᒪᒃᑯᐊ ᒐᕙᒪᐃᑦ ᐊᒻᒪᓗ ᐊᔾᔨᒌᓐᖏᑦᑐᑦ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᕖᑦ ᑕᐃᒫᒃ ᓇᓗᓇᐃᖅᑕᐅᖁᓪᓗᒋᑦ ᐊᒻᒪᓗ ᐊᑐᓕᖅᑎᑕᐅᖁᓪᓗᒋᑦ ᑲᒪᒐᓱᐊᕈᑏᑦ (ᐱᖁᔭᐃᑦ, ᒪᓕᒐᕐᓂᒃ ᐊᓯᔾᔩᒋᐊᕈᑏᑦ, ᑐᑭᒧᐊᑦᑎᑦᓯᒍᑏᑦ) ᑕᒪᒃᑯᓂᖓ ᒥᑭᓪᓕᑎᕆᓚᖓᔪᓂᒃ ᐱᓂᕐᓗᑦᑕᐅᓂᖏᓐᓂᒃ ᖃᐅᔨᖃᑦᑕᖅᑕᖏᓐᓂᒃ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐃᓄᖏᑕ ᑕᒪᒃᑯᐊ ᐱᓂᕐᓗᑦᑕᐅᓯᒪᔪᑦ ᐊᒻᒪᓗ ᐆᒪᒡᒐᐃᓐᓈᑎᒋᓯᒪᔪᑦ ᐱᓂᕐᓗᑦᑕᒥᓂᐅᓪᓗᑎᒃ ᑕᐃᒫᒃ ᑲᒪᒐᓱᐊᖅᑎᓪᓗᒋᑦ ᒪᑯᓂᖓ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᑕᐅᓯᒪᔪᓂᒃ, ᐊᒻᒪᓗᑦᑕᐅᖅ ᓵᓐᖓᑦᓯᑎᓪᓗᒋᑦ ᒪᑯᓂᖓ ᓇᐅᒃᑯᑐᐃᓐᓇᖅ−ᐊᔾᔨᒌᓐᖏᑦᑐᓂᒃ ᐊᒻᒪᓗ ᓇᐅᒃᑯᑐᐃᓐᓇᖅ−ᒐᕙᒪᒋᔭᐅᔪᓕᕆᓂᕐᒧᑦ ᐊᑦᓱᕈᓐᓇᖅᑐᖃᖅᑐᓂᒃ ᑕᒪᒃᑯᓂᖓ ᐊᑦᑐᖅᓯᕙᑦᑐᓂᒃ ᑕᒪᒃᑯᓂᖓ ᐱᒐᓱᐊᖅᑎᓪᓗᒋᑦ ᐱᒍᓐᓇᕆᐊᓕᖏᓐᓂᒃ ᐃᖅᑲᖅᑐᐃᕕᓕᕆᔨᒃᑯᓐᓅᖓᔪᓂᒃ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 11 (JUS, CSC, RCMP, PBC)

ᐊᖏᓪᓕᒋᐊᖅᑎᑕᐅᓗᓂ ᑕᒪᓐᓇ ᐃᖅᑲᓇᐃᔭᖅᑎᑖᕋᓱᐊᕐᓂᕐᖅ ᒪᑯᓂᖓ, ᐊᒻᒪᓗ ᐱᒐᓱᐊᖅᑐᖃᕐᓗᓂ ᑐᖅᑯᖅᓯᓂᕐᒥᒃ ᓈᒻᒪᓯᐊᖅᑐᓂᒃ ᐊᑐᕐᓂᖃᖅᑐᓂᒃ ᑕᒪᒃᑯᓄᖓ, ᐊᓪᓚᓄᑦ, ᐃᓄᓐᓄᑦ ᐊᒻᒪᓗ ᐊᓪᓚᖓᔪᓄᓪᓗ ᑕᒪᒃᑯᓄᖓ ᑎᒍᒥᐊᖅᑐᓄᑦ ᐃᓕᖅᑯᓯᕆᔭᐅᔪᓄᑦ ᖃᐅᔨᒪᔭᑐᖃᕐᓂᒃ, ᐃᓚᒋᔭᐅᓪᓗᑎᒃ ᐃᓐᓇᑐᖃᐃᑦ, ᖃᐅᔨᒪᔭᑐᖃᕐᓂᒃ ᖃᐅᔨᒪᔨᐅᔪᓂᒃ ᐊᒻᒪᓗ ᐊᓯᖏᓐᓂᒃ ᓄᓇᓕᓐᓄᑦ ᐃᓚᒋᔭᐅᔪᓂᒃ ᑕᒪᒃᑯᐊ ᐃᖅᑲᓇᐃᔭᖃᑎᖃᖁᓪᓗᒋᑦ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᕕᒻᒪᕆᐅᔪᓂᒃ. ᑕᒪᓐᓇ ᐃᓚᒍᑦᓯᐅᔾᔨᕗᖅ ᖃᐅᔨᒐᓱᐊᕐᓂᕐᒥᒃ ᓂᕈᐊᕋᑦᓴᐅᔪᓂᒃ ᑕᐃᒫᒃ ᐱᕕᖃᖅᑎᑕᐅᖁᓪᓗᒍ ᐃᖅᑲᓇᐃᔭᖃᑎᖃᕐᓂᖅ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᕕᒻᒪᕆᓐᓂᒃ ᑕᐃᒫᒃ ᐱᑎᑦᓯᒍᓐᓇᖁᓪᓗᒋᑦ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ ᐊᒻᒪᓗ ᐃᓕᖅᑯᓯᕆᔭᓄᑦ ᐊᑦᑕᓇᓐᖏᑦᑐᓂᒃ ᐊᒻᒪᓗ ᓈᒻᒪᓯᐊᖅᑐᓂᒃ ᓴᐳᔾᔭᐅᓂᖏᓐᓄᑦ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐃᓄᖏᑦ ᑲᒪᒐᓱᐊᖅᑎᓪᓗᒋᑦ ᑕᒪᒃᑯᓂᖓ ᑲᓇᑕᒥᐅᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᓯᒪᔭᖏᓐᓂᒃ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 12 (JUS)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒌᑦᓯᐊᕐᓗᒋᓪᓗ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐊᒻᒪᓗ ᐃᖅᑲᓇᐃᔭᖃᑎᒋᓗᒋᓪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᖃᐅᔨᒐᓱᐊᖅᑐᖃᕐᓗᓂ ᓴᖅᑭᖅᑎᑕᐅᓂᖏᓐᓂᒃ ᐅᕝᕙᓘᓐᓃᑦ ᐊᖏᓪᓕᒋᐊᖅᑎᑕᐅᓂᖏᓐᓂᒃ ᑲᑎᖅᓱᖅᑕᐅᓯᒪᔪᑦ, ᐃᓱᒪᒋᔭᐅᒋᐊᖃᕐᓂᖏᑦ ᐊᑕᖏᖅᑐᒥᒃ ᑲᒪᔪᖃᕋᓱᐊᖅᑎᓪᓗᒍ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ ᐃᖅᑲᖅᑐᐃᕕᓕᕆᓂᕐᒧᑦ ᐅᐸᒐᐅᔪᑦ ᐱᑎᑦᓯᒍᓐᓇᖁᓪᓗᒋᑦ ᐃᓕᖅᑯᓯᓕᕆᓂᕐᒧᑦ ᐊᑦᑕᓇᓐᖏᑦᑐᓂᒃ ᐊᒻᒪᓗ ᓈᒻᒪᓯᐊᖅᑐᓂᓪᓗ, ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ ᐊᒻᒪᓗ ᑲᑉᐱᐊᓇᖅᑐᓕᕆᓂᕐᒧᑦ ᑐᑭᓯᒪᑦᓯᐊᖅᑐᓂᒃ ᖃᓄᓕᒫᖑᒐᓱᐊᖅᑐᓂᒃ ᑲᒪᒋᔭᐅᔪᓄᑦ ᐊᐅᓚᑦᓯᓂᕐᓂᒃ ᐊᒻᒪᓗ ᓴᐳᔾᔭᐅᒍᑎᓂᒃ ᑕᒪᒃᑯᓂᖓ ᐱᕕᖃᖅᑎᑦᓯᔪᓂᒃ ᓄᓇᓕᒻᒨᖅᑎᑕᐅᒃᑲᓐᓂᕐᓂᖏᓐᓄᑦ, ᒪᒥᓴᖅᑕᐅᓂᖏᓐᓄᑦ ᐊᒻᒪᓗ ᐱᒍᓐᓇᖅᑎᑕᐅᖁᓪᓗᒋᑦ ᑕᒪᒃᑯᓂᖓ ᐃᖅᑲᖅᑐᐃᕕᓕᕆᔨᒃᑯᓐᓅᖓᔪᓂᒃ ᑕᒪᒃᑯᐊ ᓄᓇᖃᖅᑳᖅᓯᒪᔪᑦ ᐃᓄᖏᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 13 (CSC, JUS)

ᖃᐅᔨᒐᓱᐊᖅᑕᐅᓗᓂ ᐊᖏᓪᓕᒋᐊᖅᑎᑕᐅᓂᖏᑦ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐊᐅᓚᑕᖏᑦ ᐊᒻᒪᓗ ᐱᒍᓐᓇᖅᑎᑕᐅᓗᑎᒃ ᒪᑯᓄᖓ ᓄᓇᓕᓐᓂ−ᐊᐅᓚᑕᓂᒃ ᐊᓯᐊᒎᒃᑲᓂᖅᑐᓂᒃ ᑲᒪᒋᒋᐊᖃᓲᓂᒃ ᓯᕗᓂᐊᒍᑦ ᐊᒻᒪᓗ ᑭᖑᓂᐊᒍᓪᓗ ᖃᓄᐃᓕᖓᑎᑕᐅᓚᖓᓂᖏᓐᓂᒃ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐃᓄᖏᑕ ᑕᒪᒃᑯᓇᓂ ᑲᓇᑕᒥᐅᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᓯᒪᔭᖏᓐᓂ ᑕᐃᒫᒃ ᓴᐳᔾᔭᐅᓯᒪᖁᓪᓗᒋᑦ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ, ᐃᓕᖅᑯᓯᕆᔭᓄᑦ−ᐊᑦᑕᓇᓐᖏᑦᑐᓂᒃ ᐊᒻᒪᓗ ᓈᒻᒪᓯᐊᖅᑐᓂᒃ ᑭᐅᒍᑎᐅᔪᓂᒃ ᑕᒪᒃᑯᓄᖓ ᐃᖅᑲᖅᑐᐃᕕᓕᕆᓂᕐᒨᖓᔪᓂᒃ ᑕᒪᒃᑯᓂᖓ ᖁᕝᕙᑎᑦᓯᔪᓂᒃ ᒪᒥᓴᕐᓂᕐᒥᒃ ᐊᒻᒪᓗ ᖃᓄᐃᓐᖏᑦᓯᐊᖃᑦᑕᖁᔨᓂᕐᒥᓪᓗ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 14 (JUS, PS, RCMP)

ᓴᐳᔾᔭᐅᓂᖏᑦ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᓄᓇᓕᖏᑦ ᐱᕕᖃᕈᓐᓇᖁᓪᓗᒋᑦ ᑲᒪᔨᒻᒪᕆᓐᓂᒃ, ᑭᐅᒍᓐᓇᓯᐊᖅᑐᓂᒃ, ᐸᓖᓯᒃᑯᑦ ᐱᔨᑦᓯᕋᐅᑎᖏᓐᓂᒃ ᐊᒻᒪᓗ ᓴᓐᖏᓕᕆᐊᖅᑎᑕᐅᓂᖏᓐᓂᒃ ᖃᐅᔨᒪᖃᑦᑕᐅᑎᓂᖏᑦ ᑖᒃᑯᐊ ᐸᓖᓰᑦ ᐊᒻᒪᓗ ᓄᓇᓖᓪᓗ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 15 (JUS, PS, RCMP, CSC)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐊᒻᒪᓗ ᐃᖅᑲᓇᐃᔭᖃᑎᒋᓗᒋᑦ ᑕᒪᒃᑯᐊ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᐱᒐᓱᐊᕐᓗᑕ ᐱᕙᓪᓕᐊᑎᑦᓯᓂᕐᒥᒃ, ᐊᖏᓪᓕᕆᐊᕆᓂᕐᒥᒃ ᐊᒻᒪᓗ ᐊᑐᓕᖅᑎᑕᐅᓂᖏᓐᓂᒃ ᑲᑎᖅᓱᖅᓯᒪᔪᑦ, ᐃᓱᒪᒋᔭᐅᕆᐊᖃᕐᓂᖏᓐᓂᒃ ᐊᑕᖏᖅᑐᒥᒃ ᑲᒪᒋᔭᐅᔪᖃᖅᑎᓪᓗᒍ, ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ ᐊᒻᒪᓗ ᐃᓕᖅᑯᓯᕆᔭᓄᑦ ᐊᑦᑕᓇᓐᖏᑦᑐᓂᒃ ᐊᒻᒪᓗ ᓈᒻᒪᓯᐊᖅᑐᒥᒃ ᑲᒪᒋᔭᐅᔪᑦ ᐊᐅᓚᑕᐅᖃᑦᑕᕐᓗᑎᒃ ᐊᒻᒪᓗ ᖃᓄᓕᒫᖅ ᓴᐳᔾᔭᐅᓯᒪᒍᑎᖃᖅᑎᑕᐅᓗᑎᒃ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐃᓄᖏᑦ ᑎᒍᔭᐅᒪᑎᓪᓗᒋᑦ ᓴᐳᔾᔭᐅᓗᑎᒃ ᓄᓇᓕᒻᒨᖅᑎᑕᐅᒃᑲᓐᓂᖁᓪᓗᒋᑦ ᐊᒻᒪᓗ ᒪᒥᓴᕐᓂᒧᓪᓗ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 16 (CSC, PS, JUS) 

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ, ᖃᐅᔨᒐᓱᐊᕐᓗᑕ ᐱᕙᓪᓕᐊᑎᑕᐅᒍᑎᑦᓴᖏᓐᓂᒃ ᒪᑯᓂᖓ ᐊᔾᔨᒌᑎᑦᓯᓯᐊᖅᑐᓂᒃ ᑮᓇᐅᔭᖅᑖᕕᑦᓴᓂᒃ ᐊᖅᑭᑦᓯᒪᓂᖃᖅᑐᓂᒃ ᑕᒪᒃᑯᓂᖓ ᐱᒻᒪᕆᐅᓂᖅᐹᕆᔭᖏᓐᓂᒃ ᐊᒻᒪᓗ ᐊᖏᓪᓕᒋᐊᖅᑎᑕᐅᓗᑎᒃ ᐱᕕᖃᖅᑎᑦᓯᓂᖅ ᑕᒪᒃᑯᓂᖓ ᓄᓇᓕᓐᓄᑦ−ᓯᕗᓕᖅᑕᓂᒃ ᑎᒍᔭᐅᒪᔪᓕᕆᓂᕐᒧᑦ ᐱᔨᑦᓯᕋᐅᑎᓂᒃ ᑕᒪᒃᑯᓄᖓ ᓄᓇᖃᖅᑳᖅᓯᒪᔪᓄᑦ ᐱᕋᔭᑦᑐᒥᓂᕐᓄᑦ ᐃᓚᒋᔭᐅᓪᓗᑎᒃ ᒪᒥᓴᕐᓂᕐᒧᑦ ᑐᔪᕐᒥᕖᑦ (ᐅᓇ ᐃᒫᒃ, s.81 ᑕᒃᑯᓇᓂ ᑎᒍᔭᐅᒪᔪᓕᕆᓂᕐᒧᑦ ᐊᒻᒪᓗ ᖃᓄᐃᓕᖓᒋᐊᖃᖅᑐᓄᑦ ᐊᓂᑎᑕᐅᓯᒪᔪᓂᒃ ᒪᓕᒐᖅ S.C. 1992, c.20).

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 17 (CSC, PS, JUS)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ, ᖃᐅᒐᓱᐊᕐᓗᑕ ᐊᖏᓪᓕᒋᐊᖅᑎᑕᐅᓂᖏᓐᓂᒃ ᐊᒻᒪᓗ ᓴᐳᔾᔭᐅᓂᖏᓐᓂᒃ ᑕᒪᒃᑯᐊ ᓄᓇᓕᓐᓄᑦ−ᐊᐅᓚᑕᐅᔪᑦ ᑎᒍᔭᐅᒪᔪᓕᕆᓂᕐᒧᑦ ᐱᔨᑦᓯᕋᐅᑏᑦ ᑕᒪᒃᑯᓂᖓ ᓴᓇᔭᐅᓯᒪᔪᓂᒃ ᐊᒻᒪᓗ ᑲᒪᒋᔭᐅᔪᓂᒃ ᑕᒪᒃᑯᓄᖓ ᐊᓪᓚᓄᑦ, ᐃᓄᓐᓄᑦ ᐊᒻᒪᓗ ᐊᓪᓚᖓᔪᓄᓪᓗ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 18 (CSC)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐊᒻᒪᓗ ᐃᖅᑲᓇᐃᔭᖃᑎᒋᓗᒋᑦ ᑕᒪᒃᑯᐊ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᕿᒥᕐᕈᔭᐅᓗᑎᒃ ᐊᒻᒪᓗ ᐊᓯᔾᔨᕆᐊᖅᑕᐅᓗᑎᒃ ᐅᓪᓗᒥᐅᓕᖅᑐᖅ ᐊᑐᕐᓂᖃᕈᒫᕐᓂᐊᖅᑐᑦ ᐊᑐᖅᑕᐅᓲᑦ ᑕᒪᒃᑯᓄᖓ ᐱᕋᔭᑕᐅᑦᑕᐃᓕᓂᕐᒧᑦ ᑐᕌᖓᔪᑦ ᐃᓗᐊᓂ ᑲᒪᕕᒻᒪᕇᑦ, ᐊᒻᒪᓗ ᒐᓚᑑ ᐃᑲᔪᕋᓱᐊᖅᑎᒃᑯᑦ ᑐᓴᖅᑎᑦᓯᒍᑎᖏᓐᓂᒃ ᑕᒪᒃᑯᓄᖓ ᖃᓄᐃᓕᖓᑎᑕᐅᓚᖓᔪᓕᕆᓂᕐᒧᑦ ᐊᒻᒪᓗ ᐊᓂᑎᑕᐅᓚᖓᔪᓕᕆᓂᕐᒧᑦ, ᒥᑭᓪᓕᑎᖅᑎᑕᐅᖁᓪᓗᒋᑦ ᐊᕝᕕᐊᕈᑏᑦ ᐊᒻᒪᓗ ᓵᓐᖓᔭᐅᖁᓪᓗᒋᑦ ᐊᕝᕕᐊᕈᑎᐅᕙᑦᑐᑦ ᑕᒪᒃᑯᓇᓂ ᐋᖅᑭᓱᖅᑕᐅᓯᒪᔪᓅᖓᔪᓄᑦ ᐱᓂᕐᓗᑦᑕᐅᕙᑦᓄᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 19 (CSC)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ, ᐱᕙᓪᓕᐊᑎᑦᓯᓗᑕ ᓄᓇᑦᑎᓐᓂ ᐱᕋᔭᐅᖃᑎᒌᑦᑐᓄᑦ−ᐊᓂᒐᓱᐊᕐᓂᕐᒧᑦ ᐋᖅᑭᑦᓱᐃᑎᑦᓴᓂᒃ ᐃᓗᐊᓂ ᒐᕙᒪᑐᖃᒃᑯᑦ ᑎᒍᔭᐅᒪᔪᓂᒃ ᑲᒪᕕᒻᒪᕆᖏᓐᓂ, ᐊᑐᓕᖅᑎᑕᐅᓗᓂ ᐊᒻᒪᓗ ᓇᒻᒥᓂᖅ ᐃᓱᒪᖅᓱᖅᑐᓄᑦ ᓯᕗᓕᖅᑕᓂᒃ ᑕᒪᒃᑯᓄᖓ ᓄᓇᖃᖅᑳᖅᓯᒪᔪᑦ ᑎᒥᖁᑎᖏᓐᓄᑦ ᑕᐃᒫᒃ ᐱᑎᑦᓯᒍᓐᓇᖁᓪᓗᒋᑦ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ ᑲᒪᒐᓱᐊᕈᑎᓂᒃ ᐊᒻᒪᓗ ᓄᓇᓕᒻᒨᖅᑎᑕᐅᒃᑲᓐᓂᓂᕐᒧᑦ ᓴᐳᔾᔨᒍᑎᓂᒃ ᑕᒪᒃᑯᓄᖓ ᐊᑦᓱᐊᓗᒃ−ᐅᓗᕆᐊᓇᕈᑎᓕᓐᓂᒃ ᐊᓪᓚᓂᒃ, ᐃᓄᓐᓂᒃ ᐊᒻᒪᓗ ᐊᓪᓚᖓᔪᑦ ᐃᓄᖏᓐᓂᒃ ᑕᒪᒃᑯᓂᖓ ᑐᓄᑦᓯᒍᒪᔪᓂᒃ ᐱᕋᔭᐅᖃᑎᒌᑦᑐᓅᖓᔪᒥᒃ ᐃᓅᓯᖃᕐᓂᕐᒥᒃ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 20 (JUS, CSC)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐊᒻᒪᓗ ᐃᖅᑲᓇᐃᔭᖃᑎᒋᓗᒋᑦ ᐳᕌᕙᑦᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᕿᒥᕐᕈᓗᑕ ᑖᒃᑯᐊ ᖃᓄᑎᒋ ᐱᕕᑦᓴᐅᓲᖑᓂᖏᓐᓂᒃ ᑖᒃᑯᐊ ᒐᓚᑑᑦ ᐃᑲᔪᖅᑎᒃᑯᑦ ᐱᔨᑦᓯᕋᐅᑎᖏᑦ ᐃᒫᒃ ᑕᑯᓐᓇᕋᓱᐊᕐᓗᑕ ᐱᕙᓪᓕᐊᑎᑦᓯᓂᕐᒥᒃ ᓂᕈᐊᕋᑦᓴᓂᒃ ᑕᒪᒃᑯᓄᖓ ᓄᓇᑦᑎᓐᓂ ᖃᓄᐃᓕᖓᒋᐊᖃᕐᓂᖏᓐᓂᒃ ᑕᒪᒃᑯᐊ ᓴᓇᔭᐅᓂᖏᓐᓂᒃ ᒐᓚᑑ ᐃᑲᔪᖅᑎᒃᑯᑦ ᑐᓴᐅᒪᑎᑦᓯᒍᑎᖏᑦ ᑕᐃᒫᒃ ᒥᑭᓪᓕᑎᖅᑕᐅᖁᓪᓗᒋᑦ ᐊᕝᕕᐊᕈᑎᐅᕙᑦᑐᑦ ᐱᕕᖃᖅᑐᖃᕋᓱᐊᖅᑎᓪᓗᒍ ᒐᓚᑑ ᐃᑲᔪᖅᑎᒃᑯᑦ ᐱᔨᑦᓯᕋᐅᑎᖏᓐᓂᒃ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 21 (JUS, PS, ISC, CIRNAC)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᒥᑦᓵᓄᑦ ᐃᒪᐃᑐᐃᓐᓇᕆᐊᖃᕆᐊᖏᓐᓂᒃ ᐊᓯᔾᔨᖅᑕᐅᓂᖏᑦ ᑕᒪᒃᑯᐊ ᒐᕙᒪᑐᖃᒃᑯᑦ ᐱᖁᔭᖏᓐᓂᒃ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᑦ ᑕᒪᒃᑯᓄᖓ ᐊᐃᕙᓂᖏᓐᓅᖓᔪᓂᒃ ᑖᒃᑯᐊ ᐱᖓᓲᓕᖅᑲᖓᔪᓄᑦ ᑲᒪᖃᑎᒌᑦᑐᓄᑦ ᐅᕝᕙᓘᓐᓃᑦ ᒪᕐᕉᓐᓅᖓᔪᑦ ᐊᖏᖃᑎᒌᒍᑏᑦ ᑕᐃᒫᒃ ᐱᕕᖃᖅᑎᑕᐅᖁᓪᓗᒋᑦ ᓈᒻᒪᑦᑐᓂᒃ ᐊᒻᒪᓗ ᐊᑐᖅᑎᓯᑦᓯᐊᖅᑐᓂᒃ ᒪᓕᑦᑕᐅᑎᑦᓯᒐᓱᐊᕈᑎᓂᒃ, ᐃᖅᑲᖅᑐᐃᕕᒃᑰᖅᑎᑕᐅᓂᖏᓐᓄᑦ ᐊᒻᒪᓗ ᐋᖅᑭᓱᖅᑕᐅᓂᖏᑦ ᐃᖅᑲᖅᑐᐃᕕᒃᑯᑦ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᒪᓕᒐᖏᑦ (ᐆᑦᑑᑎᒋᓗᒋᑦ, ᐊᑐᕐᓗᑎᒃ ᐅᓪᓗᒥᐅᓕᖅᑐᖅ ᐊᖏᖃᑎᒌᒍᑎᓂᒃ, ᓇᒻᒥᓂᖅ−ᐃᓱᒪᖅᓱᖅᑐᓄᑦ ᐊᖏᖃᑎᒌᒍᑎᓂᒃ ᐊᒻᒪᓗ ᐊᓯᖏᑦ ᐊᑐᕐᓂᖃᑦᓯᐊᖅᑐᓐᓂᒃ ᐋᖅᑭᓱᖅᓯᒪᔪᓂᒃ).

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 22 (JUS, CIRNAC)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᒥᑦᓵᓄᑦ ᐃᒪᐃᑐᐃᓐᓇᕆᐊᖃᕆᐊᖏᓐᓂᒃ ᐊᓯᔾᔨᖅᑕᐅᒍᓐᓇᕐᓂᖏᑦ ᑕᒪᒃᑯᐊ ᒐᕙᒪᑐᖃᒃᑯᑦ ᐱᖁᔭᖏᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᑦ ᑕᒪᒃᑯᐊ ᐊᑐᓕᖅᑎᑕᐅᖁᓪᓗᒋᑦ ᐅᓪᓗᒥᐅᓕᖅᑐᖅ ᐊᖏᖃᑎᒌᒍᑎᐅᔪᑦ, ᓇᒻᒥᓂᖅ−ᒐᕙᒪᖃᕐᓂᕐᒧᑦ ᐊᖏᖃᑎᒌᒍᑏᑦ ᐊᒻᒪᓗ ᐊᓯᖏᓐᓂᒃ ᐊᑐᕐᓂᖃᑦᓯᐊᖅᑐᓂᒃ ᐋᖅᑭᓱᖅᓯᒪᔪᓂᒃ ᑕᐃᒫᒃ ᐱᕕᖃᖅᑎᑦᓯᒍᓐᓇᖁᓪᓗᑕ ᓈᒻᒪᑦᑐᓂᒃ ᐊᒻᒪᓗ ᐊᑐᖅᑕᐅᑦᓯᐊᕈᓐᓇᖅᑐᓂᒃ ᒪᓕᑦᑕᐅᑎᑦᓯᒐᓱᐊᕈᑎᓂᒃ, ᐃᖅᑲᖅᑐᐃᕕᒃᑰᖅᑎᑕᐅᔪᓂᒃ ᐊᒻᒪᓗ ᐋᖅᑭᓱᖅᑕᐅᓂᖏᑦ ᐃᖅᑲᖅᑐᐃᕕᒃᑯᑦ ᑕᒪᒃᑯᐊ ᓄᓇᖃᖅᑳᖅᓯᒪᔪᑦ ᒪᓕᒐᖏᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 23 (JUS, PS, RCMP, CIRNA, ISC,)

ᑲᔪᓯᓯᒪᐃᓐᓇᕐᓗᑎᒃ ᐊᐃᕙᓂᐅᔪᑦ ᐊᒻᒪᓗ ᐊᑐᓕᖅᑎᑕᐅᓂᖏᑦ ᓇᒥᑐᐃᓐᓇᖅ ᑲᓇᑕᒥ ᑕᒪᒃᑯᐊ ᐱᖓᓱᐃᓕᖅᑲᖓᔪᑦ ᑲᒪᖃᑎᒌᓐᓂᐅᔪᑦ ᐅᕝᕙᓘᓐᓃᑦ ᒪᕐᕉᓪᓗᑎᒃ ᑲᒪᖃᑎᒌᑦᑐᑦ ᐊᖏᖃᑎᒌᓐᓂᐅᔪᓂᒃ ᑕᐃᒫᒃ ᐱᕕᖃᖅᑎᑕᐅᖁᓪᓗᒋᑦ ᓈᒻᒪᑦᑐᓂᒃ ᒪᓕᑦᑕᐅᑎᑦᓯᒐᓱᐊᕈᑎᓂᒃ, ᐃᖅᑲᖅᑐᐃᕕᒃᑰᑎᑦᓯᔪᓂᒃ ᐊᒻᒪᓗ ᐊᖅᑭᓱᖅᑕᐅᓂᖏᑦ ᐃᖅᑲᖅᑐᐃᕕᒃᑯᑦ ᑕᒪᒃᑯᐊ ᓄᓇᓕᖏᓐᓃᑦᑐᑦ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᒪᓕᒐᖏᓐᓂᒃ (ᐆᑦᑑᑎᒋᓗᒋᑦ, ᐊᑐᕐᓗᑎᒃ ᐅᓪᓗᒥᐅᓕᖅᑐᖅ ᐊᖏᖃᑎᒌᒍᑎᓂᒃ, ᓇᒻᒥᓂᖅ−ᒐᕙᒪᖃᕐᓂᕐᒧᑦ ᐊᖏᖃᑎᒌᒍᑎᓂᒃ ᐊᒻᒪᓗ ᐊᓯᖏᓐᓂᒃ ᐊᑐᕐᓂᖃᑦᓯᐊᖅᑐᓂᒃ ᐋᖅᑭᓱᖅᓯᒪᔪᓂᒃ).

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 24 (JUS)

ᓴᐳᔾᔭᐅᓂᖏᑦ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᒐᕙᒪᖏᑦ ᐊᒻᒪᓗ ᑭᒡᒐᑐᖅᑏᑦ ᑲᒪᕕᒻᒪᕆᐅᔪᑦ ᑕᐃᒫᒃ ᐱᕈᖅᑎᑦᓯᖁᓪᓗᒋᑦ ᐱᒍᓐᓇᕐᓂᐅᔪᓂᒃ ᑕᐃᒫᒃ ᐱᒻᒪᕆᕈᒃᑲᓐᓂᑎᑦᓯᖁᓪᓗᒋᑦ ᐊᒻᒪᓗ ᐊᐅᓚᑎᑕᐅᒍᓐᓇᖅᓯᖁᓪᓗᒋᑦ ᑕᒪᒃᑯᐊ ᒪᓕᒐᖏᓐᓂᒃ, ᒪᓕᒐᓕᕆᓂᕐᒧᑦ ᐋᖅᑭᓱᖅᓯᒪᔪᓂᒃ ᐊᒻᒪᓗ ᒪᓕᒐᓕᕆᓂᕐᒧᑦ ᑲᒪᕕᒻᒪᕆᓐᓂᒃ, ᐃᓚᒋᔭᐅᓪᓗᑎᒃ ᐊᑐᖅᑕᐅᓂᖏᑦ ᖃᐅᔨᒐᓱᐊᕐᓂᐅᔪᓂᒃ ᐊᒻᒪᓗ ᖃᐅᔨᒪᔭᐅᔪᓂᒃ−ᑕᐅᖅᓰᖃᑦᑕᐅᑎᓗᑎᒃ ᐊᒻᒪᓗ ᓇᓕᐊᓐᓄᕋᖅᑐᓂᒃ ᐊᑦᑐᐊᒍᑎᖃᑎᒌᓪᓗᑎᒃ ᑕᒪᒃᑯᓂᖓ ᑖᒃᑯᐊᓗ ᓴᓂᒧᑐᓂᖅᓴᒨᖓᔪᑦ ᑲᓇᑕᒥᐅᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᑦ, ᑕᐃᒫᒃ ᓈᒻᒪᑦᓯᐊᑐᐊᖅᑲᑦ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 25 (JUS)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᒥᑦᓵᓄᑦ ᐃᒪᐃᑐᐃᓐᓇᕆᐊᖃᕆᐊᖏᓐᓂᒃ ᒪᓕᒐᓕᕆᓂᕐᒨᖓᔪᓄᑦ ᓂᕈᐊᕋᑦᓴᐅᔪᓂᒃ ᓴᖅᑭᑎᑦᓯᔪᖃᑐᐃᓐᓇᕆᐊᖃᕆᐊᖓ, ᕿᒥᕐᕈᔭᐅᓂᖏᓐᓂᒃ ᐅᕝᕙᓘᓐᓃᑦ ᐊᓯᔾᔨᕆᐊᖅᑕᐅᓂᖏᑦ ᒪᓕᒐᕆᔭᐅᔪᑦ ᑕᐃᒫᒃ ᓵᓐᖓᑦᓯᖁᓪᓗᒋᑦ ᐋᖅᑭᓱᖅᑕᐅᓯᒪᔪᓄᑦ ᐱᓂᕐᓗᑦᑕᐅᖃᑦᑕᖅᑐᓂᒃ ᑐᕌᖓᑎᑕᐅᓪᓗᑎᒃ ᐊᒻᒪᓗ ᐱᑕᖃᓗᐊᓕᕐᓂᖏᓐᓂᒃ ᑕᒪᒃᑯᓂᖓ ᓄᓇᖃᖅᑳᖅᓯᒪᔪᑦ ᐃᓄᖏᓐᓂᒃ ᐃᓗᐊᓂ ᑲᓇᑕᒥᐅᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ.

ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᓂᖏᑦ 26 (JUS)

ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᒥᑦᓵᓄᑦ ᐃᒪᐃᑐᐃᓐᓇᕆᐊᖃᕆᐊᖏᓐᓂᒃ ᒪᓕᒐᓕᕆᓂᕐᒧᑦ ᓂᕈᐊᕋᑦᓴᐅᔪᓂᒃ ᑕᐃᒫᒃ ᐃᓕᓴᖅᓯᔪᖃᖁᓪᓗᒍ ᐊᒻᒪᓗ ᐱᒍᓐᓇᖅᑎᑕᐅᓗᑎᒃ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᐃᓄᖏᑦ ᑲᒪᒍᓐᓇᖁᓪᓗᒋᑦ ᑲᒪᕕᒋᒍᓐᓇᖅᑕᒥᓐᓂᒃ ᐊᑦᑐᐊᔪᓄᑦ ᑕᒪᒃᑯᓄᖓ ᐊᐅᓚᑕᐅᓂᖏᓐᓄᑦ ᐃᖅᑲᖅᑐᐃᕕᓕᕆᓂᕐᒨᖓᔪᑦ, ᐃᓚᒋᔭᐅᓪᓗᑎᒃ ᒪᓕᑦᑕᐅᑎᑦᓯᒐᓱᐊᕐᓂᖅ, ᐃᖅᑲᖅᑐᐃᕕᒃᑰᑎᑦᓯᓂᖅ ᐊᒻᒪᓗ ᐋᖅᑭᑦᓱᐃᓂᖅ ᐃᖅᑲᖅᑐᐃᕕᒃᑯᑦ ᑕᒪᒃᑯᓂᖓ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᒪᓕᒐᖏᓐᓂᒃ.