ᐊᓪᓚᐃᑦ ᐱᒻᒪᕆᐅᓂᖅᐹᕆᔭᖏᓐᓄᑦ ᑐᕌᖓᔪᑦ

ᑖᒃᑯᐊ ᐊᓪᓚᓅᖓᔪᑦ ᑐᕌᖓᔪᑦ ᑕᒪᒃᑯᓂᖓ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂᒃ ᐱᒐᓱᐊᖅᑯᑦ ᓇᓗᓇᐃᖅᓯᒐᓱᐊᕐᓂᕐᒥᒃ ᐊᒻᒪᓗ ᐱᑎᑦᓯᒐᓱᐊᕐᓂᕐᒥᒃ ᑐᕌᖓᕕᖃᖅᑐᓂᒃ ᐊᓪᓚᐃᑦ ᐱᒻᒪᕆᐅᓂᖅᐹᕆᔭᖏᓐᓄᑦ. ᐃᒪᐃᑉᐳᖅ ᓇᓗᓇᐃᖅᓯᕗᒍᑦ ᐃᒪᐃᓪᓚᕆᒋᐊᖓᓂᒃ ᑕᒪᒃᑯᐊ ᐊᓪᓚᐃᑦ ᐊᒻᒪᓗ ᑲᓇᑕ ᐱᒋᐊᖃᓚᖓᒋᐊᖏᑦ ᐃᖅᑲᓇᐃᔭᖃᑎᒌᓐᓂᕐᒥᒃ ᑖᒃᑯᓇᓐᖓᑦ ᐳᕌᕙᑦᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᑦ ᒐᕙᒪᖏᓐᓂᒃ ᑕᐃᒫᒃ ᑲᔪᓯᑦᓯᐊᖅᑎᑕᐅᒍᓐᓇᖁᓪᓗᒍ ᓯᕗᒧᐊᑦᑎᑕᐅᓂᖏᑦ ᒪᑯᐊ ᐱᒻᒪᕆᐅᓂᖅᐹᕆᔭᐅᔪᑦ ᒪᑯᓄᖓ ᐊᕕᑦᑐᖅᓯᒪᔪᓂ ᑐᓐᖓᕕᖃᖅᑐᓄᑦ ᐊᑐᓕᖅᑎᑦᓯᓗᑎᒃ ᐊᑯᓂ−ᐊᑐᖅᑎᑕᐅᓂᐊᖅᑐᓂᒃ ᐊᒻᒪᓗ ᑲᔪᓯᓯᒪᑦᓯᐊᕈᓐᓇᖅᑐᓂᒃ ᐱᐅᔪᓂᒃ ᐊᓯᔾᔩᒍᑎᓂ. ᑖᒃᑯᐊ ᐊᓪᓚᓅᖓᔪᓄᑦ ᑐᕌᖓᔪᑦ ᐊᑕᖏᖅᓱᑎᒃ ᑲᑎᖅᓱᖅᓯᒪᔪᓄᑦ ᐃᓚᒋᔭᐅᕗᑦ ᑖᒃᑯᓄᖓ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓄᑦ ᐊᑐᓕᖅᑎᑕᐅᒐᔭᖅᑐᓂᒃ ᐊᑕᐅᑦᓯᒃᑯᑦ ᑕᒪᒃᑯᐊ ᖃᐅᔨᒪᔭᐅᑎᑕᓄᑦ ᐱᒻᒪᕆᐅᓂᖅᐹᖑᒋᐊᖏᑦ − ᐊᖏᓂᖅᓴᕐᔪᐊᒥᒃ ᓇᓗᓇᓐᖏᑦᑐᒦᖁᓪᓗᒋᑦ, ᓇᓕᐊᓪᓘᓐᓃᑦ ᐃᓇᖐᓐᖏᓚᖅ ᐊᐃᑉᐹᓂᒃ ᐃᒪᐃᒻᒪᑦ ᑖᒃᑯᐊ ᐱᔾᔪᑎᖃᕋᓱᐊᕐᖓᑎᒃ ᐃᑲᔪᖅᓯᓯᒪᒐᓱᐊᕐᓂᕐᒥᒃ ᑖᒃᑯᐊ ᐊᓪᓚᓅᖓᔪᓄᑦ ᑐᕌᖓᔪᑦ ᑕᕝᕙᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ ᐱᔾᔪᑎᐅᒐᓱᐊᖅᑯᑦ ᐃᒫᒃ ᓲᕐᓗ ᐱᕈᖅᑐᖃᐃᓐᓇᕈᓐᓇᖁᔨᓂᕐᒥᒃ, ᐱᕕᖃᕈᓐᓇᖁᓪᓗᒋᑦ ᑕᒪᒃᑯᓂᖓ ᐊᖏᖃᑎᒌᒍᑎᐅᓯᒪᔪᓂᒃ ᐋᖅᑭᒋᐊᕆᒍᓐᓇᓂᕐᒥᒃ ᐊᒻᒪᓗ ᖃᖓᐅᓕᕋᐃᑉᐸᑦ ᐅᓪᓗᒥᒨᖓᓕᖅᑎᑕᐅᖃᑦᑕᕐᓗᑎᒃ ᒪᓕᑦᑕᐅᓗᑎᒃ ᒪᑯᐊ ᓇᓗᓇᐃᔭᖅᑕᐅᔪᑦ ᐱᔭᐅᒋᐊᖃᖅᑐᑦ.

ᑖᒃᑯᐊ ᓯᕗᓪᓕᖅᐹᖏᓐᓂ ᐊᒡᒍᑐᖅᓯᒪᔪᑦ ᑖᒃᑯᓇᓂ ᐊᓪᓚᓅᖓᔪᓄᑦ ᑐᕌᖓᔪᑦ ᓇᓗᓇᐃᔭᐃᓯᒪᕗᑦ ᒪᑯᓂᖓ ᐊᑦᑐᐊᒍᑎᓂᐅᔪᑦ ᐊᖅᑭᓱᖅᓯᒪᓂᖏᓐᓂᒃ, ᐃᓚᒋᔭᐅᓪᓗᑎᒃ ᒪᕐᕉᒃ ᐱᒻᒪᕆᐅᓂᖅᐹᐅᔫᒃ ᖁᓪᓕᖅᐹᒦᑎᑕᐅᓪᓗᑎᒃ ᑐᓐᖓᕕᒋᔭᐅᔪᓄᑦ ᑐᕌᖓᑎᑕᐅᒍᑎᐅᔪᑦ ᑕᐃᒫᒃ ᑖᒃᑯᐊ ᑐᕌᖓᔪᑦ ᑐᓐᖓᕕᖃᖅᓱᑎᒃ:

ᑖᓐᓇ ᐊᐃᐹ ᐊᕕᑦᑐᖅᓯᒪᔪᖏᑕ ᑖᒃᑯᐊ ᐊᓪᓚᐃᑦ ᑐᕌᖓᔪᑦ ᐱᑎᑦᓯᕗᑦ ᒪᑯᓂᖓ ᓱᓇᐅᒋᐊᓕᓐᓂᒃ ᑕᒪᒃᑯᐊ ᖃᓄᖅ ᑲᒪᖔᓯᑎᑕᐅᓂᐅᔪᑦ ᑕᐃᒫᒃ ᐱᒋᐊᖃᓯᓲᖑᓂᖏᓐᓂᒃ. ᑕᒪᒃᑯᐊ ᐱᒻᒪᕆᐅᓂᖅᐹᕆᔭᐃᑦ ᐱᔾᔪᑎᖃᖅᑯᑦ ᐱᑎᑦᓯᓂᕐᒥᒃ ᐱᒋᐊᕐᕕᑦᓴᐅᒍᓐᓇᖅᑐᓂᒃ ᑕᒪᒃᑯᓂᖓ ᐊᓪᓚᓂᒃ ᐃᒪᐃᖁᓪᓗᒋᑦ ᐱᒻᒪᕆᐅᓂᖅᐹᕆᔭᐅᔪᑦ ᒥᑦᓵᓅᖓᔪᓄᑦ ᐊᕕᑦᑐᖅᓯᒪᔪᓄᑦ ᑐᓐᖓᕕᖃᖅᑐᓂᒃ ᓱᓇᓂᒃ ᐱᔭᐅᒋᐊᖃᕐᓂᖅᐹᓂᒃ ᑕᒪᒃᑯᐊ ᐱᔨᑦᓯᕋᖅᑕᐅᖁᓪᓗᒋᑦ ᐃᓄᖁᑎᒋᔭᖏᑦ. ᑖᒃᑯᐊ ᐊᓪᓚᓅᖓᔪᑦ ᑐᕌᖓᔪᑦ ᐱᑎᑦᓯᕗᑦ ᐋᖅᑭᓱᖅᓯᒪᔪᓂᒃ ᐅᑯᓃᖓ ᒪᕐᕉᓐᓂᒃ ᐊᓯᐊᒎᒃᑲᓐᓂᕈᑎᑦᓵᓐᓂᒃ ᐊᑐᖅᑕᐅᒍᓐᓇᖅᑑᓐᓂᒃ:

ᐃᒫᒃ ᐃᓚᒋᔭᐅᓪᓗᑎᒃ ᑕᒪᑐᒧᖓ ᐃᖅᑲᓇᐃᔮᖑᒋᐊᓕᓐᓄᑦ ᐊᓯᔾᔩᕆᐊᕆᓂᕐᒥᒃ ᑕᒃᑯᓂᖓ ᑲᓇᑕᒥᐅᑦ ᐱᕋᔭᑦᑐᒥᓂᕐᓄᑦ ᐃᖅᑲᖅᑐᐃᕕᓕᕆᔨᒃᑯᑦ ᐊᖅᑭᓱᖅᓯᒪᔭᖏᓐᓂᒃ, ᑖᒃᑯᐊ ᐊᓪᓚᓅᖓᔪᑦ ᑐᕌᖓᔪᑦ ᖃᐅᔨᒐᓱᐊᖅᑯᑦ ᓯᑕᒪᓂᒃ ᐊᔾᔨᒌᓐᖏᑦᑐᓂᒃ ᓇᐅᒃᑰᕕᑦᓴᓂᒃ ᐊᓯᔾᔩᒐᓱᐊᕐᓂᕐᒨᖓᔪᓄᑦ:

ᑭᖑᓪᓕᖅᐹᒥ, ᑖᒃᑯᐊ ᐊᓪᓚᓅᖓᔪᓄᑦ ᑐᕌᖓᔪᑦ ᐃᓚᒍᑦᓯᐅᔾᔨᒐᓱᐊᖅᑯᑦ ᑕᒪᒃᑯᓂᖓ ᓄᓇᖃᖅᑳᖅᓯᒪᔪᑦ ᐊᖏᖃᑎᒌᒍᑎᓄᑦ ᑲᒪᖃᑎᒌᑦᑐᓂᒃ ᐊᒻᒪᓗ ᓇᒻᒥᓂᖅ−ᐊᐅᓚᑦᓯᒍᓐᓇᖅᑐᑦ ᓄᓇᖃᖅᑳᖅᓯᒪᔪᑦ ᒐᕙᒪᖏᑦ ᐊᒻᒪᓗ ᐃᓕᓴᖅᓯᕗᑦ ᑕᒪᒃᑯᐊ ᐊᖏᖃᑎᒌᒍᑎᓄᑦ ᑲᒪᖃᑎᒌᑦᑐᑦ ᐊᒻᒪᓗ ᓇᒻᒥᓂᖅ−ᐊᐅᓚᑦᓯᒍᓐᓇᖅᑐᑦ ᓄᓇᖃᖅᑳᖅᓯᒪᔪᑦ ᒐᕙᒪᖏᑦ ᐃᒫᒃ ᐊᔾᔨᒋᔭᐅᓐᖏᑦᑐᓂᒃ ᐊᑦᑐᐊᒍᑎᖃᕐᕕᖃᕐᖓᑕ ᑖᒃᑯᓇᓐᖓᑦ ᑲᓇᑕᒥᒃ ᐊᒻᒪᓗ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᓂᓪᓗ ᐅᐱᓐᓇᕋᓂ ᑖᒃᑯᐊ ᐊᖏᖃᑎᒌᒍᑏᑦ ᒐᕙᒪᐅᖃᑎᒌᑦᑐᓄᑦ ᐊᒻᒪᓗ ᐊᖏᖃᑎᒌᒍᑎᓕᐊᖑᓯᒪᔪᑦ, ᑕᒪᒃᑯᐊ ᐊᑐᐊᒐᕆᔭᐅᒋᐊᖃᖅᑯᑦ ᒐᕙᒪᐅᖃᑎᒌᑦᑐᑦ ᐊᖏᖃᑎᒌᓐᓂᕐᒧᑦ ᑲᒪᖃᑎᒌᑦᑐᑦ ᑲᒪᒐᓱᐊᓚᖓᑎᓪᓗᒋᑦ. ᐅᓇ ᐊᔾᔨᒋᔭᐅᓐᖏᑦᑐᒥᒃ ᖃᐅᔨᒪᖃᑦᑕᐅᑎᓂᖅ ᐃᑲᔪᓚᖓᕗᖅ ᑐᑭᒧᐊᑦᑎᑦᓯᒍᑎᐅᓗᓂ ᑕᒪᒃᑯᓂᖓ ᐊᑐᓕᖅᑎᑕᐅᓂᖏᓐᓄᑦ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐊᒻᒪᓗ ᑖᒃᑯᐊ ᐊᓪᓚᓅᖓᔪᓄᑦ ᑐᕌᖓᔪᑦ.

ᐃᖅᑲᓇᐃᔭᖃᑎᒌᓐᓂᒃᑯᑦ ᖃᐅᔨᒪᖃᑦᑕᐅᑎᓂᖅ ᐊᒻᒪᓗ ᓇᓗᓇᐃᔭᐃᒍᓐᓇᕆᐊᖃᕐᓂᖅ

ᑕᒪᓐᓇ ᐃᖅᑲᓇᐃᔭᖃᑎᒌᓪᓗᓂ ᖃᐅᔨᒪᖃᑦᑕᐅᑎᓂᖅ ᐊᒻᒪᓗ ᓇᓗᓇᐃᖅᓯᔪᖃᕈᓐᓇᓂᕐᒨᖓᔪᑦ ᐱᒻᒪᕆᐅᓂᖅᐹᕆᔭᐃᑦ ᓇᓗᓇᐃᔭᖅᑕᐅᓯᒪᔪᑦ ᐅᕙᓂ ᐊᓪᓕᖅᐹᒦᑦᑐᑦ ᐱᑎᑦᓯᕗᑦ ᑐᑭᒧᐊᑦᑎᑦᓯᒐᓱᐊᕈᑎᓂᒃ ᒥᑦᓵᓅᖓᔪᓂᒃ ᖃᐅᔨᒪᖃᑦᑕᐅᓂᕐᒧᑦ ᐊᒻᒪᓗ ᐊᐅᓚᑦᓯᓂᕐᒨᖓᔪᓂᒃ ᐊᑐᖅᑕᐅᒐᔭᖅᑐᓂᒃ ᖃᐅᔨᓴᖅᑕᐅᓂᖏᓐᓄᑦ ᐊᑐᓕᖅᑎᑕᐅᒋᐊᓖᑦ. ᑕᒪᒃᑯᐊ ᑲᒪᒐᓱᐊᑦᓯᐊᖅᑯᑦ ᓯᕗᒧᐊᑦᑎᑦᓯᒐᓱᐊᕐᓂᕐᒥᒃ ᑕᒪᒃᑯᓂᖓ ᐊᑐᓕᖅᑎᑕᐅᒍᒪᔪᓂᒃ ᑖᒃᑯᓇᓐᖓᑦ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂᒃ.

ᕿᒥᕐᕈᔭᐅᖃᑦᑕᕐᓂᖏᑦ ᐊᒻᒪᓗ ᐊᐅᓚᖃᑦᑕᕐᓂᖏᓐᓄᑦ ᐊᐅᓚᑦᓯᒍᑏᑦ ᑖᒃᑯᓇᓐᖓᑦ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓄᑦ ᐊᒻᒪᓗ ᐊᓪᓚᓅᖓᔪᓄᑦ ᑐᕌᖓᔪᑦ ᐱᒻᒪᕆᐅᕗᑦ ᑕᐃᒫᒃ ᖃᐅᔨᔪᖃᕈᓐᓇᖁᓪᓗᒍ ᑖᒃᑯᐊ ᐊᑐᕐᓂᖃᑦᓯᐊᕋᓗᐊᕐᒪᖔᑕ ᑕᒪᒃᑯᐊ ᐱᒻᒪᕆᐅᓂᖅᐹᕆᔭᓅᖓᔪᑦ ᑲᒪᒋᔭᐅᓂᖏᓐᓄᑦ. ᖃᑦᓯᐅᓂᖏᓐᓅᖓᔪᑦ ᑭᓪᓕᓯᓂᐊᕈᑏᑦ ᐃᑲᔪᕈᓐᓇᖅᑯᑦ ᐱᑎᑦᓯᓂᕐᒥᒃ ᐃᓚᐃᓐᓈᖏᑦᑐᓂᒃ ᖃᐅᔨᒐᓱᐊᕈᑎᓂᒃ ᑕᐃᒫᒃ ᑐᑭᓯᒍᓐᓇᖁᓪᓗᒋᑦ ᑕᒪᒃᑯᓂᖓ ᐊᑦᑐᖅᑕᐅᒍᑎᐅᒐᔭᖅᑐᓂᒃ ᑕᒪᒃᑯᐊ ᐱᖁᔭᐃᑦ ᐊᓯᔾᔨᑕᐅᑉᐸᑕ, ᑕᐃᒫᓪᓗ ᐱᐅᓈᖅᓯᒪᔪᓕᕆᔪᓂᒃ ᑭᓪᓕᓯᓂᐊᕈᑎᐅᔪᑦ ᐃᑲᔪᕈᓐᓇᕆᕗᑦ ᐱᑎᑦᓯᓂᕐᒥᒃ ᑐᑭᓯᓂᕐᒥᒃ ᒪᑯᓂᖓ ᖃᓄᐃᑦᑐᓂᖏᓐᓂᒃ ᓱᒻᒪᑦ ᐃᓚᖏᑦ ᐱᖁᔭᓂᒃ ᐊᓯᔾᔩᔪᑦ ᐃᒻᒪᖃ ᐊᑐᕐᓂᖃᕐᓂᖅᓴᐅᒐᔭᕆᐊᖏᑦ ᑕᒪᒃᑯᓇᓐᖓᑦ ᐊᓯᖏᓐᓂᒃ, ᑕᑯᓐᓇᖅᑕᖃᕋᓱᐊᑐᐃᓐᓇᖏᓪᓗᓂ ᑮᓇᐅᔭᖅᑐᕋᔭᕐᓂᖏᓐᓂᒃ−ᐱᓇᖅᑐᖃᕐᓂᖏᓐᓄᓪᓗ ᖃᐅᔨᒐᓱᐊᕐᓂᕐᒥᒃ.

ᖃᒃᑲᓐᓂᐊᒍᑦ, ᐊᓪᓚᐃᑦ ᑕᒪᒃᑯᐊ ᐊᔾᔨᒌᓐᖏᑦᑐᓂᒃ ᖃᓄᐃᓕᖓᓂᖃᖅᑯᑦ ᒪᑯᓄᖓ ᐱᑐᐃᓐᓇᕆᐊᖃᕐᓂᕐᒨᖓᔪᓂᒃ ᐊᒻᒪᓗ ᐃᖅᑲᓇᐃᔭᕐᓂᕆᔭᖏᓐᓄᑦ ᑕᐃᒫᒃ ᐊᑐᓕᖅᑎᑕᐅᒐᓱᐊᕐᓂᖏᓐᓄᑦ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐊᒻᒪᓗ ᑖᒃᑯᐊ ᐊᓪᓚᓅᖓᔪᓄᑦ ᑲᑐᔾᔨᖃᑎᒌᖏᑦ ᑐᑭᓯᑎᑕᐅᓚᖓᕗᑦ ᑕᒪᒃᑯᓄᖓ ᐃᓱᒪᒋᔭᐅᒐᓱᐊᖁᔭᓄᑦ. ᑕᐃᒪᐃᓐᓂᖓᓄᑦ, ᖃᓄᑐᐃᓐᓇᖅ ᖃᐅᔨᒐᓱᐊᕐᓂᕐᒧᑦ ᐊᑐᕐᓂᖃᕋᓱᐊᖅᑐᑦ ᐱᒋᐊᖃᓚᖓᕗᑦ ᖃᐅᔨᒪᒐᓱᐊᕆᐊᖃᕐᓂᕐᒥᒃ ᑕᒪᒃᑯᓂᖓ ᐊᑦᓱᕈᓐᓇᕈᓐᓇᖅᑐᓂᒃ ᑕᐃᒫᒃ ᖃᐅᔨᒪᒐᓱᐊᕈᑎᒋᓗᒋᑦ ᐊᔾᔨᒌᓐᖏᓐᓂᖏᓐᓂᒃ.

  1. ᑲᒪᖃᑎᒋᓗᒋᑦ ᐊᓪᓚᐃᑦ, ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᑎᒍᓯᓗᑎᒃ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ ᐊᒻᒪᓗ ᓇᒻᒥᓂᖅ−ᐃᓱᒪᖅᓱᖅᑐᓂᒃ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᒐᓱᐊᕐᓂᐅᔪᓂᒃ ᑕᒪᒃᑯᓂᖓ ᐊᕕᑦᑐᖅᓯᒪᔪᓄᑦ ᐊᑐᓕᖅᑎᑕᐅᓂᖏᑦ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐊᒻᒪᓗ ᐊᓪᓚᐃᑦ ᐱᒻᒪᕆᐅᓂᖅᐹᕆᔭᖏᓐᓂᒃ.
  2. ᑕᐃᒫᑦᓴᐃᓐᓇᖅ ᑖᒃᑯᐊᑎᑐᑦ ᐱᒻᒪᕆᐅᓂᖅᐹᕆᔭᐅᔪᑦ ᑲᒪᒋᔭᐅᒍᒪᔪᑦ ᐊᐃᐸᕆᔭᐅᔪᑦ (2) ᑖᒃᑯᓄᖓ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᑕᐃᑲᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᓂ, ᑲᒪᖃᑎᒋᓗᒋᑦ ᐊᓪᓚᐃᑦ, ᐊᒻᒪᓗ ᐃᖅᑲᓇᐃᔭᖃᑎᒋᓗᒋᑦ ᑕᒪᒃᑯᐊ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ ᑕᐃᒪᐃᒋᐊᖃᑐᐊᖅᑲᑦ, ᐊᑐᕐᓗᑎᒃ ᐊᕕᑦᑐᖅᓯᒪᔪᓄᑦ−ᑐᓐᖓᕕᖃᖅᑐᓂᒃ ᒐᕙᒪᑐᖃᒃᑯᑦ−ᐊᓪᓚᐃᑦ ᒪᕐᕉᓪᓗᑎᒃ ᑲᒪᖃᑎᒌᑦᑐᑦ ᐅᕝᕙᓘᓐᓃᑦ ᐱᖓᓲᓪᓗᑎᒃ ᑲᒪᖃᑎᒌᑦᑐᑦ ᑕᐃᒫᒃ ᐱᕙᓪᓕᐊᑎᑦᓯᖁᓪᓗᒋᑦ ᐸᕐᓇᐅᑎᓂᒃ ᑲᒪᒋᔭᐅᒋᐊᓕᓐᓄᑦ ᑕᐃᒫᒃ ᐊᑐᓕᖅᑎᑕᐅᖁᓪᓗᒋᑦ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐊᒻᒪᓗ ᐊᓪᓚᓅᖓᔪᓄᑦ ᑐᕌᖓᔪᑦ.
  3. ᐱᒐᓱᐊᖅᑯᒍᑦ ᐃᒫᒃ ᑐᖅᑯᖅᓯᓂᕐᒥᒃ ᐊᑐᕐᓂᖃᖅᑐᓂᒃ ᐊᒻᒪᓗ ᐊᐅᓚᑦᓯᓂᕐᒧᑦ ᓴᐳᔾᔨᒍᑎᓂᒃ ᑕᐃᒪᐃᑦᑐᓄᑦ ᐊᕕᑦᑐᖅᓯᒪᔪᑦ ᐱᖓᓲᓕᖅᑲᖓᔪᑦ ᑲᒪᔩᑦ ᐊᒻᒪᓗ ᒪᕐᕉᓪᓗᑎᒃ ᑲᒪᔩᑦ.
  4. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ ᐱᕙᓪᓕᐊᑎᑦᓯᔪᖃᕐᓗᓂ ᖃᐅᔨᒍᑎᑦᓴᓂᒃ ᒪᑯᓂᖓ ᖃᐅᔨᒍᓐᓇᖁᓪᓗᑕ ᐱᕙᓪᓕᐊᓂᖏᓐᓂᒃ ᑖᒃᑯᐊ ᐊᑐᓕᕐᑎᑕᐅᖁᓪᓗᒋᑦ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐊᒻᒪᓗ ᐊᓪᓚᐃᑦ ᐱᒻᒪᕆᐊᓂᖅᐹᕆᔭᖏᑦ, ᒪᑯᐊᖑᖃᑕᐅᔪᑦ ᐊᐅᓚᑦᓯᐊᕐᒪᖔᑕ ᐊᐅᓚᑦᓯᒍᑎᓂᒃ ᐊᖅᑭᓱᖅᑕᐅᓯᒪᔪᓂᒃ, ᑐᑭᓯᒪᑦᓯᐊᖅᑐᑦ ᑕᒪᒃᑯᓄᖓ ᐊᒡᒍᑐᖅᑕᐅᓗᑎᒃ ᓄᐊᑕᐅᓯᒪᔪᑦ ᑭᓪᓕᓯᓂᐊᕈᑏᑦ ᐃᓚᒋᔭᐅᓪᓗᑎᒃ ᐊᖑᑎᐅᓂᕐᒧᑦ ᐊᕐᓇᐅᓂᕐᒧᓪᓗ−ᑐᓐᖓᕕᖃᖅᑐᓂᒃ ᐊᒻᒪᓗ ᐊᔾᔨᒌᓐᖏᓐᓂᖏᓐᓄᑦ−ᑐᓐᖓᕕᖃᖅᑐᓂᒃ, ᐱᑎᑦᓯᒍᓐᓇᖁᓪᓗᒋᑦ ᐊᓚᒃᑲᖅᑎᑦᓯᒍᒫᕐᓂᐊᕐᕕᖏᓐᓂ ᐅᕝᕙᓘᓐᓃᑦ ᑲᒪᓐᓇᕆᓕᐊᕆᓯᒪᓪᓗᑎᒃ ᖃᐅᔨᒐᓱᐊᕐᓂᐅᔪᓂᒃ.
  5. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ ᑕᐃᒫᒃ ᐱᕙᓪᓕᐊᑎᑦᓯᔪᖃᕐᓗᓂ ᑲᔪᓯᓯᒪᐃᓐᓇᕋᔭᖅᑐᓂᒃ ᐃᓕᖅᑯᓯᓕᕆᓂᕐᒧᑦ ᐃᓕᓐᓂᐊᑎᑦᓯᒍᑎᓂᒃ ᑖᒃᑯᓄᖓ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᑕᐅᓯᒪᔪᓄᑦ ᐊᑐᖅᑕᐅᑎᑦᓯᔨᐅᕙᑦᑐᓄᑦ ᑕᐃᒫᒃ ᐱᐅᓂᖅᓴᕈᕆᐊᒃᑲᓂᖁᓪᓗᒍ ᖃᐅᔨᒪᔭᐅᑎᑦᓯᓂᖅ ᑕᒪᒃᑯᓂᖓ ᐊᒻᒪᓗ ᐱᑦᓯᐊᕖᓐᖓᕆᐊᖃᕐᓂᕐᒥᒃ ᒪᑦᓱᒥᖓ ᓯᐊᕈᐊᓗᓂ ᖃᓄᐃᖃᑦᑕᕐᓂᒥᓂᐅᔪᓂᒃ, ᐃᓕᖅᑯᓯᕆᔭᓄᑦ ᐊᒻᒪᓗ ᖃᓄᐃᓕᖓᓕᕐᓂᕆᔭᖏᓐᓄᑦ ᑕᒪᒃᑯᐊ ᐊᓪᓚᐃᑦ ᐃᓄᖏᑦ, ᐃᓚᒋᔭᐅᓪᓗᓂ ᑲᔪᓯᓯᒪᐃᓐᓇᕐᓂᖓ ᐊᑐᖅᑕᐅᒍᑎᐅᕙᑦᑐᑦ ᑕᒪᒃᑯᓇᓐᖔᖅᑐᑦ ᓄᓇᒋᓐᖏᑕᒥᓐᓂᒃ ᓄᓇᖃᓕᖅᑐᓄᑦ ᐊᒻᒪᓗ ᑕᒪᒃᑯᐊ ᐊᔾᔨᒋᔭᐅᓐᖏᑦᑐᒥᒃ ᖃᓄᐃᓕᖓᓕᕐᓂᕆᔭᐅᔪᖅ ᑕᒪᒃᑯᐊ ᐊᓪᓚᐃᑦ ᐃᓄᖏᑕ ᐃᓚᖏᑦ ᐊᔾᔨᒋᔭᐅᓐᖏᓐᓂᑯᒧᑦ ᖃᓄᐃᓕᐅᕈᑎᐅᓕᖃᑦᑕᖅᑐᑦ ᖃᐅᔨᒪᔭᐅᓂᖃᖅᑐᓄᑦ, ᒪᑯᐊᖑᖃᑕᐅᔪᑦ ᒪᕐᕉᓐᓂᒃ, ᑕᕐᓂᓖᑦ, ᐊᕐᓇᐅᔭᐃᑦ, ᐊᖑᑎᐅᔭᐃᑦ, ᓇᓕᐊᓐᓄᕋᖅᑐᑦ, ᐊᕐᓇᐅᖔᕈᒪᔪᑦ ᐊᖑᑎᐅᖔᕈᒪᔪᑦ, ᐊᔾᔨᒋᔭᐅᓐᖏᑦᑐᑦ, ᑕᒪᒃᑮᑦᓯᔪᑦ ᐊᕐᓇᐅᓂᕐᒧᑦ ᐊᖑᑎᐅᓂᕐᒧᓪᓘᖓᔾᔪᑎᓖᑦ ᑎᒥᖏᑦ, ᐊᓯᖏᓪᓗ ᐃᓄᖏᑦ,.

ᐊᑯᓃᓚᖓᔪᒥᒃ−ᖃᓄᑎᒌᕐᓂᖃᖅᑐᒥᒃ ᐊᒻᒪᓗ ᓇᓗᓇᓐᖏᑦᑐᑦ ᑮᓇᐅᔭᖅᑖᕕᑦᓴᐃᑦ

ᑖᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐱᒐᓱᐊᖅᑯᖅ ᐱᕈᖅᑎᑦᓯᒐᓱᐊᕐᓂᕐᒥᒃ ᒪᑯᓂᖓ ᐱᑕᖃᑦᓴᐅᑎᒋᔪᓂᒃ ᑲᒪᑎᑦᓯᒍᑎᓂᒃ ᐊᒻᒪᓗ ᓴᐳᔾᔨᓯᒪᒐᓱᐊᕈᑎᓂᒃ ᑕᐃᒫᒃ ᓵᓐᖓᑦᓯᒍᓐᓇᖁᓪᓗᒋᑦ ᑕᒪᑦᓱᒥᖓ ᐱᑕᖃᓗᐊᓕᕐᓂᖏᓐᓂᒃ ᑕᒪᒃᑯᓂᖓ ᐊᓪᓚᓂᒃ ᐃᓗᐊᓂ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᑕᐅᓯᒪᔪᓂ ᐊᒻᒪᓗ ᓴᐳᔾᔭᐅᖁᓪᓗᒋᑦ ᐱᒻᒪᕆᕈᒃᑲᓂᖅᑎᑕᐅᓂᖏᑦ ᑕᒪᒃᑯᐊ ᐊᓪᓚᐃᑦ ᒪᓕᒐᖏᑦ ᐊᒻᒪᓗ ᒪᓕᒐᓕᕆᓂᕐᒧᑦ ᐊᖅᑭᓱᖅᓯᒪᔭᖏᑦ. ᐊᓪᓚᐃᑦ ᐃᑲᔪᖅᓱᖅᓯᒪᕗᑦ ᒪᓐᓇ ᖃᓄᑐᐃᓐᓇᖅ ᓯᕗᓂᑦᓴᑎᓐᓂ ᑮᓇᐅᔭᖃᕆᐊᖃᕐᓂᖅ ᑕᐃᒫᒃ ᓴᐳᔾᔭᐅᓯᒪᖁᓪᓗᒋᑦ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐊᒻᒪᓗ ᐊᓪᓚᓅᖓᔪᑦ ᑐᕌᖓᔪᑦ ᐱᑕᖃᕆᐊᒃᑲᓐᓂᖅᑎᑦᓯᒋᐊᖃᖅᑯᑦ ᐅᓪᓗᒥᐅᔪᖅ ᑮᓇᐅᔭᖁᑎᒋᔭᐅᕙᑦᑐᓂᒃ ᐊᒻᒪᓗ ᐱᑦᓯᐊᖅᑕᐅᓗᑎᒃ ᑕᒪᒃᑯᐊ ᐱᒋᐊᖃᕐᓂᐅᔪᑦ ᑕᒪᒃᑯᓂᖓ ᐊᑯᓂ−ᐊᑐᖅᑕᐅᓚᖓᔪᓂᒃ, ᓂᕆᐅᓇᑦᓴᐅᑎᒋᔪᓂᒃ ᐊᒻᒪᓗ ᓈᒻᒪᑦᑐᓂᒃ ᑭᓇᐅᔭᖃᖅᑎᑦᓯᓂᕐᒥᒃ ᑕᒪᒃᑯᓂᖓ ᐊᓪᓚᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᑎᑦᓯᒍᑏᑦ, ᐊᒻᒪᓗ ᑕᒪᓐᓇ ᑕᐃᒫᒃ ᐱᑕᖃᓪᓚᕆᒋᐊᖃᖅᑯᖅ ᐊᑕᖏᖅᑐᓂᒃ ᓴᐳᔾᔭᐅᒍᑎᖃᖁᓪᓗᒋᑦ ᑕᒪᒃᑯᐊ ᐃᖅᑲᓇᐃᔮᖑᒋᐊᓖᑦ ᑲᒪᒋᔭᐅᔪᑦ.

  1. ᐊᓪᓚᐃᑦ ᐱᒐᓱᐊᖅᑯᑦ ᑮᓇᐅᔭᖅᑖᖃᑦᑕᓂᕐᒧᑦ ᐊᖅᑭᓱᖅᑕᐅᓯᒪᒋᐊᓕᓐᓂᒃ ᐊᑦᑐᐊᔪᓂᒃ ᑕᒪᒃᑯᓄᖓ ᐊᓪᓚᓄᑦ ᑲᑐᔾᔨᖃᑎᒌᓄᑦ ᑕᒪᒃᑯᐊ ᐃᓚᒋᔭᐅᓪᓗᑎᒃ ᐊᕙᓗᑦᓯᓯᒪᔪᑦ ᐱᔨᑦᓯᕋᐅᑏᑦ, ᓱᔪᖃᑦᑕᐃᓕᑎᑦᓯᒍᑏᑦ, ᐊᓯᐊᒍᒃᑲᓐᓃᖅᑐᓄᑦ ᐃᖅᑲᖅᑐᐃᕕᓕᕆᒍᑎᓂᒃ, ᐊᑦᑕᓇᓐᖏᑦᑐᒥ ᓇᒦᕝᕕᑦᓴᐃᑦ ᓄᓇᓕᓐᓂ, ᓄᓇᓕᒋᔭᐃᑦ ᖃᓄᐃᓐᖏᑦᓯᐊᖁᓪᓗᒋᑦ, ᐊᓯᐊᒎᒃᑲᓂᖅᑎᑦᒍᑏᑦ, ᐊᒻᒪᓗ ᑭᖑᓂᐊᒍᑦ−ᐃᖅᑲᑐᖅᑕᒥᓃᑦ ᐃᑉᐱᒋᔭᐅᒋᐊᖃᕐᓂᖏᑦ. ᖃᐅᔨᒐᓱᐊᖅᑐᖃᕐᓗᓂ ᓄᑖᓂᒃ ᑭᓇᐅᔭᓂᒃ ᐱᕕᑦᓴᓂᒃ ᑕᒪᒃᑯᓂᖓ ᐱᑎᑦᓯᒍᓐᓇᖅᑐᓂᒃ ᐃᓱᒪᖅᓱᕈᑎᐅᒍᓐᓇᖅᑐᓂᒃ, ᓂᕆᐅᓇᕈᓐᓇᖅᑐᓂᒃ, ᐊᒻᒪᓗ ᓄᓇᓕᓐᓄᑦ−ᐊᐅᓚᑕᐅᔪᓂᒃ ᑭᓇᐅᔭᓂᒃ ᐃᒫᒃ ᒥᑭᓪᓕᑎᖅᑕᐅᓗᑎᒃ ᐊᐅᓚᑦᓯᓂᕐᒨᖓᔪᑦ ᐅᖁᒪᐃᓪᓕᐅᕈᑎᐅᕙᑦᑐᑦ ᑕᒪᒃᑯᐊ ᐊᑐᖅᑎᑕᐅᓂᖏᓐᓂᒃ ᐊᒻᒪᓗ ᑐᓴᐅᒪᑎᑦᓯᓂᕐᒧᑦ ᑲᒪᒋᔭᐅᒋᐊᓕᓐᓂᒃ.
  2. ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ, ᑲᒪᔪᖃᕐᓗᓂ ᐊᕕᑦᑐᖅᓯᒪᔪᓅᖓᔪᓂᒃ ᑕᐅᑐᑦᑕᖃᕋᓱᐊᖅᑐᓂᒃ ᐊᓪᓚᓄᑦ ᐃᖅᑲᖅᑐᐃᕕᓕᕆᓂᕐᒨᖓᔪᓂᒃ ᐱᔭᐅᒋᐊᓕᓐᓂᒃ ᐊᒻᒪᓗ ᑮᓇᐅᔭᖅᑐᕈᑎᐅᒐᔭᖅᑐᓂᒃ ᕿᒥᕐᕈᓂᕐᒥᒃ ᐊᒻᒪᓗ ᐊᕙᑎᒋᔭᑦᑎᓐᓂ ᖃᐅᔨᒐᓱᐊᕐᓂᒥᒃ ᑕᒪᒃᑯᓂᖓ ᐱᑕᖃᕇᖅᑐᓂᒃ ᐱᔨᑦᓯᕋᐅᑎᓂᒃ ᐊᒻᒪᓗ ᑲᒪᑎᑦᓯᒍᑎᓂᓪᓗ ᑕᐃᒫᒃ ᓇᓗᓇᐃᔭᖅᑕᐅᒐᓱᐊᕐᓗᑎᒃ ᐱᑕᖃᓐᖏᓗᐊᕐᓂᕆᔭᖏᑦ ᐊᒻᒪᓗ ᐱᒋᐊᖃᖅᑕᐅᔪᓂᒃ ᑕᒪᒃᑯᓄᖓ ᓯᕗᓂᑦᓴᑎᓐᓂ ᐱᔨᑦᓯᕋᐅᑎᓂᒃ ᐊᒻᒪᓗ ᑲᒪᑎᑦᓯᓂᕐᒧᑦ ᑭᓇᐅᔭᑦᓴᓂᒃ.
  3. ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ, ᐱᒐᓱᐊᕐᓗᑕ ᐊᖏᓪᓕᕆᐊᕆᓂᕐᒥᒃ ᐱᑕᖃᕇᖅᑐᓂᒃ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᑎᑦᓯᒍᑎᓂᒃ ᐊᒻᒪᓗ ᐊᖅᑭᑦᓱᐃᑎᐅᒐᓱᐊᖅᑐᓂᒃ, ᑕᒪᒃᑯᓂᖓ ᓴᓇᒪᓂᖃᖅᑐᓂᒃ ᐊᒻᒪᓗ ᑲᒪᒋᔭᓂᒃ ᑕᒪᒃᑯᓄᖓ ᐊᓪᓚᓄᑦ ᐊᒻᒪᓗ ᐊᓪᓚᐃᑦ ᑎᒥᖁᑎᖏᓐᓄᑦ ᑐᕌᖓᔪᓂᒃ ᐊᓪᓚᐃᑦ ᐃᓄᖏᓐᓄᑦ.
  4. ᖃᐅᔨᒐᓱᐊᖅᑐᖃᕐᓗᓂ ᑕᒪᒃᑯᐊ ᐊᑐᓕᖅᑎᑕᐅᓂᖏᑦ ᐃᖅᑲᖅᑐᐃᕕᓕᕆᓂᕐᒧᑦ ᑲᓇᑕᒃᑯᑦ ᑭᓇᐅᔭᖅᑕᓂᕐᒧᑦ ᖃᓄᐃᑦᑑᓂᖏᑦ ᑕᐃᒫᒃ ᐱᑎᑦᓯᒍᓐᓇᖁᓪᓗᒋᑦ ᑕᒪᒃᑯᓂᖓ ᑲᒪᕕᒻᒪᕆᐅᔪᓄᑦ ᐱᒋᐊᖃᖅᑕᐅᔪᓂᒃ ᐃᓚᒋᔭᐅᓪᓗᓂ ᓱᓇᖁᑎᒻᒪᕆᓕᐅᕐᓂᖅ.

ᐊᖅᑯᑎᐅᒍᓐᓇᖅᑐᖅ ᓯᕗᓪᓕᖅ (1): ᐱᒻᒪᕆᕈᖅᑎᑕᐅᒃᑲᓂᕐᓂᖏᑦ ᑕᒪᒃᑯᐊ ᐊᓪᓚᐃᑦ ᒪᓕᒐᖏᑦ ᐊᒻᒪᓗ ᒪᓕᒐᓕᕆᓂᕐᒧᑦ ᐋᖅᑭᓱᖅᓯᒪᔭᖏᑦ

ᐊᖅᑯᑎᐅᒍᓐᓇᖅᑐᖅ ᓯᕗᓪᓕᖅ ᑲᒪᒋᔭᖃᕋᓱᐊᖅᑯᖅ ᐊᑐᐊᖅᓯᒐᓱᐊᕐᓂᕐᒥᒃ ᑕᒪᒃᑯᓂᖓ ᑐᒥᖏᓐᓂᒃ ᐊᓪᓚᐃᑦ ᓯᕗᓪᓕᒥᓂᖏᑕ, ᓄᐊᑦᓯᔪᖃᕐᓗᓂ ᖃᐅᔨᒪᔭᑐᖃᖏᓐᓂᒃ ᑕᒪᒃᑯᐊ ᐊᓪᓚᐃᑦ ᐃᓐᓇᑐᖃᖏᑕ ᐊᒻᒪᓗ ᖃᐅᔨᒪᔭᑐᖃᕐᓂᒃ ᐸᐸᑦᓯᔨᓄᑦ ᐊᒻᒪᓗ ᓇᐅᒃᑯᑦ ᓈᒻᒪᑦᓯᐊᑐᐊᕋᐃᑉᐸᑦ, ᐊᓪᓚᐃᑦ ᒪᓕᒐᓕᕆᓂᕐᒧᑦ ᖃᐅᔨᒪᔪᖁᑎᒻᒪᕆᖏᓐᓂᒃ, ᐊᒻᒪᓗ ᖃᐅᔨᒪᔭᐅᑎᑦᓯᔪᓂᒃ ᑐᑭᓯᒪᔭᖏᓐᓂᒃ ᑕᒪᒃᑯᓇᓐᖔᖅᑐᓂᒃ ᐊᓪᓚᓂᒃ, ᑕᐃᒫᒃ ᑐᑭᒧᐊᑦᑎᑦᓯᒍᑎᐅᓗᑎᒃ ᑖᕗᖓ ᓯᕗᒧᐊᑉᐸᓪᓕᐊᒐᓱᐊᖅᑐᓄᑦ. ᑖᓐᓇ ᐊᖅᑯᑎᐅᔪᖅ ᐱᒐᓱᐊᖅᑯᖅ ᐃᓕᓴᕆᔭᐅᓂᖏᓐᓂᒃ ᑕᒪᒃᑯᐊ ᐊᓪᓚᐃᑦ ᒪᓕᒐᓕᕆᓂᕐᒧᑦ ᐊᖅᑭᓱᖅᓯᒪᔭᖏᓐᓂᒃ ᐊᒻᒪᓗ ᑲᒪᕕᒋᒍᓐᓇᖅᑕᖏᓐᓂᒃ ᓄᓇᒥᓐᓂ ᐃᓗᐊᓂ ᐊᑦᑐᐊᔪᓄᑦ ᑕᒪᒃᑯᓄᖓ ᐊᐅᓚᑦᓯᓂᕐᒥᒃ ᒪᓕᒐᓕᕆᓂᕐᒨᖓᔪᓂᒃ, ᐃᓚᒋᔭᐅᓪᓗᑎᒃ ᑕᒪᒃᑯᓂᖓ ᒪᓕᑦᑕᐅᑎᑦᓯᒐᓱᐊᕈᑎᓂᒃ, ᐃᖅᑲᖅᑐᐃᕕᒃᑰᑎᑦᓯᒍᑎᓂᒃ ᐊᒻᒪᓗ ᐋᖅᑭᑦᓱᐃᑎᐅᔪᓄᑦ ᐃᖅᑲᖅᑐᐃᕕᒃᑯᑦ ᑕᒪᒃᑯᓂᖓ ᐊᓪᓚᐃᑦ ᒪᓕᒐᖏᓐᓂᒃ.

  1. ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ ᒥᑦᓵᓄᑦ ᐊᓯᔾᔨᖅᑕᐅᒍᓐᓇᕆᐊᖏᑦ ᑕᒪᒃᑯᐊ ᒐᕙᒪᑐᖃᒃᑯᑦ ᐱᖁᔭᖏᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓄᑦ ᑕᐃᒫᒃ ᓴᐳᔾᔭᐅᓯᒪᖁᓪᓗᒍ ᑕᒪᓐᓇ ᐊᐃᕙᖃᑎᒌᓐᓂᖅ ᐊᒻᒪᓗ ᐊᑐᓕᖅᑎᑕᐅᓂᖏᓐᓂᒃ ᑖᒃᑯᐊ ᐱᖓᓲᓕᖅᑲᖓᔪᑦ ᑲᒪᖃᑎᒌᑦᑐᑦ ᐅᕝᕙᓘᓐᓃᑦ ᒪᕐᕉᓪᓗᑎᒃ ᑲᒪᖃᑎᒌᑦᑐᓄᑦ ᐊᖏᖃᑎᒌᒍᑏᑦ ᑕᐃᒫᒃ ᐱᕕᖃᖅᑎᑦᓯᖁᓪᓗᒋᑦ ᓈᒻᒪᑦᑐᓂᒃ ᐊᒻᒪᓗ ᐊᑐᕐᓂᖃᑦᓯᐊᖅᑐᓂᒃ ᒪᓕᑦᑕᐅᑎᑦᓯᒐᓱᐊᕈᑎᓂᒃ, ᐃᖅᑲᖅᑐᐃᕕᒃᑯᑎᑦᓯᓂᕐᒨᖓᔪᓂᒃ, ᐊᒻᒪᓗ ᐋᖅᑭᓱᖅᑕᐅᔪᓄᑦ ᐃᖅᑲᖅᑐᐃᕕᒃᑯᑦ ᑕᒪᒃᑯᓂᖓ ᐊᓪᓚᐃᑦ ᒪᓕᒐᖏᓐᓂᒃ.
  2. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ ᑕᐃᒫᒃ ᐱᕙᓪᓕᐊᑎᑦᓯᓗᑕ ᑲᒪᑎᑦᓯᒍᑎᓂᒃ ᑕᐃᒫᒃ ᓴᐳᔾᔭᐅᖁᓪᓗᒋᑦ ᐊᓪᓚᓄᑦ−ᓯᕗᓕᖅᑕᐃᑦ ᖃᐅᔨᒐᓱᐊᕐᓂᐅᔪᑦ, ᖃᐅᔨᒪᔭᐅᔪᓂᒃ ᑕᐅᖅᓰᖃᑦᑕᐅᑎᓂᕐᒧᑦ, ᐊᒻᒪᓗ ᐊᑕᖏᖅᑐᒥᒃ ᐱᒍᓐᓇᖅᑕᐅᒋᐊᓕᓐᓂᒃ−ᐱᕈᖅᑎᑦᓯᒐᓱᐊᕐᓂᕐᒥᒃ ᑕᐃᒫᒃ ᐱᒻᒪᕆᕈᖅᑎᑕᐅᒃᑲᓐᓂᖁᓪᓗᒋᑦ ᐊᓪᓚᐃᑦ ᒪᓕᒐᖏᑦ ᐊᒻᒪᓗ ᒪᓕᒐᓕᕆᔾᔪᑎᖏᓐᓂᒃ ᓯᐊᕈᐊᓗᓂᒃ ᐊᑐᖅᑕᐅᓲᓂᒃ.
  3. ᓴᖅᑭᑎᑦᓯᓗᑕ ᑐᑭᒧᐊᑦᑎᑦᓯᒍᑎᑦᓴᓂᒃ ᑕᒪᒃᑯᐊ ᓈᒻᒪᓯᐊᖅᑐᒥᒃ ᐱᕋᔭᒃᑐᒥᓂᕐᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᑕᐅᓯᒪᔪᓄᑦ ᑭᐅᒍᑎᐅᕙᑦᑐᓂᒃ ᑕᒪᒃᑯᓄᖓ ᐊᓪᓚᐃᑦ ᓄᓇᖁᑎᖏᓐᓅᖓᔪᓂᒃ ᐊᒻᒪᓗ ᐊᑐᕐᓂᖃᖅᑐᖏᓐᓂᒃ ᐱᕋᔭᑕᐅᑦᑕᐃᓕᒪᑎᑦᓯᒍᑎᓂᒃ ᑕᒪᒃᓂᖓ ᐱᑦᓯᐊᖅᑕᖃᖅᑐᓂᒃ ᐊᓪᓚᐃᑦ ᓯᐊᕈᐊᓗᕐᓂᓴᕐᓂᒃ ᒪᓕᒐᖏᓐᓂᒃ ᐊᒻᒪᓗ ᑲᒪᒋᒋᐊᖃᓲᖏᓐᓂᓪᓗ.
  4. ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ ᒥᑦᓵᓄᑦ ᐃᒪᐃᑐᐃᓐᓇᕆᐊᖃᕆᐊᖓ ᒪᓕᒐᓕᕆᓂᕐᒨᖓᔪᓂᒃ ᓂᕈᐊᖅᑐᖃᕈᓐᓇᕆᐊᖓ ᐃᓕᓴᖅᓯᓂᕐᒨᖓᔪᓂᒃ ᐊᒻᒪᓗ ᐱᒍᓐᓇᑎᑦᓯᓂᕐᒧᓪᓗ ᑲᒪᒍᓐᓇᓂᕐᒥᒃ ᑕᒪᒃᑯᓂᖓ ᐊᓪᓚᐃᑦ ᓄᓇᖏᓐᓂ ᐊᐅᓚᒍᓐᓇᖅᑕᖏᓐᓂ ᐊᑦᑐᐊᔪᓄᑦ ᑕᒪᒃᑯᓄᖓ ᐊᐅᓚᑦᓯᓂᕐᒧᑦ ᐃᖅᑲᖅᑐᐃᕕᓕᕆᓂᕐᒨᖓᔪᓂᒃ, ᑕᐃᒫᓪᓗ ᐃᓚᒍᑦᓯᐅᔾᔨᑐᐃᓐᓇᕆᐊᖃᖅᓱᑎᒃ ᓂᕈᐊᕋᑦᓴᓂᒃ ᒪᑐᒧᖓ ᒪᓕᒐᓕᕆᓂᕐᒨᖓᔪᓂᒃ ᐋᖅᑭᓱᖅᓯᒪᔪᓂᒃ ᒪᓕᑦᑕᐅᑎᑦᓯᒐᓱᐊᕐᓂᕐᒨᖓᔪᓂᒃ, ᐃᖅᑲᖅᑐᐃᕕᒃᑯᑎᑦᓯᓂᕐᒧᑦ ᐊᒻᒪᓗ ᐋᖅᑭᓱᖅᑕᐅᓂᕐᒧᑦ ᐃᖅᑲᖅᑐᐃᕕᒃᑯᑦ ᐊᓪᓚᐃᑦ ᒪᓕᒐᖏᓐᓂᒃ, ᐊᑐᕐᓗᑎᒃ ᑲᓇᑕᐅᑉ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᓯᒪᔭᖏᓐᓂᒃ ᑕᒪᒃᑯᐊ ᐃᓱᒪᖅᓱᕈᓐᓇᕐᓗᑎᒃ ᐊᓪᓚᐃᑦ.

ᐊᖅᑯᑎᐅᒍᓐᓇᖅᑑᑉ ᐊᐃᑉᐹ: ᐊᓯᔾᔨᕆᐊᖅᑕᐅᓂᖏᑦ ᑖᒃᑯᐊ ᑲᓇᑕᒥᐅᑦ ᐱᕋᔭᑦᑐᒥᓂᕐᓄᑦ ᐃᖅᑲᖅᑐᐃᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᑦ

ᑕᒪᒃᑯᐊ ᐱᑕᖃᓗᐊᓕᕐᓂᖏᑦ ᑕᒪᒃᑯᓂᖓ ᐊᓪᓚᓂᒃ ᐃᓗᐊᓂ ᐱᕋᔭᑦᑐᒥᓂᕐᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂᒃ ᐃᒫᒃ ᐱᕕᔾᔪᐊᓕᖅᓱᓂ ᐊᒻᒪᓗ ᐱᑐᐃᓐᓇᖅᑕᐅᒍᓐᓇᕋᑎᓪᓗ ᐊᕝᕕᐊᕈᑎᖃᕈᑎᐅᔪᑦ ᑐᓐᖓᕕᖃᖅᑐᖅ ᒪᑯᓄᖓ ᐋᖅᑭᓱᖅᑕᐅᓯᒪᔪᓅᖓᔪᓄᑦ ᐅᕕᓂᐊᖃᑎᒋᔭᐅᓐᖏᑦᑐᑦ ᐱᓂᕐᓗᑦᑕᐅᓂᖏᓐᓄᑦ ᐊᒻᒪᓗ ᑕᒪᑦᓱᒧᖓ ᓯᐊᕈᓂᒃ ᑕᐃᒪᐃᑎᑦᓯᓂᑯᖏᓐᓄᑦ ᑕᒪᒃᑯᐊ ᓄᓇᒋᓐᖏᑕᒥᓐᓂᒃ ᓄᓇᖃᓕᖅᑐᑦ. ᐃᓗᐃᑦᑑᑦᓯᐊᕐᓂᖃᑐᓂᒃ, ᓇᓗᓇᐃᔭᖅᓯᒪᑦᓯᐊᖅᑐᓂᒃ ᐊᕙᑎᓕᒫᑦᑎᓐᓃᑦᑐᓂᒃ ᕿᒥᕐᕈᓂᖅ ᑕᒪᒃᑯᓂᖓ ᐱᑕᖃᑦᓴᐅᑎᒋᔪᓂᒃ ᑲᒪᒐᓱᐊᕈᓯᕐᓂᒃ ᑕᐃᒫᒃ ᓴᐳᔾᔨᓯᒪᓚᖓᕗᒍᑦ ᐊᑐᕐᓂᖃᑦᓯᐊᖅᑐᒥᒃ ᐊᓯᔾᔩᒋᐊᕐᓂᐅᔪᓂᒃ ᑖᒃᑯᓂᖓ ᑲᓇᑕᒥᐅᑦ ᐱᕋᔭᑦᑐᒥᓂᕐᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᑕᐅᓯᒪᔪᓂᒃ.

ᒪᓕᑦᓯᐊᕋᓱᐊᕐᓗᑕ, ᐊᖅᑯᑎᐅᒍᓐᓇᖅᑑᑉ ᐊᐃᑉᐹ ᑕᑯᓐᓇᖅᑯᖅ ᐊᓯᔾᔩᕆᐊᕆᓂᕐᒥᒃ ᑖᒃᑯᓇᓐᖓᑦ ᑲᓇᑕᒥᐅᑦ ᐱᕋᔭᑦᑐᒥᓂᕐᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂᒃ ᑕᐃᒫᓪᓗ ᑕᑯᑎᑦᓯᔪᓂᒃ ᐊᓪᓚᐃᑦ ᑕᑯᓐᓇᕋᓱᐊᓲᖏᓐᓂᒃ, ᒪᑯᐊᖑᖃᑕᐅᔪᑦ ᐱᓱᖃᑦᑕᕐᓂᖅ ᑲᐃᕙᑦᑐᒥᒃ ᐃᓘᓐᓇᖏᓐᓄᑦ ᓯᑕᒪᑦ ᓵᕝᕕᐅᓲᑦ. ᑖᓐᓇ ᐊᖅᑯᑎᐅᒍᓐᓇᖅᑐᖅ ᓇᓗᓇᐃᖅᓯᓯᒪᕗᖅ ᐱᕕᖃᖅᑎᑦᓯᓂᕐᒥᒃ ᑕᒪᒃᑯᓄᖓ ᐃᖅᑲᖅᑐᐃᕕᓕᕆᓂᕐᒧᑦ ᑐᕌᖓᕕᐅᑎᑕᐅᒐᓱᐊᓲᓄᑦ ᓯᑕᒪᐅᓪᓗᑎᒃ ᓵᓐᖓᕕᐅᓲᑦ:

ᓇᐅᒃᑰᕆᐊᖃᕐᓂᐅᑉ ᓯᕗᓪᓕᖅᐹᖅ: ᐃᖅᑲᖅᑐᐃᕕᓕᕆᓂᖅ ᐊᒻᒪᓗ ᖃᓄᐃᓐᖏᑦᓯᐊᕐᓂᖅ

ᐊᓪᓚᐃᑦ ᐃᓕᓴᖅᓯᕗᑦ ᑕᒪᓐᓇ ᐃᖅᑲᖅᑐᐃᕕᓕᕆᓂᖅ ᐊᒻᒪᓗ ᖃᓄᐃᓐᖏᑦᓯᐊᕐᓂᖅ ᑖᒃᑯᐊ ᐊᑦᓱᒋᐊᓪᓚᒃ ᐊᑦᑐᐊᒍᑎᒋᐊᖏᒃ; ᑕᐃᒪᐃᓐᓂᖓᓄᑦ, ᑕᒪᓐᓇ ᐃᓱᒪᒋᔭᐅᓂᖓ ᐃᖅᑲᖅᑐᐃᕕᓕᕆᓂᖅ ᑕᑯᓐᓇᖅᑕᐅᒐᓱᐊᕆᐊᖃᖅᑯᖅ ᓴᓂᒧᑐᔪᒥᒃ ᑕᐃᒫᒃ ᐃᓚᒍᑦᓯᐅᔾᔭᐅᖁᓪᓗᒋᑦ ᐃᓘᓐᓇᑎᒃ ᓱᓇᑐᐃᓐᓇᐃᑦ ᐋᓐᓂᐊᖃᕐᓇᖏᑦᑐᓕᕆᓂᕐᒨᖓᔪᑦ ᐊᒻᒪᓗ ᖃᓄᐃᓐᖏᑦᓯᐊᖁᓪᓗᒋᑦ ᐊᑐᓂ ᐃᓄᖏᑦ, ᓄᓇᓖᑦ, ᐊᒻᒪᓗ ᑕᒪᓐᓇ ᐊᕙᑎᕗᑦ. ᑲᒪᒋᐊᓪᓚᕆᒋᐊᖃᕐᓂᖅ ᑕᒪᓐᓇ ᓵᓐᖓᔭᐅᖁᓪᓗᒍ ᐱᑕᖃᓗᐊᓕᕐᓂᖓ ᐊᓪᓚᐃᑦ ᐃᓄᖏᓐᓂᒃ ᐱᒋᐊᕆᐊᖃᓕᖅᑯᖅ ᐅᕙᓐᖔᕐᓗᓂ ᑕᐃᑲᓐᖓᑦ ᓱᔪᖃᑲᓪᓚᑦᑕᐃᓕᑎᑦᓯᕕᒻᒥᒃ, ᐃᒫᓪᓗ ᑲᑉᐱᐊᓇᖅᑐᑰᖅᑐᒥᓃᑦ ᐊᒻᒪᓗ ᒪᒥᓴᐅᑎᓄᑦ ᓴᐳᔾᔭᐅᓯᒪᒐᓱᐊᕈᑎᖏᓐᓂᒃ, ᐅᕕᒃᑲᓄᑦ ᑲᒪᑎᑦᓯᒍᑏᑦ, ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᐊᑦᑐᐊᓂᖃᖅᑐᑦ ᑕᒪᒃᑯᐊ ᐱᒻᒪᕆᐅᓂᖅᐹᖑᑎᑕᐅᓗᑎᒃ. ᑕᒪᑦᓱᒪ ᐱᒐᓱᐊᕈᒪᔭᖓ ᐃᖅᑲᓇᐃᔭᖅᑕᐅᒋᐊᓕᐅᑉ ᑕᐃᒫᒃ ᐱᒐᓱᐊᖅᑐᖃᕐᓗᓂ ᐱᑕᖃᑦᓯᐊᖅᑐᓂᒃ ᐊᕙᓗᑦᓯᓯᒪᔪᓂᒃ ᓴᐳᔾᔨᒍᑎᓂᒃ ᐊᑐᐃᓐᓇᐅᑦᓯᐊᖅᑐᓂᒃ ᑕᒪᒃᑯᓄᖓ ᐊᓪᓚᐃᑦ ᐃᓄᖏᓐᓄᑦ ᐃᓗᐊᓃᑦᑐᓄᑦ ᑕᒪᒃᑯᐊ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ ᑕᐃᒪᓐᖓᓕᒫᖅ ᑲᒪᒋᔭᐅᓂᖏᓐᓂ, ᐃᓚᒋᔭᐅᓪᓗᑎᒃ: ᐃᒫᒃ ᓯᕗᕌᓃᑎᓪᓗᒋᑦ ᐃᖅᑲᖅᑐᐃᕕᐅᑉ, ᐃᓚᐅᑎᖅᑎᓪᓗᒋᑦ ᒪᑯᓄᖓ ᖃᓄᒐᓚᒃ ᑲᒪᑎᑦᓯᒍᑎᓄᑦ, ᐃᒫᒃ ᑎᒍᔭᐅᒪᑎᓪᓗᒋᑦ ᐃᖅᑲᖅᑐᖅᑕᐅᓂᕐᒥᒃ ᐅᑕᖅᑭᔪᓂᒃ, ᐱᔨᑦᓯᕋᖅᑎᑕᐅᔪᑦ ᐃᖅᑲᖅᑐᐃᕕᒃᑯᓐᓄᑦ ᓄᓇᓕᓐᓂ ᐅᕝᕙᓘᓐᓃᑦ ᑲᒪᑎᑕᐅᔪᑦ ᑲᒪᕕᒻᒪᕆᓐᓂ, ᐊᒻᒪᓗ ᑭᖑᓂᐊᒍᑦ−ᐊᓂᑎᑕᒥᓂᐅᑎᓪᓗᒋᑦ ᑎᒍᔭᐅᒪᓚᐅᖅᑎᓪᓗᒋᑦ.

ᐃᓱᒪᒋᔭᐅᓂᖓ ᐃᖅᑲᖅᑐᐃᕕᓕᕆᓂᖅ ᐃᒫᒃ ᖃᓄᐃᓐᖏᑦᓯᐊᕋᓱᐊᕐᓂᕐᒨᖓᓂᖓ ᑐᑭᖃᖅᑯᖅ ᐃᒫᒃ, ᑕᒪᒃᑯᐊ ᐊᓪᓚᐃᑦ ᓯᕗᕌᓃᑎᓪᓗᒋᑦ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᑕᐅᓯᒪᔪᓂ, ᐱᒋᐊᖃᓲᖑᕗᑦ ᐃᑎᓂᖅᓴᒨᕆᐊᖃᕐᓂᕐᒥᒃ ᑕᒪᒃᑯᐊ ᖃᖓᓃᑦᑐᐃᑦ, ᑕᐃᒫᒃ ᓇᓗᓇᐃᖅᓯᒍᓐᓇᖁᓪᓗᑕ ᐃᓅᑉ ᐱᒋᐊᓕᖏᓐᓂᒃ ᐊᒻᒪᓗ ᐱᔾᔪᑎᐅᔪᓂᒃ ᑕᒪᒃᑯᓂᖓ ᐃᒻᒪᖃ ᑕᕝᕗᓐᖓᖅᑎᑕᐅᒍᑎᒋᓯᒪᔭᖏᓐᓂᒃ ᓯᕗᕌᓄᑦ ᐃᖅᑲᖅᑐᐃᕕᐅᑉ (ᒐᓚᑑ ᐃᑲᔪᖅᑎᒃᑯᑦ ᐱᔾᔪᑎᒋᔭᖏᑦ) ᐊᒻᒪᓗ ᑐᕌᖅᑎᑕᐅᓂᖏᑦ ᑕᒪᒃᑯᓄᖓ ᓈᒻᒪᓯᐊᖅᑐᓄᑦ ᓴᐳᔾᔭᐅᓯᒪᒐᓱᐊᕈᑎᓄᑦ, ᖃᓄᐃᓕᖓᓂᕆᔭᖏᑦ ᐃᒫᒃ ᐃᓚᒍᑦᓯᐅᔾᔨᓯᒪᓪᓗᑎᒃ ᒪᑯᓂᖓ ᐊᓪᓚᐃᑦ ᐃᓄᖏᓐᓂᒃ ᑕᒪᒃᑯᓂᖓ ᐊᔾᔨᒋᔭᐅᓐᖏᓐᓂᑯᒧᑦ ᖃᓄᐃᓕᐅᕈᑎᐅᖃᑦᑕᖅᑐᓄᑦ ᖃᐅᔨᒪᔭᐅᒍᑎᒋᔭᖏᓐᓄᑦ ᒪᑯᐊᖑᖃᑕᐅᔪᑦ ᒪᕐᕉᓐᓂᒃ, ᑕᕐᓂᓖᑦ, ᐊᕐᓇᐅᔭᐃᑦ, ᐊᖑᑎᐅᔭᐃᑦ, ᓇᓕᐊᓐᓄᕋᖅᑐᑦ, ᐊᕐᓇᐅᖔᕈᒪᔪᑦ ᐊᖑᑎᐅᖔᕈᒪᔪᑦ, ᐊᔾᔨᒋᔭᐅᓐᖏᑦᑐᑦ, ᑕᒪᒃᑮᑦᓯᔪᑦ ᐊᕐᓇᐅᓂᕐᒧᑦ ᐊᖑᑎᐅᓂᕐᒧᓪᓘᖓᔾᔪᑎᓖᑦ ᑎᒥᖏᑦ, ᐊᓯᖏᓪᓗ ᐃᓄᖏᑦ. ᐊᓪᓚᐃᑦ ᐃᓄᖏᑦ ᓯᕗᕌᓃᑦᑐᑦ ᐃᖅᑲᖅᑐᐃᕖᑦ ᐃᒻᒪᖃ ᖃᐅᔨᖃᑦᑕᑐᐃᓐᓇᕆᐊᖃᖅᑯᑦ ᖃᓄᐃᑦᑐᑐᐃᓐᓇᕐᓂᒃ ᐊᑦᓱᕈᕐᓇᖅᑐᓕᓐᓂᒃ ᐃᓚᒋᔭᐅᓪᓗᑎᒃ ᐃᓱᒪᒨᖓᔪᓂᒃ ᐋᓐᓂᐊᓖᑦ ᐊᒻᒪᓗ ᐅᐃᕆᓯᒪᔪᑦ, ᓇᔾᔨᐊᖑᓪᓗᑎᒃ ᐊᓈᓇᖏᑦ ᐃᒥᐊᓗᖃᑦᑕᖅᑐᒥᓂᐅᓂᑯᒧᑦ ᓈᒻᒪᖏᔾᔪᑎᓕᑦ, ᐊᔪᖅᓴᓗᐊᖃᑦᑕᕐᓂᑯᒧᑦ, ᐊᖏᕐᕋᖃᓐᖏᓐᓂᑯᒧᑦ, ᐊᒻᒪᓗ ᑲᑉᐱᐊᓇᖅᑐᑰᕐᓂᑯᒥᓂᕐᒧᑦ.

ᐊᕙᓗᑦᓯᓯᒪᔪᑦ ᓴᐳᔾᔨᓯᒪᒐᓱᐊᕈᑏᑦ ᐃᒪᐃᒋᐊᖃᖅᑯᑦ ᐊᒻᒪᓗᑦᑕᐅᖅ ᐊᑐᐃᓐᓇᐅᓗᑎᒃ ᑕᒪᒃᑯᓄᖓ ᐊᓪᓚᐃᑦ ᐃᓄᖏᓐᓄᑦ ᑕᒪᒃᑯᓄᖓ ᐊᑦᑐᖅᑕᐅᓯᒪᔪᓄᑦ ᐱᕋᔭᑕᐅᓂᒃᑯᑦ, ᐃᓚᒋᔭᐅᓪᓗᑎᒃ ᐱᓂᕐᓗᑦᑕᒥᓃᑦ ᑲᑉᐱᐊᓇᖅᑐᑰᖅᑎᑕᐅᓪᓗᑎᒃ ᐊᒻᒪᓗ ᐆᒪᒡᒐᐃᓇᖅᑐᒥᓂᕐᓂᒃ, ᐊᒻᒪᓗ ᐃᓚᒋᔭᐅᔪᑦ ᑕᒪᒃᑯᐊ ᐅᑎᓐᖏᑦᑐᒥᓂᕐᓄᑦ ᐊᒻᒪᓗ ᑐᖁᑕᒥᓂᕐᓄᑦ ᐊᓪᓚᐃᑦ ᐃᓄᖏᑦ. ᐊᑕᖏᕐᓗᒍ ᓄᓇᓕᒃ ᐊᑦᑕᓇᓐᖏᑦᑐᒦᒋᐊᖃᕐᓂᖓ ᐊᒻᒪᓗᑦᑕᐅᖅ ᐱᒻᒪᕆᐅᖃᑕᐅᕗᖅ ᐃᓚᒋᔭᐅᓪᓗᓂ ᑕᒪᑐᒧᖓ ᐃᖅᑲᖅᑐᐃᕕᓕᕆᓂᕐᒧᑦ ᐊᒻᒪᓗ ᖃᓄᐃᓐᖏᑦᓯᐊᓂᕐᒧᑦ

  1. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᖃᐅᔨᒐᓱᐊᕐᓗᑕ, ᐱᒐᓱᐊᕐᓗᑕ ᐱᕙᓪᓕᐊᑎᑦᓯᒍᑎᓂᒃ, ᐅᕝᕙᓘᓐᓃᑦ ᐊᖏᓪᓕᒋᐊᖅᑕᐅᓂᖏᓐᓂᒃ ᑕᒪᒃᑯᐊ ᐊᑐᖅᑕᐅᖃᑦᑕᕐᓂᖏᑦ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᑦ ᐊᒻᒪᓗ ᐃᓕᖅᑯᓯᕆᔭᕐᓄᑦ−ᐊᖅᑭᑦᓯᒪᒐᓱᐊᖅᑐᓂᒃ ᑲᒪᑎᑦᓯᒍᑎᓂᒃ ᑕᐃᒫᒃ ᓴᐳᔾᔭᐅᖁᓪᓗᒋᑦ ᐊᓪᓚᐃᑦ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᒐᓱᐊᕈᓯᖏᑦ ᑕᒪᒃᑯᓂᖓ ᐱᕚᓪᓕᑎᑦᓯᒐᓱᐊᖅᑐᓂᒃ ᖃᓄᐃᒍᓐᓃᕋᓱᐊᕈᑎᓂᒃ ᐊᒻᒪᓗ ᒪᒥᓱᐊᑎᓂᓪᓗ.
  2. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᐱᒐᓱᐊᕐᓗᑕ ᐊᖏᓪᓕᕆᐊᕆᓂᕐᒥᒃ ᐱᕕᖃᑦᑎᑦᓯᒍᑎᓂᒃ ᑕᒪᒃᑯᓄᖓ ᐃᓕᖅᑯᓯᓕᕆᓂᕐᒧᑦ ᑭᐅᒍᑎᓂᒃ, ᐊᓪᓚᐃᑦ ᓄᓇᓕᖏᓐᓄᑦ−ᓯᕗᓕᖅᑕᓂᒃ, ᑲᑉᐱᐊᓇᖅᑐᑰᖅᓯᒪᔪᓄᑦ−ᑐᑭᓯᒪᔪᓂᒃ ᐱᓂᕐᓗᑦᑕᐅᓯᒪᔪᓄᑦ ᐱᔨᑦᓯᕋᐅᑎᓂᒃ ᐊᒻᒪᓗ ᓴᐳᔾᔨᓯᒪᒐᓱᐊᕈᑎᓂᒃ, ᐃᓚᒋᐅᓪᓗᑎᒃ ᓴᐳᔾᔨᓯᒪᒐᓱᐊᕈᑎᑦ ᑕᒪᒃᑯᓄᖓ ᐃᓚᒋᔭᐅᔪᓄᑦ ᐅᑎᓐᖏᑦᑐᒥᓂᕐᓂᒃ ᐊᒻᒪᓗ ᑐᖁᑕᒥᓂᕐᓄᑦ ᐊᓪᓚᐃᑦ ᐊᕐᓇᖏᓐᓂᒃ, ᓂᕕᐊᖅᓯᐊᓂᒃ, ᐊᖑᑎᐅᓂᕐᒨᖓᔪᓂᒃ ᐊᕐᓇᐅᓂᕐᒨᖓᔪᓂᒃ ᖃᓄᐃᑦᑐᑐᐃᓐᓇᐅᓂᖏᓐᓄᑦ ᐃᓄᖏᑦ, ᐊᖑᑏᑦ ᐊᒻᒪᓗ ᓱᕈᓰᓪᓗ.
  3. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᐱᒐᓱᐊᕐᓗᑕ ᐱᕙᓪᓕᐊᑎᑦᓯᓂᕐᒥᒃ ᐋᖅᑭᑦᓱᐃᑎᐅᒐᓱᐊᕈᑎᓂᒃ ᐊᒥᓱᕐᖑᕆᐊᕆᓗᑕ ᐃᖅᑲᓇᐃᔭᖅᑎᒋᔭᐅᕙᑦᑐᓂᒃ ᑕᒪᒃᑯᓂᖓ ᐊᓪᓚᐃᑦ ᐃᓐᓇᑐᖃᖏᓐᓂᒃ ᐊᒻᒪᓗ ᖃᐅᔨᒪᔭᑐᖃᕐᓂᒃ ᐸᐸᑦᓯᔨᐅᔪᓂᒃ ᑕᐃᒫᒃ ᐃᖅᑲᓇᐃᔭᖃᑎᖃᖁᓪᓗᒋᑦ ᐃᖅᑲᖅᑐᐃᕕᓕᕆᔨᒃᑯᑦ ᑲᒪᕕᒻᒪᕆᖏᓐᓂᒃ ᑕᐃᒫᒃ ᐱᑎᑦᓯᖁᓪᓗᒋᑦ ᐊᓪᓚᐃᑦ ᒪᑯᓂᖓ ᐃᓕᖅᑯᓯᓕᕆᓂᕐᒧᑦ ᓈᒻᒪᓯᐊᖅᑐᓂᒃ ᓴᐳᔾᔨᒐᓱᐊᕈᑎᓂᒃ ᑕᒪᒃᑯᐊ ᑲᒪᒐᓱᐊᕆᐊᖃᖅᑎᓪᓗᒋᑦ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᑕᐅᓯᒪᔪᓂᒃ.
  4. ᐱᒐᓱᐊᖅᑐᖃᕐᓗᑕ ᓴᐳᔾᔨᓯᒪᓂᕐᒥᒃ, ᑲᒪᖃᑎᒋᓗᒋᑦ ᑕᒪᒃᑯᐊ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᓄᓇᖃᖅᑳᖅᓯᒪᔪᑦ ᓄᓇᓕᓐᓂ ᐃᖅᑲᖅᑐᐃᕕᓕᕆᓂᕐᒧᑦ ᐅᐸᒐᐅᔪᓂᒃ ᑕᐃᒫᒃ ᐱᑎᑦᓯᒍᓐᓇᖁᓪᓗᑕ ᐃᓕᖅᑯᓯᓕᕆᓂᕐᒧᑦ ᐱᑦᓯᐊᕖᓐᖓᕐᕕᖃᖅᑐᓂᒃ ᐊᕙᓗᑦᓯᓯᒪᔪᓂᒃ ᓴᐳᔾᔨᓯᒪᒐᓱᐊᕈᑎᓂᒃ, ᒪᑯᐊᖑᖃᑕᐅᔪᑦ ᓇᒧᓐᖓᑲᓐᓂᖅᑎᑕᐅᔪᑦ ᑕᐃᒫᒃ ᓵᓐᖓᑦᓯᖁᓪᓗᒋᑦ ᐃᓄᓕᕆᓂᕐᒧᑦ ᖃᐅᔨᒐᓱᐊᕈᑎᐅᔪᓂᒃ ᑕᒪᒃᑯᓇᓂ ᐃᖅᑲᖅᑐᐃᕕᓕᕆᔨᒃᑯᓐᓂ, ᑕᐃᒫᒃ ᐱᓗᐊᓐᖑᐊᖅᑐᒥᒃ ᑐᕌᖓᔪᓂᒃ ᐅᐃᕆᓯᒪᔪᓄᑦ, ᐃᓱᒪᓕᕆᓂᕐᒧᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᐊᓈᓈᖏᑦ ᐃᒥᐊᓗᖃᑦᑕᖅᑐᒥᓂᕐᓄᑦ ᓇᔾᔨᐊᖑᑎᓪᓗᒋᑦ, ᓱᕈᓯᓕᕆᓂᕐᒧᑦ ᐊᒻᒪᓗ ᐃᓚᒌᓐᓄᓪᓗ ᐱᔨᑦᓯᕋᐅᑎᓄᑦ ᑲᒪᒋᔭᐅᒋᐊᖃᖅᓯᒪᔪᓂᒃ, ᓄᓕᐊᖅᑕᐅᓂᕐᒧᑦ ᐃᓱᒪᖅᓱᖅᑎᑕᐅᓐᖏᑦᑐᓄᑦ, ᐊᒻᒪᓗ ᐱᕋᔭᐅᖃᑎᒌᑦᑐᓄᑦ−ᐃᓚᒋᔭᐅᖃᑦᑕᖅᑐᓄᑦ.
  5. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᖃᐅᔨᒐᓱᐊᕐᓗᑕ ᓂᕈᐊᕋᑦᓴᐅᒍᓐᓇᖅᑐᓂᒃ ᐊᖏᓪᓕᕆᐊᕆᓂᕐᒧᑦ ᐊᐅᓚᑕᐅᒍᓐᓇᖅᑐᓂᒃ ᐊᒻᒪᓗ ᐱᕕᖃᖅᑎᑦᓯᓂᕐᒧᑦ ᒪᑯᓄᖓ ᓄᓇᓕᓐᓂ−ᐊᐅᓚᑕᐅᔪᓂᒃ ᓇᐅᒃᑯᑲᓐᓂᖔᖅ ᑲᒪᒐᓱᐊᕈᑎᓂᒃ ᓯᕗᓂᐊᒍᑦ ᐊᒻᒪᓗ ᑭᖑᓂᐊᒍᓪᓗ ᐃᖅᑲᑐᖅᑕᐅᔪᖃᓚᐅᖅᑎᓪᓗᒍ ᑕᒪᒃᑯᓂᖓ ᐊᓪᓚᐃᑦ ᐃᓄᖏᓐᓂᒃ ᐃᓗᐊᓂ ᑲᓇᑕᒥᐅᑦ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᓯᒪᔭᖏᓐᓂ ᑕᐃᒫᒃ ᓴᐳᔾᔭᐅᓯᒪᖁᓪᓗᒋᑦ ᐃᓕᖅᑯᓯᓕᕆᓂᕐᒧᑦ ᓈᒻᒪᓯᐊᖅᑐᓂᒃ ᐃᖅᑲᖅᑐᐃᕕᓕᕆᓂᕐᒧᑦ ᑭᐅᒍᑎᐅᔪᓄᑦ, ᒪᒥᓴᕐᓂᕐᒧᑦ, ᐊᒻᒪᓗ ᖃᓄᐃᓐᖏᑦᓯᐊᖁᔨᓂᕐᒧᓪᓗ.
  6. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᖃᐅᔨᒐᓱᐊᕐᓗᑕ ᓂᕈᐊᕋᑦᓴᐅᒍᓐᓇᖅᑐᓂᒃ ᒪᑯᓄᖓ ᒪᕐᕉᓐᓂᒃ, ᑕᕐᓂᓖᑦ, ᐊᕐᓇᐅᔭᐃᑦ, ᐊᖑᑎᐅᔭᐃᑦ, ᓇᓕᐊᓐᓄᕋᖅᑐᑦ, ᐊᕐᓇᐅᖔᕈᒪᔪᑦ ᐊᖑᑎᐅᖔᕈᒪᔪᑦ, ᐊᔾᔨᒋᔭᐅᓐᖏᑦᑐᑦ, ᑕᒪᒃᑮᑦᓯᔪᑦ ᐊᕐᓇᐅᓂᕐᒧᑦ ᐊᖑᑎᐅᓂᕐᒧᓪᓘᖓᔾᔪᑎᓖᑦ ᑎᒥᖏᑦ, ᐊᓯᖏᓪᓗ ᐃᓄᖏᓐᓄᑦ ᑕᒪᒃᑯᐊ ᐱᕕᖃᖁᓪᓗᒋᑦ ᒪᑯᓄᖓ ᐊᕝᕕᐊᕈᑎᖃᓗᐊᓐᖏᑦᑐᓄᑦ ᓴᐳᔾᔭᐅᓯᒪᒍᑎᓄᑦ ᐱᔨᑦᓯᕋᐅᑎᓄᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᓴᐳᔾᔭᐅᓯᒪᒍᑎᓄᑦ ᑕᒪᒃᑯᐊ ᑲᒪᒐᓱᐊᖅᑎᓪᓗᒋᑦ ᑕᒪᒃᑯᓂᖓ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂᒃ.

ᓇᐅᒃᑰᕆᐊᖃᕐᓂᐅᑉ ᐊᐃᑉᐹ: ᐸᓖᓯᒃᑯᑦ ᐊᓯᔾᔨᖅᑕᐅᒋᐊᕐᓂᖏᑦ

ᐊᓪᓚᐃᑦ ᖃᐅᔨᒃᑲᐃᓯᒪᕗᑦ ᑕᒪᒃᑯᐊ ᑲᒪᒋᔭᐅᓗᐊᖃᑦᑕᕆᐊᖏᑦ ᐸᓖᓯᓄᑦ ᐃᓗᐊᓂ ᓄᓇᓕᐸᐅᔭᐃᑦ ᓄᓇᖁᑎᖏᓐᓂ, ᐱᔨᑦᓯᕋᖅᑕᐅᓐᖏᓗᐊᖅᓱᑎᒃ ᐅᕝᕙᓘᓐᓃᑦ ᐱᑎᑕᐅᕙᑦᓱᑎᒃ ᓈᒻᒪᓐᖏᓗᐊᖅᑐᓂᒃ ᐱᔨᑦᓯᕋᐅᑎᓂᒃ ᑕᒪᒃᑯᓄᖓ ᐸᓖᓯᒃᑯᓐᓄᑦ ᐃᓗᐊᓂ ᐃᓚᖏᑦ ᓄᓇᓖᑦ, ᐱᓗᐊᓐᖑᐊᖅᑐᒥ ᐃᓗᐊᓂ ᐊᓪᓚᐃᑦ ᓄᓇᖁᑎᖏᓐᓂ ᐊᒻᒪᓗ ᐅᖓᓯᑦᑐᒦᑦᑐᓂ ᓄᓇᓕᓐᓂ, ᐊᒻᒪᓗ ᑕᒪᒃᑯᐊ ᐊᓪᓚᐃᑦ ᐸᓖᓰᒃᑯᑦ ᐱᔨᑦᓯᕋᐅᑎᖏᑦ ᑮᓇᐅᔭᖃᖅᑎᑕᐅᓐᖏᓗᐊᖅᓱᑎᒃ.

ᐱᕈᖅᑎᑦᓯᓂᖅ ᓱᓕᔪᕆᖃᑦᑕᐅᑎᓂᕐᒥᒃ ᐊᒻᒪᓗ ᓴᖅᑭᑎᑦᓯᓂᕐᒥᒃ ᑲᒪᖃᑎᒌᓐᓂᐅᔪᓂᒃ ᑖᒃᑯᐊᓗ ᐸᓖᓯᒃᑯᓐᓄᑦ ᐱᔨᑦᓯᕋᖅᑎᑦ ᐊᒻᒪᓗ ᐊᓪᓚᐃᑦ ᓄᓇᓕᖏᓪᓗ ᑕᐃᒫᒃ ᐱᓪᓚᕆᒋᐊᖃᖅᑯᖅ ᐱᐅᓯᕙᓪᓕᖅᑐᓂᒃ ᓴᖅᑭᖅᑐᖃᖁᓪᓗᒍ ᐊᒻᒪᓗ ᐊᑐᖅᑎᑦᓯᓕᕐᓗᑕ ᐱᑦᓯᐊᖃᑎᒌᓐᓂᖅᓴᐅᔪᓂᒃ ᐊᒻᒪᓗ ᐊᔾᔨᒌᑎᑦᓯᓂᖅᓴᓂᒃ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᓯᒪᔪᓂᒃ. ᑕᒪᓐᓇ ᐱᓗᐊᓐᖑᐊᖅᑐᒥᒃ ᐱᒻᒪᕆᐅᓂᖃᖅᑯᖅ ᑕᒪᒃᑯᓄᖓᖓᔪᓄᑦ ᐅᑎᓐᖏᑦᑐᒥᓂᕐᓄᑦ ᑐᖁᑕᒥᓂᕐᓄᑦ ᓄᓇᖃᖅᑳᖅᓯᒪᔪᑦ ᐊᕐᓇᖏᑦ ᓂᕕᐊᖅᓯᐊᖏᑦ ᒪᕐᕉᓐᓂᒃ ᑕᕐᓂᓖᑦ ᐊᓯᖏᓪᓗ ᐊᒻᒪᓗ ᖃᓄᖅ ᐸᓖᓯᒃᑯᓐᓄᑦ ᐱᔨᑦᓯᕋᐅᑏᑦ ᑭᐅᓂᕆᖃᑦᑕᖅᑕᖏᑦ ᑕᒪᒃᑯᓄᖓ ᕿᒪᑦᑕᐅᔪᓄᑦ ᐊᒻᒪᓗ ᐃᓚᒌᓄᑦ, ᐊᒻᒪᓗ ᑕᒪᒃᑯᓄᖓ ᖃᓄᖅ ᑕᐃᒃᑯᐊ ᖃᐅᔨᒐᓱᐊᓲᖑᒻᒪᖔᑕ ᐅᑎᓐᖏᓯᒪᔪᓂᒃ ᐊᒻᒪᓗ ᑐᖁᑕᒥᓂᕐᓂᒃ ᐊᓪᓚᐃᑦ ᐊᕐᓇᖏᓐᓂᒃ, ᓂᕕᐊᕐᓯᐊᖏᓐᓂᒃ, ᐊᒻᒪᓗ ᒪᕐᕉᓐᓂᒃ, ᑕᕐᓂᓖᑦ, ᐊᕐᓇᐅᔭᐃᑦ, ᐊᖑᑎᐅᔭᐃᑦ, ᓇᓕᐊᓐᓄᕋᖅᑐᑦ, ᐊᕐᓇᐅᖔᕈᒪᔪᑦ ᐊᖑᑎᐅᖔᕈᒪᔪᑦ, ᐊᔾᔨᒋᔭᐅᓐᖏᑦᑐᑦ, ᑕᒪᒃᑮᑦᓯᔪᑦ ᐊᕐᓇᐅᓂᕐᒧᑦ ᐊᖑᑎᐅᓂᕐᒧᓪᓘᖓᔾᔪᑎᓖᑦ ᑎᒥᖏᑦ, ᐊᓯᖏᓪᓗ ᐃᓄᐃᑦ. ᐱᓗᐊᓐᖑᐊᖅᑐᒥᒃ, ᐱᕈᖅᓴᐃᓂᖅ ᓱᓕᔪᕆᖃᑦᑕᐅᑎᓂᕐᒥᒃ ᐊᒻᒪᓗ ᓴᖅᑭᑎᑦᓯᓂᕐᒥᒃ ᑲᒪᖃᑎᒌᓐᓂᕐᒥᒃ ᑕᒪᒃᑯᓂᖓ ᒪᕐᕉᓐᓂᒃ, ᑕᕐᓂᓖᑦ, ᐊᕐᓇᐅᔭᐃᑦ, ᐊᖑᑎᐅᔭᐃᑦ, ᓇᓕᐊᓐᓄᕋᖅᑐᑦ, ᐊᕐᓇᐅᖔᕈᒪᔪᑦ ᐊᖑᑎᐅᖔᕈᒪᔪᑦ, ᐊᔾᔨᒋᔭᐅᓐᖏᑦᑐᑦ, ᑕᒪᒃᑮᑦᓯᔪᑦ ᐊᕐᓇᐅᓂᕐᒧᑦ ᐊᖑᑎᐅᓂᕐᒧᓪᓘᖓᔾᔪᑎᓖᑦ ᑎᒥᖏᑦ, ᐊᓯᖏᓪ ᓄᓇᓕᓐᓂ ᑕᒪᓐᓇ ᐱᑕᖃᓪᓚᕆᒋᐊᖃᖅᑯᖅ ᐱᐅᓯᕙᓪᓕᖅᑐᒥᒃ ᓴᖅᑭᖅᑐᖃᖁᓪᓗᒍ ᐊᒻᒪᓗ ᐊᑐᓕᖅᑎᑦᓯᓂᕐᒥᒃ ᐱᑦᓯᐊᖃᑎᒌᓐᓂᖅᓴᓂᒃ ᐊᒻᒪᓗ ᐊᔾᔨᒌᑎᑦᓯᓂᖅᓴᓂᒃ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᓯᒪᔪᓂᒃ.

  1. ᑲᒪᖃᑎᒋᓗᒋᑦ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᐱᒐᓱᐊᕐᓗᑕ ᓴᐳᔾᔭᐅᓂᖏᓐᓂᒃ ᐱᕕᖃᖅᑎᑦᓯᒍᑏᑦ ᑕᒪᒃᑯᓂᖓ ᐃᓕᖅᑯᓯᕆᔭᐅᔪᓅᖓᔪᓂᒃ ᑭᐅᒍᑎᖏᑕ ᐸᓖᓯᓕᕆᔾᔪᑎᓅᖓᔪᑦ, ᖃᐅᔨᒪᔭᐅᒋᐊᕐᓗᓂ ᐱᕈᖅᓴᐃᓂᒃᑯᑦ ᐱᓯᐊᖃᑎᒌᓐᓂᕐᒥᒃ ᐃᖅᑲᓇᐃᔭᖃᑎᒌᑎᓪᓗᒋᑦ ᑖᒃᑯᐊ ᐸᓖᓯᒃᑯᑦ ᐱᔨᑦᓯᕋᖅᑎᖏᑦ ᐊᒻᒪᓗ ᐊᓪᓚᐃᑦ ᐊᑐᕐᓗᑎᒃ ᐱᒋᐊᒃᑲᓂᖅᑎᑕᐅᓂᖏᑦ ᐃᓕᖅᑯᓯᓕᕆᓂᕐᒧᑦ ᖃᐅᔨᒪᔭᑐᖃᐅᔪᑦ ᐊᒻᒪᓗ ᑐᑭᓯᒪᓂᕐᒥᒃ ᓯᐊᕈᐊᓗᓂᒃ ᖃᓄᐃᖃᑦᑕᖅᓯᒪᔪᓂᒃ ᑕᒪᒃᑯᐊ ᐊᓪᓚᐃᑦ ᐱᔨᑦᓯᕋᖅᑕᐅᔪᑦ.
  2. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᐱᒐᓱᐊᕐᓗᑕ ᐱᕈᖅᑎᑦᓯᒐᓱᐊᕐᓂᕐᒥᒃ ᐊᑐᖅᑕᐅᒋᐊᓕᓐᓂᒃ ᑲᒪᒍᓯᐅᒋᐊᖃᖅᑐᓂᒃ, ᐱᖁᔭᓂᒃ ᐊᒻᒪᓗ ᑲᒪᒍᓯᖏᓐᓂᒃ ᑕᒪᒃᑯᐊ ᐸᓖᓯᒃᑯᓐᓄᑦ ᐱᔨᑦᓯᕋᖅᑏᑦ, ᑕᐃᒫᒃ ᓴᖅᑭᑎᑦᒐᓱᐊᕐᓗᑕ ᒪᑐᒥᖓ ᐃᑉᐱᒋᔭᐅᒋᐊᕆᐊᖃᕐᓂᖏᓐᓂᒃ ᑕᒪᒃᑯᐊ ᑲᒪᒋᔭᐅᖃᑦᑕᖅᑐᑦ ᑐᓴᖅᑎᑦᓯᒍᑎᐅᔪᑦ ᑕᒪᒃᑯᓄᖓ ᐊᓪᓚᐃᑦ ᐃᓄᖏᓐᓄᑦ, ᐱᓗᐊᓐᖑᐊᖅᑐᒥ ᑕᒪᒃᑯᐊ ᑲᒪᒋᔭᐅᖃᑦᑕᖅᑐᑦ ᐅᑎᓐᖏᑦᑐᒥᓃᑦ ᑐᖁᑕᒥᓃᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓂᕕᐊᖅᓯᐊᑦ ᒪᕐᕉᓐᓂᒃ ᑕᕐᓂᓖᑦ ᐊᓯᖏᓪᓗ, ᑕᒪᒃᑯᐊ ᓇᐅᒃᑯᓕᒫᖑᒐᓱᐊᖅᑐᖅ ᖃᐅᔨᒐᓱᐊᖅᑕᐅᖃᑦᑕᖁᓪᓗᒋᑦ.
  3. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᖃᐅᔨᒐᓱᐊᕐᓗᑕ ᓂᕈᐊᕋᑦᓴᐅᒍᓐᓇᖅᑐᓂᒃ ᓴᖅᑭᑎᑦᓯᓗᑕ ᐃᓄᖏᓐᓃᖔᖅᑐᓂᒃ ᐊᓪᓚᐃᑦ ᖃᓄᐃᓄᓕᖓᒋᐊᒃᑲᓐᓂᕆᐊᖃᕐᓂᕐᒧᑦ ᐅᖃᐅᔾᔨᒋᐊᕆᔨᓂᒃ ᑲᑎᒪᔨᕋᓛᓂᒃ ᑕᒪᒃᑯᓄᖓ ᐸᓖᓯᒃᑯᓐᓄᑦ ᐱᔨᑦᓯᕋᖅᑎᓄᑦ ᐅᕝᕙᓘᓐᓃᑦ ᐸᓖᓯᒃᑯᑦ ᐃᖅᑲᓇᐃᔭᕐᕕᖏᓐᓄᑦ ᑕᐃᒫᒃ ᐅᖃᐅᔾᔭᐅᒋᐊᕈᓐᓇᕐᓗᑎᒃ ᐸᓖᓯᖃᕐᕖᑦ ᐱᔨᑦᓯᕋᖅᑐᑦ ᐊᓪᓚᐃᑦ ᐃᓄᖏᓐᓂᒃ.

ᓇᐅᒃᑰᕆᐊᖃᕐᓂᐅᑉ ᐱᖓᔪᐊᑦ: ᑎᒍᔭᐅᒪᕕᓕᕆᓂᖅ ᐊᒻᒪᓗ ᖃᓄᐃᓕᖓᒋᐊᖃᖅᑎᑕᐅᔪᑦ ᐊᓂᑎᑕᐅᓯᒪᓗᓂ

ᐃᖅᑲᖅᑐᐃᕕᓕᕆᓂᖅ ᐊᒻᒪᓗ ᖃᓄᐃᓕᖓᒋᐊᖃᖅᑎᑕᐅᔪᑦ ᐊᓂᑎᑕᐅᓯᒪᔪᑦ ᑕᒪᒃᑯᐊ ᑕᐅᓇᓂᒋᐊᒃᑲᓐᓂᖅ ᑲᒪᒋᔭᐅᓲᖑᕗᑦ ᐱᕋᔭᑦᑐᒥᓂᕐᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᑲᒪᒐᓱᐊᕈᓯᖏᓐᓂ ᓇᐅᒃᑯᑦ ᐃᒫᒃ ᐊᓪᓚᐃᑦ ᐃᓄᖏᑦ ᑕᒪᒃᑯᐊ ᐃᓱᐊᓂ ᑎᒍᔭᐅᔪᑦ, ᐱᔾᔪᑎᐅᓪᓗᑎᒃ ᐊᒥᓱᐊᓗᐃᑦ ᑕᒪᒃᑯᐊ ᐃᓅᓯᕐᒨᖓᔪᑦ−ᑮᓇᐅᔭᓕᐅᕋᓱᐊᕐᓂᕐᒧᑦ ᐱᔾᔪᑎᒋᔭᐅᔪᑦ, ᐋᖅᑭᓱᖅᑕᐅᓯᒪᔪᓅᖓᔪᑦ ᐊᔾᔨᒌᓐᖏᑎᑦᓯᔪᑦ, ᐱᓂᕐᓗᑦᑕᐅᓂᑯᒧᑦ, ᐊᒻᒪᓗ ᐱᑕᖃᓐᖏᓗᐊᕐᓂᑯᖏᓐᓄᑦ ᓴᐳᔾᔭᐅᒍᑎᑦᓴᐃᑦ ᐱᔨᑦᓯᕋᐅᑏᑦ, ᑕᒪᒃᑯᐊ ᐱᑕᖃᓗᐊᓕᕐᓂᖏᓐᓄᑦ ᐊᒻᒪᓗ ᐱᒋᐊᖃᓕᖅᑐᑦ ᐊᑐᓪᓚᕆᑦᑐᓂᒃ ᓴᐳᔾᔭᐅᒍᑎᑦᓴᓂᒃ.

  1. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᑕᐃᒫᒃ ᐱᕙᓪᓕᐊᑎᑦᓯᓗᑕ ᑲᒪᒐᓱᐊᕈᑎᑦᓴᓂᒃ ᑕᒪᒃᑯᓂᖓ ᓴᐳᔾᔭᐅᓂᖏᓐᓄᑦ ᐃᓕᖅᑯᓯᕆᔭᐅᔪᑦ ᑐᑭᓯᒪᑦᓯᐊᖅᑐᓂᒃ ᐊᕙᓗᑦᓯᓯᒪᔪᓂᒃ ᓴᐳᔾᔨᓯᒪᒍᑎᓂᒃ ᑕᒪᒃᑯᓂᖓ ᐊᓪᓚᐃᑦ ᐃᓄᖏᓐᓂᒃ ᓇᐅᒃᑯᑐᐃᓐᓇᖅ ᑲᒪᒋᔭᐅᑎᓪᓗᒋᑦ ᑕᒪᒃᓄᖓ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓄᑦ. ᑕᒪᒃᑯᓂᖓ ᐃᓚᖃᕈᓐᓇᖅᑯᖅ ᓴᐳᔾᔨᓯᒪᒍᑎᓂᒃ ᑕᐃᑲᓐᖓᑦ ᐱᒋᐊᕐᕕᒋᔭᐅᓗᓂ ᐸᓖᓯᒃᑯᓐᓄᑦ ᑲᒪᒋᔭᐅᓯᓂᖏᓐᓂᒃ ᑎᑭᓪᓗᒍ ᑎᒍᔭᐅᓂᕆᔭᖏᓐᓄᑦ ᐊᒻᒪᓗ ᐊᓂᑎᑕᐅᑲᐃᓐᓇᕋᓱᐊᕐᓂᕐᒧᑦ ᑲᒪᒐᓱᐊᕈᑎᓄᑦ, ᐃᖅᑲᑐᖅᑕᐅᑎᓪᓗᒋᑦ, ᑎᒍᔭᐅᑎᓪᓗᒋᑦ, ᖃᓄᐃᓕᖓᒋᐊᖃᖅᑎᑕᐅᑎᓪᓗᒋᑦ ᐊᓂᑎᑕᐅᓯᒪᓗᓂ ᑲᒪᒐᓱᐊᕈᓯᕐᓄᑦ ᐊᒻᒪᓗ ᑭᖑᓂᐊᒍᑦ−ᐊᓂᑎᑕᐅᔪᖃᓚᐅᖅᑎᓪᓗᒍ, ᐊᒻᒪᓗᑦᑕᐅᖅ ᓴᐳᔾᔭᐅᒍᑎᓂᒃ ᑕᒪᒃᑯᓄᖓ ᐱᕋᔭᑦᑕᒥᓂᕐᓄᑦ ᐊᒻᒪᓗ ᐱᕋᔭᑦᑐᒥᓂᐅᑉ ᐃᓚᖏᓐᓄᑦ.
  2. ᖃᐅᔨᒐᓱᐊᕐᓗᑕ ᑕᒪᒃᑯᐊ ᐱᕙᓪᓕᐊᑎᑕᐅᓂᖏᓐᓂᒃ ᐊᑯᓂ−ᐊᑐᖅᑎᑕᐅᓚᖓᔪᑦ ᐊᒻᒪᓗ ᐊᔾᔨᒌᑎᑦᓯᔪᓂᒃ ᑭᓇᐅᔭᓂᒃ ᐱᕕᑦᓴᐅᓲᓂᒃ ᐱᑕᖃᕇᖅᑐᓄᑦ ᐊᒻᒪᓗ ᓯᕗᓂᑦᓴᑎᓐᓂ ᓄᓇᓕᓐᓄᑦ−ᓯᕗᓕᖅᑕᓂᒃ ᐊᕕᑦᑐᖅᓯᒪᔪᓂ 81 ᒪᒥᓴᕐᓂᕐᒧᑦ ᑐᔪᕐᒥᕕᓐᓂᒃ.
  3. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᖃᐅᔨᒐᓱᐊᕐᓗᑕ ᑕᒪᒃᑯᐊ ᐃᖏᕐᕋᑎᑕᐅᓂᖏᑦ ᓄᓇᓕᓐᓄᑦ−ᐊᐅᓚᑕᐅᔪᓄᑦ ᑎᒍᔭᐅᒪᔪᓄᑦ ᐱᔨᑦᓯᕋᐅᑏᑦ, ᐃᓚᒋᔭᐅᓪᓗᑎᒃ ᑕᒪᒃᑯᐊ ᐃᖏᕐᕋᑎᑕᐅᔪᑦ ᐊᓪᓚᐃᑦ ᒐᕙᒪᖏᓐᓄᑦ ᐅᕝᕙᓘᓐᓃᑦ ᑭᒡᒐᑐᖅᑎᖏᓐᓄᑦ ᑎᒥᖁᑎᐅᔪᓄᑦ.
  4. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᓇᓗᓇᐃᔭᐃᔪᖃᖁᓪᓗᒍ ᐃᓕᖅᑯᓯᓕᕆᓂᕐᒧᑦ ᐊᑦᑕᓇᓐᖏᑦᑐᓂᒃ ᐊᒻᒪᓗ ᓈᒻᒪᓯᐊᖅᑐᓂᒃ ᑲᒪᒐᓱᐊᕈᓯᕐᓂᒃ ᑕᒪᒃᑯᓂᖓ ᑎᒍᔭᐅᒪᕕᓐᓂᒃ ᑲᒪᕕᒻᒪᕇᑦ ᐱᖁᔭᖏᓐᓂᒃ, ᐃᓚᒋᔭᐅᓪᓗᓂ ᑕᒪᓐᓇ ᐱᕋᔭᑕᐅᑦᑕᐃᓕᑎᑦᓯᓂᕐᒧᑦ ᖃᓄᐃᑦᑑᒻᒪᖔᑕ ᑲᒪᒐᓱᐊᕈᓯᕐᓂᒃ, ᐱᑕᐃᕈᑎᑎᑕᐅᓗᑎᒃ ᐊᕝᕕᐊᕈᑎᐅᕙᑦᑐᑦ ᐊᒻᒪᓗ ᓵᓐᖓᔭᐅᓗᓂ ᐋᖅᑭᓱᖅᑕᐅᓯᒪᔪᓄᑦ ᐱᓂᕐᓗᒍᑎᐅᕙᑦᑐᑦ. ᐃᒫᒃ ᓯᕗᓪᓕᖅᐹᖑᓪᓗᓂ ᑲᒪᒋᐊᕐᓂᐅᔪᓄᑦ, ᑕᒪᓐᓇ ᐃᓚᒍᑦᓯᐅᔾᔨᒍᓐᓇᖅᑯᖅ ᕿᒥᕐᕈᔭᐅᓂᖏᓐᓂᒃ ᐊᒻᒪᓗ ᑐᓴᖅᑎᑦᓯᒍᑎᐅᓗᓂ ᒥᑦᓵᓄᑦ ᐱᑕᖃᕇᖅᑐᑦ ᐊᖅᑭᓱᖅᑕᐅᓯᒪᔪᑦ.
  5. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᐱᕙᓪᓕᐊᑎᑦᓯᓗᑕ ᑲᒪᒐᓱᐊᕈᓯᕐᒥᒃ ᑎᒍᔭᐅᒪᒍᓐᓃᑎᑦᓯᒐᓱᐊᕈᑎᓂᒃ ᐃᓗᐊᓂ ᑕᒪᑦᓱᒪ ᐃᖅᑲᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ. ᑕᒪᓐᓇ ᐃᓚᖃᕈᓐᓇᖅᑯᖅ ᐱᕙᓪᓕᐊᑎᑦᓯᓂᕐᒥᒃ ᐊᓪᓚᐃᑦ ᑎᒍᔭᐅᒪᒍᓐᓃᑎᑦᓯᒐᓱᐊᕈᑎᑦᓴᖏᓐᓄᑦ ᐋᖅᑭᑦᓱᐃᓂᕐᒥᒃ ᐋᖅᑭᓱᖅᑕᐅᓯᒪᔪᓂᒃ.
  6. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᓴᐳᔾᔭᐅᖁᓪᓗᒋᑦ ᐊᓪᓚᐃᑦ ᐃᓄᖏᑦ ᑕᒪᒃᑯᐊ ᐊᓂᕕᖃᕈᒪᔪᑦ ᐱᕋᔭᐅᖃᑎᒌᑦᑐᓄᑦ ᐃᓅᓯᖃᕐᓂᕐᒥᒃ.
  7. ᑲᒪᖃᑎᒋᓗᒋᑦ ᑕᒪᒃᑯᐊ ᐊᓪᓚᐃᑦ, ᐊᒻᒪᓗ ᐳᕌᕙᓐᓰᑦ ᐊᒻᒪᓗ ᐊᕕᑦᑐᖅᓯᒪᔪᑦ, ᑲᒪᔪᖃᖁᓪᓗᒍ ᕿᒥᕐᕈᓂᕐᒥᒃ ᐊᒻᒪᓗ ᐱᕙᓪᓕᐊᑎᑦᓯᓗᑎᒃ ᓄᓇᑦᑎᓐᓂ ᐊᑐᕋᑦᓴᐅᒍᓐᓇᖅᑐᓂᒃ ᒥᑦᓵᓄᑦ ᑕᒪᒃᑯᐊ ᓴᓇᔭᐅᖃᑦᑕᕐᓂᖏᑦ ᒐᓚᑑ ᐃᑲᔪᖅᑎᒃᑯᑦ ᑐᓴᖅᑎᑦᓯᒍᑎᖏᓐᓂᒃ.

ᓇᐅᒃᑰᕆᐊᖃᕐᓂᐅᑉ ᓯᑕᒪᖓᑦ: ᒪᓕᒐᕆᔭᐅᔪᓂᒃ ᐊᓯᔾᔩᕆᐊᕆᓂᖅ

ᒪᓕᒐᕆᔭᐅᔪᓂᒃ ᐊᓯᔾᔩᕆᐊᕆᓂᖅ ᑕᒪᓐᓇ ᐃᓚᒋᔭᐅᕗᖅ ᐱᒻᒪᕆᐅᔪᓄᑦ ᓇᐅᒃᑰᕆᐊᖃᕐᓂᕐᒧᑦ ᑕᒪᒃᑯᐊ ᐋᖅᑭᒋᐊᖅᑕᐅᓂᖏᓐᓄᑦ ᐱᑕᖃᕇᖅᑐᑦ ᐱᕋᔭᑦᑐᒥᓂᕐᓄᑦ ᐃᖅᑲᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᑦ. ᐊᓪᓚᐃᑦ ᓯᕗᓕᖅᑎᖏᑦ ᐊᒻᒪᓗ ᑎᒥᖁᑎᖏᑦ ᖃᐅᔨᒃᑲᐃᓯᒪᕗᑦ ᑖᒃᑯᐊ ᑲᔪᓯᑎᑦᓯᒍᒪᓂᕐᒥᓐᓂᒃ ᐃᖅᑲᓇᐃᔭᖃᑎᖃᕐᓂᕐᒥᒃ ᐃᓘᓐᓇᖏᓐᓂᒃ ᖃᓄᐃᑦᑐᑐᐃᓐᓇᕐᓂᒃ ᒐᕙᒪᓂᒃ ᒥᑦᓵᓄᑦ ᒪᓕᒐᓕᐅᕐᓂᕐᒧᑦ ᓂᕈᐊᕋᑦᓴᓂᒃ, ᐃᓚᒋᔭᐅᓪᓗᑎᒃ ᓴᖅᑭᑎᑦᓯᓂᖅ ᓄᑖᓂᒃ ᒪᓕᒐᑦᓴᓂᒃ, ᓵᓐᖓᔭᐅᓂᖏᑦ ᐱᑕᖃᕇᖅᑐᑦ ᒪᓕᒐᓕᐊᖑᓯᒪᔪᓄᑦ ᐊᕝᕕᐊᕈᑎᐅᕙᑦᑐᑦ ᐅᕝᕙᓘᓐᓃᑦ ᐱᑕᖃᕆᐊᖃᖅᑐᓂᒃ, ᐊᒻᒪᓗ ᐊᓯᔾᔨᕆᐊᖅᑕᐅᓂᖏᑦ ᑕᒪᒃᑯᐊ ᐱᑕᖃᕇᖅᑐᑦ ᒪᓕᒐᓕᐊᖑᓯᒪᔪᑦ.

ᒪᑯᑎᒎᓇ ᑕᒪᒃᑯᐊ ᐊᑦᑐᖅᑕᐅᒍᑎᐅᕙᑦᑐᑦ ᓄᓇᒋᓐᖏᑕᒥᓐᓂᒃ ᓄᓇᑖᑦᓯᒪᔪᓃᓐᖔᖅᑐᑦ ᐊᓪᓚᐃᑦ ᓵᓐᖓᑦᓯᖃᑦᑕᖅᓯᒪᕗᑦ ᐊᑦᓱᐊᓗᒃ ᓱᕋᑦᑎᕆᔪᓂᒃ ᐃᓚᒋᔭᐅᓪᓗᑎᒃ ᐅᕕᓂᐅᖃᑎᒋᔭᐅᓐᖏᓐᓂᑯᒧᑦ ᐱᓂᕐᓗᑦᑕᐅᓂᒃᑯᑦ ᐊᒻᒪᓗ ᐱᓂᕐᓗᑦᑕᐅᖃᑦᑕᖅᓱᑎᒃ, ᖃᓄᑐᐃᓐᓇᖅ ᐊᑦᑐᖅᑕᐅᒍᑎᐅᔪᑎᒍᑦ, ᐃᓕᖅᑯᓯᖏᓐᓄᑦ ᐊᒻᒪᓗ ᐅᖃᐅᓯᖏᓐᓄᑦ ᐊᑦᑐᖅᑕᐅᒍᑎᖃᖅᑐᑦ, ᐊᒻᒪᓗ ᐅᓗᕆᐊᖅᓵᖅᑕᐅᖃᑦᑕᖅᓱᑎᒃ ᑭᓇᒃᑯᑐᐃᓐᓇᐃᑦ ᐊᒻᒪᓗ ᑭᓇᒃᑯᓕᒫᑦ ᐱᒍᓐᓇᐅᑎᖏᑦ. ᐱᔾᔪᑎᐅᓪᓗᓂ ᑕᒪᒃᑯᐊ ᓄᓇᒋᓐᖏᑕᒥᓐᓂᒃ ᓄᓇᑖᖅᓯᒪᔪᑦ ᑐᓐᖓᕕᒋᔭᐅᔪᑦ ᑲᓇᑕᒥᐅᑦ ᒪᓕᒐᖏᓐᓄᑦ, ᐱᑕᖃᖅᑯᖅ ᐃᑎᔪᒥᒃ ᓱᓕᔪᖅᓴᖃᑦᑕᐅᑎᓐᖏᓂᕐᒥᒃ ᑕᒪᒃᑯᓂᖓ ᐅᓪᓗᒥᐅᔪᖅ ᒪᓕᒐᓕᐊᖑᓯᒪᔪᓄᑦ ᑕᒪᒃᑯᐊ ᐱᑦᓯᐊᖅᑕᖃᓚᖓᓐᖏᓚᑦ ᐱᒍᓐᓇᕐᓂᖏᓐᓂᒃ ᐊᓪᓚᐃᑦ, ᐃᓚᒋᔭᐅᓪᓗᓂ ᐃᓅᑉ ᐱᒍᓐᓇᕐᓂᖓᓂᒃ. ᒪᓕᒐᓕᐊᖑᓯᒪᔪᓂᒃ ᐊᓯᔾᔩᕆᐊᕆᓂᖅ ᑕᐃᒫᒃ ᐃᑉᐱᒋᔭᐅᒋᐊᕈᑎᐅᒍᓐᓇᖅᑯᖅ ᑕᒪᒃᑯᐊ ᒪᓕᒐᐃᑦ ᒪᓕᑦᓯᐊᕋᓗᐊᕐᒪᖔᑕ ᑖᒃᑯᓂᖓ ᑲᑐᔾᔨᖃᑎᒌᕐᔪᐊᒃᑯᖏᓐᓂᒃ ᓯᓚᕐᔪᐊᕐᒥᐅᑦ ᓇᓗᓇᐃᖅᓯᒪᕆᓯᒪᓂᖏᓐᓂᒃ ᒥᑦᓵᓄᑦ ᐱᒍᓐᓇᕐᓂᖏᓐᓂᒃ ᓄᓇᖃᖅᑳᖅᓯᒪᔪᑦ ᐃᓄᖏᑕ.

  1. ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ ᒥᑦᓵᓄᑦ ᒪᓕᒐᓕᐊᖑᓯᒪᔪᓂᒃ ᓂᕈᐊᕋᑦᓴᐅᔪᓂᒃ ᓴᖅᑭᖅᑎᑦᓯᔪᖃᖁᓪᓗᒍ, ᕿᒥᕐᕈᔭᐅᓗᑎᒃ ᐅᕝᕙᓘᓐᓃᑦ ᐊᓯᔾᔨᕆᐊᖅᑕᐅᓗᑎᒃ ᒪᓕᒐᓕᐊᖑᓯᒪᔪᑦ ᑕᐃᒫᒃ ᓵᓐᖓᔭᐅᖁᓪᓗᒋᑦ ᐋᖅᑭᓱᖅᑕᐅᓯᒪᔪᑦ ᐱᓂᕐᓗᒍᑎᐅᕙᑦᑐᑦ ᑐᕌᖓᔪᑦ, ᐊᒻᒪᓗ ᐱᑕᖃᓗᐊᓕᕐᓂᖏᓐᓂᒃ ᑕᒪᒃᑯᓂᖓ ᐊᓪᓚᓂᒃ ᐃᓗᐊᓂ ᑲᓇᑕᒥᐅᑦ ᒪᓕᒐᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ.
  2. ᐅᖃᖃᑎᒋᓗᒋᑦ ᐊᒻᒪᓗ ᑲᒪᖃᑎᒋᑦᓯᐊᕐᓗᒋᓪᓗ ᑕᒪᒃᑯᐊ ᐊᓪᓚᐃᑦ ᒥᑦᓵᓄᑦ ᒪᓕᒐᓕᐊᖑᓯᒪᔪᓂᒃ ᓂᕈᐊᕋᑦᓴᐅᔪᓂᒃ ᑕᐃᒫᒃ ᐃᓕᓴᖅᓯᔪᖃᖁᓪᓗᒍ ᐊᒻᒪᓗ ᐱᒍᓐᓇᖅᑎᑕᐅᓗᑎᒃ ᐊᓪᓚᐃᑦ ᑲᒪᒍᓐᓇᕐᓂᖏᑦ ᑲᒪᒋᒍᓐᓇᖅᑕᖏᓐᓂᒃ ᐊᑦᑐᐊᔪᓂᒃ ᐊᐅᓚᑦᓯᓂᕐᒧᑦ ᐃᖅᑲᖅᑐᐃᕕᓕᕆᔾᔪᑎᓂᒃ, ᐃᓚᒋᔭᐅᓪᓗᑎᒃ ᒪᓕᑦᐅᑎᑦᓯᒐᓱᐊᕈᑏᑦ, ᐃᖅᑲᖅᑐᐃᕕᒃᑰᑎᑦᓯᓂᖅ ᐊᒻᒪᓗ ᐋᖅᑭᓱᖅᑕᐅᑎᑦᓯᓂᖅ ᐃᖅᑲᖅᑐᐃᕕᒃᑯᑦ ᑕᒪᒃᑯᓂᖓ ᐊᓪᓚᐃᑦ ᒪᓕᒐᖏᓐᓂᒃ.

ᖃᐅᔨᔭᐅᔪᑦ

ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐊᒻᒪᓗ ᑖᒃᑯᐊ ᐊᓪᓚᓄᑦ ᑐᕌᖓᔪᑦ ᐱᒐᓱᐊᖅᑯᑦ ᓵᓐᖓᑦᓯᓂᕐᒥᒃ ᐱᑕᖃᓗᐊᓕᕐᓂᖏᓐᓂᒃ ᐊᒻᒪᓗ ᐋᖅᑭᓱᖅᑕᐅᓯᒪᔪᓄᑦ ᐱᓂᕐᓗᑦᑕᐅᖃᑦᑕᖅᑐᓂᒃ ᓵᓐᖓᔭᐅᕙᑦᑐᓂᒃ ᑕᒪᒃᑯᓄᖓ ᐊᓪᓚᐃᑦ ᐃᓄᖏᓐᓄᑦ ᐃᓗᐊᓂ ᑲᓇᑕᒥᐅᑦ ᐱᕋᔭᑦᑐᒥᓂᕐᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ ᐊᑐᕐᓗᑎᒃ ᐊᓯᔾᔩᒋᐊᕆᓂᕐᒥᒃ ᑕᒪᒃᑯᓂᖓ ᐱᑕᖃᕇᖅᑐᓂᒃ ᐋᖅᑭᓱᖅᑕᐅᓯᒪᔪᓂᒃ ᐊᒻᒪᓗ ᐱᒻᒪᕆᕈᖅᑎᑕᐅᒃᑲᓐᓂᖁᓪᓗᒋᑦ ᐊᓪᓚᐃᑦ ᒪᓕᒐᖏᑦ ᐊᒻᒪᓗ ᓯᐊᕈᐊᓗᓂᒃ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᓯᒪᔭᖏᓐᓂᒃ ᐃᒫᒃ ᐅᓪᓗᒥᐅᓕᖅᑐᒧᑦ ᖃᓄᐃᓕᖓᓕᕐᓂᑎᓐᓅᖓᓗᑎᒃ. ᑕᒪᓐᓇ ᐱᕙᓪᓕᐊᑎᑦᓯᓂᖅ ᑕᒪᒃᑯᓂᖓ ᐊᓪᓚᐃᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᐃᑎᒋᒐᓱᐊᖅᑕᖏᓐᓂᒃ ᑕᑯᑎᑦᓯᕗᑦ ᑖᒃᑯᓂᖓ ᑐᑭᒧᐊᑦᑎᑦᓯᒍᑎᓂᒃ ᐱᔭᐅᓯᒪᔪᓂᒃ ᐊᑐᖅᑕᐅᓪᓗᑎᒃ ᓄᓇᑦᑎᓐᓂ ᑲᒪᖃᑎᒌᓂᐅᔪᓂᒃ ᑕᒪᒃᑯᓂᖓ ᐊᓪᓚᐃᑦ ᐃᓄᖏᓐᓂᒃ ᓇᒥᑐᐃᓐᓇᖅ ᑲᓇᑕᒥ ᒥᑦᓵᓄᑦ ᖃᓄᖅ ᓈᒻᒪᑦᑐᓂᒃ ᓵᓐᖓᑦᓯᔪᖃᖁᓪᓗᒍ ᐊᔾᔨᒋᔭᐅᓐᖏᑦᑐᓂᒃ, ᐊᔾᔨᒋᔭᐅᓐᖏᓐᓂᑯᒧᑦ ᖃᓄᐃᓕᐅᕈᑎᐅᓕᖃᑦᑕᖅᑐᓄᑦ ᐊᑦᓱᕈᓐᓇᕈᑎᐅᕙᑦᑐᓂᒃ ᑕᒪᒃᑯᓄᖓ ᐊᓪᓚᐃᑦ ᐊᕐᓇᖏᓐᓄᑦ, ᓂᕕᐊᖅᓯᐊᖏᓐᓄᑦ, ᒪᕐᕉᓐᓂᒃ, ᑕᕐᓂᓖᑦ, ᐊᕐᓇᐅᔭᐃᑦ, ᐊᖑᑎᐅᔭᐃᑦ, ᓇᓕᐊᓐᓄᕋᖅᑐᑦ, ᐊᕐᓇᐅᖔᕈᒪᔪᑦ ᐊᖑᑎᐅᖔᕈᒪᔪᑦ, ᐊᔾᔨᒋᔭᐅᓐᖏᑦᑐᑦ, ᑕᒪᒃᑮᑦᓯᔪᑦ ᐊᕐᓇᐅᓂᕐᒧᑦ ᐊᖑᑎᐅᓂᕐᒧᓪᓘᖓᔾᔪᑎᓖᑦ ᑎᒥᖏᑦ, ᐊᓯᖏᓪᓗ ᐃᓄᐃᑦ, ᐊᖑᑏᑦ, ᐊᒻᒪᓗ ᓱᕈᓰᑦ ᐃᓗᐊᓃᑦᑐᑦ ᑕᒪᒃᑯᐊ ᐱᕋᔭᒃᑐᒥᓂᕐᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ. ᐅᓇᓗ ᐊᒻᒪᓗᑦᑕᐅᖅ ᓇᓗᓇᐃᖅᑕᐅᕗᖅ ᐃᒪᐃᓪᓚᕆᒋᐊᖓᓂᒃ ᑕᒪᓐᓇ ᐱᒻᒪᕆᐅᓂᖓᓂᒃ ᑕᒪᒃᓱᒪ ᐱᕕᖃᖅᑎᑕᐅᒍᓐᓇᕐᓂᐅᑉ ᐊᒻᒪᓗ ᐊᑐᐃᓐᓇᐅᑎᑕᐅᓂᖏᓐᓂᒃ ᑕᒪᒃᑯᐊ ᐊᓪᓚᐃᑦ ᐃᖅᑲᖅᑐᐃᕕᓕᕆᓂᕐᒧᑦ ᐱᔨᑦᓯᕋᐅᑎᖏᑦ ᑕᒪᒃᑯᓄᖓ ᐃᓘᓐᓇᖏᓐᓄᑦ ᐃᓄᖏᓐᓄᑦ, ᐃᓱᒪᒋᔭᐅᓐᖏᓪᓗᓂ ᓇᒥ ᑕᒪᒃᑯᐊ ᓄᓇᖃᕐᓂᕆᔭᖏᑦ ᐃᓗᐊᓂ ᑲᓇᑕᐅᑉ.

ᑖᓐᓇ ᓯᕗᓪᓕᖅᐹᖅ ᐊᖅᑯᑎᐅᒍᓐᓇᖅᑐᖅ ᓇᓗᓇᐃᖅᓯᔪᖅ ᑖᒃᑯᐊ ᐊᓪᓚᐃᑦ ᑲᑐᔾᔨᖃᑎᒌᖏᓄᑦ: ᐱᒻᒪᕆᕈᖅᑎᑕᐅᒃᑲᓐᓂᕐᓂᕆᔭᖏᑦ ᑕᒪᒃᑯᐊ ᐊᓪᓚᐃᑦ ᒪᓕᒐᖏᑦ ᐊᒻᒪᓗ ᒪᓕᒐᓕᕆᓂᕐᒧᑦ ᐊᖅᑭᓱᖅᓯᒪᔭᖏᓐᓂᒃ, ᑲᒪᔪᖃᕐᓗᓂ ᓇᐃᐱᑦᓯᓂᕐᒥᒃ ᐃᖅᑲᓇᐃᔭᖃᑎᒌᓐᓂᒃᑯᑦ ᐊᖅᑯᑎᐅᒍᓐᓇᖅᑐᒥᒃ ᓯᕗᒧᐊᒍᑎᑦᓴᓂᒃ ᐊᑐᕐᓗᑎᒃ ᑕᒪᒃᑯᓂᖓ ᓄᐊᑦᓯᓂᕐᒥᒃ ᖃᐅᔨᒪᔭᑐᖃᕐᓂᒃ ᑕᒪᒃᑯᓇᓐᖔᖅᑐᓂᒃ ᐃᓐᓇᑐᖃᕆᔭᓂᒃ, ᖃᐅᔨᒪᔭᑐᖃᕐᓂᒃ ᐸᐸᑦᓯᔨᓂᒃ ᐊᒻᒪᓗ, ᓇᐅᒃᑯᑦ ᓈᒻᒪᑦᓯᐊᑐᐊᕋᐃᑉᐸᑦ, ᐊᓪᓚᐃᑦ ᒪᓕᒐᓕᕆᓂᕐᒧᑦ ᖃᐅᔨᒪᔪᒻᒪᕆᖏᓐᓂᒃ, ᐊᒻᒪᓗ ᖃᐅᔨᒪᔭᐅᒃᑲᕐᓗᒋᑦ ᑐᑭᓯᑎᑦᓯᒍᑏᑦ ᑕᒪᒃᑯᓄᖓ ᐊᓪᓚᐅᖃᑎᒌᑦᑐᓄᑦ. ᐃᒫᒃ ᐱᒐᓱᐊᖅᑯᑦ ᐃᑉᐱᒋᔭᐅᑦᓯᐊᕋᐊᕐᓗᑎᒃ ᑕᒪᒃᑯᐊ ᐊᓪᓚᐃᑦ ᒪᓕᒐᓕᕆᓂᕐᒧᑦ ᐊᖅᑭᓱᖅᓯᒪᔭᖏᑦ ᐱᒍᓐᓇᕐᓂᖃᕐᓗᑎᒃ ᐊᑐᖅᑕᐅᑎᑦᓯᒍᓐᓇᑎᑦᓯᓯᐊᖅᑐᓂᒃ ᒪᓕᑦᑕᐅᑎᑦᓯᒍᓐᓇᓂᕐᒥᒃ, ᐃᖅᑲᖅᑐᐃᕕᒃᑰᑎᑦᓯᒍᓐᓇᓂᕐᒥᒃ ᐊᒻᒪᓗ ᐋᖅᑭᓱᖅᑕᐅᒍᓐᓇᓂᕐᒥᒃ ᐃᖅᑲᖅᑐᐃᕕᒃᑯᑦ ᐊᓪᓚᐃᑦ ᒪᓕᒐᖏᑦ. ᑖᓐᓇ ᐊᐃᑉᐹ ᐊᖅᑯᑎᐅᒍᓐᓇᖅᑐᖅ ᑖᒃᑯᓄᖓ ᐊᓪᓚᐃᑦ ᑐᕌᖓᔪᑦ: ᐊᓯᔾᔩᕆᐊᕆᓂᖅ ᑕᒪᒃᑯᓂᖓ ᐱᕋᔭᒃᑐᒥᓂᕐᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐊᖅᑭᓱᖅᑕᐅᓯᒪᔪᓂᒃ, ᑐᕌᒐᖃᖅᑯᖅ ᓇᓗᓇᐃᔭᖅᓯᒪᑦᓯᐊᖅᑐᓂᒃ ᕿᒥᕐᕈᓂᕐᒥᒃ ᐊᒻᒪᓗ ᐊᓯᔾᔩᕆᐊᕆᓂᕐᒥᒃ ᑖᒃᑯᓂᖓ ᑲᓇᑕᒥᐅᑦ ᐱᕋᔭᒃᑐᒥᓂᕐᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂᒃ ᑕᒪᒃᑯᓂᖓ ᐃᒪᐃᑦᑐᖃᖅᑐᓂᒃ, ᐊᒻᒪᓗ ᑲᔪᓯᓯᒪᐃᓐᓇᖅᑐᓂᒃ ᐃᒪᐃᑎᑦᓯᓪᓗᑎᒃ, ᑲᔪᓯᑎᑦᓯᓯᒪᐃᓐᓇᖅᑐᑦ ᐊᒥᓱᐊᓗᓐᓂᒃ ᐱᓂᕐᓗᑦᑕᐅᓇᖅᑐᓂᒃ ᑕᒪᒃᑯᓄᖓ ᐊᓪᓚᐃᑦ ᐃᓄᖏᓐᓂᒃ. ᑖᒃᑯᐊ ᓯᑕᒪᑦ ᓇᒧᓐᖓᕆᐊᖃᕐᓂᐅᔪᑦ ᐊᑐᖅᑕᐅᓗᑎᒃ ᑕᐃᒫᒃ ᑕᒪᒃᑯᐊ ᐅᓪᓗᒥᐅᔪᖅ ᐱᕋᔭᑦᑐᒥᓂᕐᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᑦ ᐱᒋᐊᖃᖅᑕᐅᔪᑦ ᕿᒥᕐᕈᔭᐅᓂᖏᓐᓂᒃ ᐃᓚᒋᔭᐅᓪᓗᑎᒃ: ᐃᖅᑲᖅᑐᐃᕕᓕᕆᓂᖅ ᐊᒻᒪᓗ ᖃᓄᐃᓐᖏᑦᓯᐊᕐᓂᖅ, ᐸᓖᓯᓕᕆᓂᕐᒨᖓᔪᑦ ᐊᓯᔾᔨᕆᐊᖅᑕᐅᓂᖏᑦ, ᑎᒍᔭᐅᒪᔪᓕᕆᓂᖅ ᐊᒻᒪᓗ ᖃᓄᐃᓕᖓᖃᑦᑕᕆᖃᕐᓂᖏᓐᓄᑦ ᐊᓂᑎᑕᐅᓯᒪᔪᑦ ᐊᓯᔾᔩᕆᐊᕆᓂᖅ, ᐊᒻᒪᓗ ᒪᓕᒐᓕᐊᖑᓯᒪᔪᑦ ᐊᓯᔾᔨᕆᐊᖅᑕᐅᓂᖏᑦ.

ᑲᔪᓯᑎᑕᐅᑦᓯᐊᕐᓗᑎᒃ ᐊᑐᓕᖅᑎᑕᐅᓂᖏᑦ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐊᒻᒪᓗ ᑖᒃᑯᐊ ᐊᓪᓚᐃᑦ ᑲᑐᔾᔨᖃᑎᒌᖏᑦ ᐱᒋᐊᖃᖅᑎᑦᓯᕗᑦ ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ ᐊᒻᒪᓗ ᐊᕕᑦᑐᖅᓯᒪᔪᑦ ᑲᒪᒋᔭᐅᒐᓱᐊᕐᓂᖏᓐᓂᒃ, ᐃᖅᑲᓇᐃᔭᖃᑎᒌᓐᓂᒃᑯᑦ ᖃᐅᔨᒪᖃᑦᑕᐅᑎᓂᖅ ᐊᒻᒪᓗ ᓇᓗᓇᐃᔭᕋᑦᓴᐅᔪᖃᕆᐊᖃᕐᓂᖅ, ᐊᒻᒪᓗᑦᑕᐅᖅ ᐊᑯᓂ−ᐊᑐᖅᑕᐅᓚᖓᔪᓂᒃ ᐊᒻᒪᓗ ᓂᕆᐅᓇᕈᓐᓇᖅᑐᓂᒃ ᑮᓇᐅᔭᑦᓴᓂᒃ. ᐱᔾᔪᑎᐅᓪᓗᓂ ᑕᒪᒃᑯᐊ ᕼᐊᓐᓇᓚᖏᓐᓃᑦᑐᑦ ᐊᔾᔨᒌᓐᖏᑦᑐᑦ ᐊᓪᓚᐃᑦ ᑲᓇᑕᒥ, ᐊᔾᔨᒌᓐᖏᓐᓂᖏᓐᓂᒃ−ᑐᓐᖓᕕᖃᖅᑐᓂᒃ ᑲᒪᒐᓱᐊᕈᓯᕐᓂᖅ ᑕᐃᒫᒃ ᐃᓕᓴᖅᓯᔪᒥᒃ ᓇᒻᒥᓂᖅ−ᐃᓱᒪᖅᓱᕈᓐᓇᖅᑐᓂᒃ ᐱᑕᖃᕆᐊᖃᓪᓚᕆᑉᐳᖅ ᑖᒃᑯᐊ ᑕᒪᒃᑭᒃ ᐱᑦᓯᐊᖅᑕᐅᓗᑎᒃ ᐊᒻᒪᓗ ᐊᑐᓕᖅᑎᑕᐅᓗᑎᓪᓗ ᑕᒪᒃᑯᐊ ᐊᔾᔨᒌᓐᖏᑦᑐᑦ ᐊᓪᓚᐃᑦ ᓯᐊᕈᐊᓗᓂᒃ, ᓯᐊᕈᓂᓴᐃᑦ ᖃᓄᐃᖃᑦᑕᕐᓂᒥᓃᑦ, ᖃᓄᐃᑦᑐᑐᐃᓐᓇᐃᑦ ᐃᖅᑲᖅᑐᐃᕕᓕᕆᓂᕐᒨᖓᔪᑦ, ᐃᓕᖅᑯᓯᕆᔭᐅᔪᑦ, ᓇᓗᓇᐃᔭᐃᒍᑏᑦ, ᐊᒻᒪᓗ ᖃᓄᑐᐃᓐᓇᕐᓗ ᖃᐅᔨᒪᓂᐅᔪᑦ. ᓇᓗᓇᐃᔭᐃᑦᓯᐊᕈᓐᓇᖅᑐᓂᒃ ᐊᒻᒪᓗ ᐃᖅᑲᓇᐃᔭᖃᑎᒌᓐᓂᖅ, ᑕᐃᒫᕐᓗ, ᐃᒪᐃᑎᑦᓯᔪᖅ ᓴᐳᔾᔨᔪᖅ ᓯᕗᒧᐊᑦᑎᑕᐅᓂᖏᓐᓂᒃ ᑕᒪᒃᑯᓂᖓ ᑐᕌᒐᖏᓐᓂᒃ ᑖᒃᑯᐊ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᑦ ᐊᒻᒪᓗ ᑖᒃᑯᐊ ᐊᓪᓚᐃᑦ ᑲᑐᔾᔨᖃᑎᒌᖏᑦ.

ᑕᐃᒫᒃ ᐱᓱᕝᕕᒋᓗᒋᑦ ᑖᒃᑯᐊ ᒪᕐᕉᒃ ᓯᐊᖃᑎᒌᓪᓗᓂ ᐊᖅᑯᑎᒃᑯᑦ, ᐱᒻᒪᕆᐅᕗᖅ ᓇᓗᓇᐃᖅᓯᓂᕐᒥᒃ ᐃᒪᐃᓪᓚᕆᒋᐊᖓᓂᒃ ᑕᒪᒃᑯᐊ ᓴᐱᓕᖅᓯᕇᓐᓂᖏᑦ ᐊᒻᒪᓗ ᐃᓱᒪᑐᔪᒻᒪᕆᐅᓂᒥᓂᖏᑦ ᑕᒪᒃᑯᐊ ᐊᓪᓚᐃᑦ ᓯᕗᓪᓕᒥᓂᖏᑦ ᑕᒪᒃᑯᐊ ᑲᔪᓯᑎᑦᓯᓯᒪᕗᑦ ᑐᑭᒧᐊᑦᑎᑦᓯᓪᓗᑎᒃ ᖃᓄᐃᓕᖓᒋᐊᖃᕐᓂᕐᒧᑦ ᓯᕗᒧᐊᑉᐸᓪᓕᐊᓗᑎᒃ ᐊᒻᒪᓗ ᐱᓱᓪᓗᑎᒃ ᓯᐊᖃᑎᖃᕐᓗᑎᒃ ᐊᓪᓚᓂᒃ.