ᒥᓂᔅᑕ ᒪᓕᒐᓕᕆᔨᑯᓐᓄᑦ ᑐᓴᖅᑎᑦᓯᕗᖅ ᐃᖅᑲᖅᑐᐃᔨᒃᑯᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᓐᓂ ᑎᒃᑯᐊᖅᑕᓂᒃ
This is the Inuktitut version of our June 28, 2017 news release.
ᔫᓂ 28, 2017 - ᐋᑐᕚ, ᐋᓐᑎᐅᕆᐅ - ᐱᓕᕆᕝᕕᖓ ᒪᓕᒐᓕᕆᔨᒃᑯᑦ ᑲᓇᑕᒥ
ᔫᑎ ᕕᐆᓪᓴᓐ−ᕋᐃᐳᓪᑦ, ᒥᓂᔅᑕ ᒪᓕᒐᓕᕆᔨᑯᓐᓄᑦ ᐊᒻᒪᓗ ᒪᓕᒐᓕᕆᔨᖅᔪᐊᖅ ᑲᓇᑕᒥ, ᐊᖏᖅᓯᒪᐃᓐᓇᑐᑦ ᑎᒃᑯᐊᖅᓯᖃᑦᑕᓂᕐᒥᒃ ᐃᖅᑲᖅᑐᐃᔨᓂ ᐳᖅᑐᓂᖅᐹᒃᑯᑦ ᑭᒡᒐᖅᑐᐃᔨᐅᑎᓪᓗᓂ ᐊᔾᔨᒌᖏᕈᓘᔭᖅᑐᓂ ᓄᓇᓕᕐᔪᐊᑎᓐᓂ. ᐊᖏᖅᓯᒪᑦᓯᐊᖓ ᖃᐅᔨᒪᔭᒻᒪᑕ ᒥᓂᔅᑕ ᐃᖅᑲᖅᑐᐃᔨᒃᑯᓐᓄᑦ ᐅᖃᐅᔾᔨᒋᐊᖅᑎᖏᑦᑕ ᑲᑎᒪᔨᑖᖅᑲᐅᖏᓐᓄᑦ ᐊᐅᓚᓂᖏᑦ ᖃᐅᔨᓴᖅᑎᓪᓗᒋᑦ ᐱᒐᓱᐊᖅᑐᓂ ᑎᒃᑯᐊᖅᑕᐅᑎᓪᓗᒋᑦ−ᒐᕙᒪᑐᖃᑯᓐᓄᑦ ᐃᖅᑲᖅᑐᐃᔩᑦ.
ᐅᓪᓗᒥ, ᒥᓂᔅᑕ ᕕᐆᓪᓴᓐ−ᕋᐃᐳᓪᑦ ᐅᐱᒍᓱᑉᐳᖅ ᑐᓴᖅᑎᑦᓯᒋᐊᖅ ᑎᒃᑯᐊᖅᑕᓂ ᐃᖅᑲᖅᑐᐃᔨᒃᑯᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᑖᖏᓐᓂ ᐅᑯᓂᖓ (JACs):
- ᒫᓂᑑᐸ
- ᓂᐅ ᐳᕋᓐᔅᕕᒃ
- ᓄᓇᕗᑦ
- ᐋᓐᑎᐅᕆᐅ− ᐱᖓᓐᓇ ᐊᒻᒪᓗ ᓂᒋᖅ
- ᓴᔅᑳᑦᓱᕚᓐ
ᒐᕙᒪᕗᑦ ᐃᓚᐅᓯᒪᒻᒪᑕ ᐃᓘᓐᓈᒍᑦ ᖀᓇᑎᓪᓗᑕ ᑲᔪᖏᖅᓴᐃᓂᕐᒧᑦ ᐱᒐᓱᐊᖅᑐᓂ ᐃᖅᑲᖅᑐᐃᔨᒃᑯᑦ ᐅᖃᐅᔾᔨᒋᐊᖅᑎᖏᑦᑕ ᑲᑎᒪᔨᖏᓐᓂ ᐊᕐᓇᓃᖔᖅᑐᑎᒃ, ᓄᓇᑲᖅᑳᑐᒥᕐᓂᒃ, ᐊᒻᒪᓗ ᐃᓄᐃᓴᑦᑐᓂ ᑲᑎᙵᐅᖅᑐᓂᒃ, ᑲᑎᖓᓪᓗᑎᒃ ᐊᒥᓲᓂᖏᑦ ᓲᒍᔪᑦ ᐃᓚᒋᔭᐅᓂᐊᓕᖅᑎᓪᓗᒋᑦ ᐃᖅᑲᖅᑐᐃᔨᒃᑯᑦ ᐅᖃᐅᔾᔨᒋᐊᖅᑎᖏᑦᑕ ᑲᑎᒪᔨᑖᖅᑲᐅᖏᓐᓄᑦ.
ᑲᑎᒪᔩᑦ ᑐᓴᖅᑎᑦᓯᖅᑲᐅᒻᒪᑕ ᐅᓪᓗᒥ ᐃᓚᓯᒍᒪᓪᓗᑎᒃ ᐱᑕᖃᕇᖅᑐᒥ ᐅᖃᐅᓯᐅᓯᒪᔪᑦ ᐃᖅᑲᖅᑐᐃᔨᒃᑯᑦ ᐅᖃᐅᔾᔨᒋᐊᖅᑎᖏᑦᑕ ᑲᑎᒪᔨᖏᓐᓄᑦ. ᑕᐃᒪ ᓯᕗᓪᓕᖅᐹ ᖁᓖᑦ ᐃᖅᑲᖅᑐᐃᔨᒃᑯᑦ ᐅᖃᐅᔾᔨᒋᐊᖅᑎᖏᑦᑕ ᑲᑎᒪᔨᖏᑦ ᐱᒋᐊᓚᐅᖅᑐᑦ ᒐᕙᒪᒃᑯᑦ ᐊᑖᓂ ᓄᑖᑦ, ᐊᔪᖏᓂᖅᐹᖏᑦ ᖃᐅᔨᓴᖅᑕᐅᓂᖏᑦᑕ ᐊᐅᓚᓂᖏᑦ ᑐᓴᖅᑎᑦᓯᔪᒻᒪᑕ ᔭᓐᓄᐊᕆ 19, 2017−ᖑᑎᓪᓗᒍ ᐊᒻᒪᓗ ᐄᐳᓘ 13, 2017. ᑖᒃᑯᐊ ᐃᖅᑲᖅᑐᐃᔨᒃᑯᑦ ᐅᖃᐅᔾᔨᒋᐊᖅᑎᖏᑦᑕ ᑲᑎᒪᔨᖏᑦ ᐱᒋᐊᖅᑎᑦᓯᓯᒪᒻᒪᑕ ᑐᓂᓯᒍᒪᓪᓗᑎᒃ ᒥᓂᔅᑕᒥ ᒪᓕᒐᓕᕆᔨᑯᓐᓄᑦ ᑎᑎᕋᖅᓯᒪᔪᓂᒃ ᐳᖅᑐᔪᓂᒃ ᐊᑐᓕᖁᔭᕐᓂᒃ ᐊᒻᒪᓗ ᐊᑐᓕᖁᔭᕐᓂᒃ ᓂᕈᐊᕋᑦᓴᓂᒃ. ᐊᓯᔾᔩᒍᑕᐅᔪᑦ ᖃᐅᔨᓴᕐᓂᕐᒧᑦ ᐊᐅᓚᓂᖓ ᐃᓚᓕᐅᑎᓯᒪᔪᖅ ᐅᑯᓂᖓ:
- ᑲᑎᒪᔩᑦ ᐃᓗᓐᓈᒍᑦ ᐊᔾᔨᒌᑎᑦᓯᖁᓪᓗᒋᑦ ᐊᔾᔨᒌᖏᑦᑑᑎᓂ ᐃᓄᓐᓂᒃ ᑲᓇᑕᒥ;
- ᓄᑖᖑᕆᐊᖅᓯᒪᔪᑦ ᑲᑎᒪᔩᑦ ᐊᑐᓕᖁᔭᖏᑦ ᖁᕙᕆᐊᖁᓪᓗᒍ ᓇᒻᒥᓂᖅ ᐃᖅᑲᓇᐃᔭᕈᓐᓇᖁᓪᓗᒋᑦ;
- ᒪᑐᐃᖓᑦᓯᐊᖅᑐᒃᑯᑦ ᓂᕈᐊᕐᓂᖓᑕ ᐊᐅᓚᓂᖓ ᐱᖓᓱᓄᑦ ᑭᒡᒐᖅᑐᐃᔨᓄᑦ ᐃᓘᓐᓇᖏᓐᓄᑦ − ᐃᓛᑎᒍᑦ ᑐᕌᖅᑐᒥᒃ ᑲᓇᑕᒥᐅᓕᒫᑦ ᑭᒡᒐᑐᖅᑕᐅᑦᓯᕋᓗᐊᖅᒪᖔᑕ ᑎᒃᑯᐊᖅᑕᐅᓂᐅᑉ ᐊᐅᓚᓂᖓ;
- ᑎᒃᑯᐊᖅᑕᐅᒪᓕᖅᐸᑦ, ᑲᑎᒪᔨᙳᖅᑐᑦ ᐃᓕᓐᓂᐊᖅᑎᑕᐅᒃᑲᐅᑎᒋᓲᑦ ᖃᓄᐃᑦᑐᑐᐃᓐᓇᐅᓂᖏᓐᓂᒃ ᐊᒻᒪᓗ ᖃᐅᔨᒪᖏᓪᓗᓂ ᐃᓚᐃᓐᓈᕐᓯᑦᑕᐃᓕᒪᓂᕐᒧᑦ
ᐃᖅᑲᖅᑐᐃᔨᒃᑯᓐᓄᑦ ᐅᖃᐅᔾᔨᒋᐊᖅᑎᖏᑦᑕ ᑲᑎᒪᔨᖏᑦ ᐃᒻᒥᑰᖅᒪᑕ ᐱᒋᐊᖅᑎᑕᐅᓚᐅᖅᑐᑦ ᑐᓂᓯᖁᓪᓗᒋᑦ ᐱᓕᕆᖃᑎᒌᑦᓯᐊᓂᕐᒥ, ᐱᐅᔪᒥᑦ ᐊᑐᓕᖁᔨᓪᓗᑎᒃ ᒥᓂᔅᑕᒥᒃ ᒪᓕᒐᓕᕆᔨᒃᑯᓐᓄ ᒐᕙᒪᑐᖃᒃᑯᑦ ᐃᖅᑲᖅᑐᐃᓂᓕᕆᔨᖏᑦᑕ ᑎᒃᑯᐊᖅᑕᐅᓂᖏᓐᓄᑦ. ᑭᒃᑯᑐᐃᓐᓇᑦᓯᐊᑦ ᕿᓂᖅᑐᑦ ᑎᒃᑯᐊᖅᑕᐅᓂᒧᑦ ᐱᒐᓱᐊᕆᐊᖃᖅᑐᑦ ᐃᖅᑲᖅᑐᐃᔨᒃᑯᑦ ᑎᒃᑯᐊᖅᑕᐅᓂᖏᑦᑕ ᐊᐅᓚᓂᑖᖅᑲᐅᖓᒍᑦ ᐊᑖᓂ. ᐃᖅᑲᖅᑐᐃᔨᒃᑯᓐᓄᑦ ᐅᖃᐅᔾᔨᒋᐊᖅᑎᖏᑦᑕ ᑲᑎᒪᔨᖏᑦ ᑕᐃᓯᖅᑲᐅᒻᒪᑕ ᐅᓪᓗᒥ ᐱᒋᐊᑦᓴᐅᑎᒐᔭᕆᐊᖏᑦ ᕿᒥᕐᕈᓗᑎᒃ ᐱᒐᓱᐊᖅᑐᓂᒃ ᓂᕆᐅᓇᑦᓯᐊᖅᑐᒥᒃ. ᑎᑎᕋᖅᓯᒪᔪᓂᒃ ᑐᓂᓯᓯᑕᖅᑯᑦ ᐊᑐᓕᖁᔭᓂᒃ ᐊᒻᒪᓗ ᖁᕙᓯᑦᑐᓂᒃ ᐊᑐᓕᖁᔭᓂᒃ ᓂᕈᐊᕋᑦᓴᓂᒃ ᒥᓂᒡᑕᐅᑉ ᐃᓱᒪᑦᓴᖅᓯᐅᕈᑎᒋᒐᔭᖅᑕᖏᓐᓂᒃ.
ᑎᒃᑯᐊᕋᑦᓴᐃᑦ ᐃᖅᑲᖅᑐᐃᔨᒃᑯᓐᓄᑦ ᐅᖃᐅᔾᔨᒋᐊᖅᑎᖏᑦᑕ ᑲᑎᒪᔨᖏᓐᓄᑦ ᒪᕐᕉᕘᒃ ᓱᓕ ᒪᓕᒐᐃᑦ ᐃᓗᐊᓂ ᐊᐅᓚᑕᐅᔪᓐᓇᖅᑐᓂ – ᑖᑦᓰᔭᐃᔨᒃᑯᑦ ᐃᖅᑲᖅᑐᐃᔨᒃᑯᑦ ᑲᓇᑕᒥ ᐊᒻᒪᓗ ᓄᓇᑦᓯᐊᒥ – ᒫᓐᓇᒫᖅ ᑐᓴᖅᑎᑦᓯᓂᐊᑐᑦ.
ᐅᖃᖅᑕᐅᔪᕕᓂᖅ ᐅᖃᖅᓗᒍ
"ᐱᐅᓂᖏᑦ ᐊᔾᔨᒌᖏᓐᓂᖏᓪᓗ ᐃᖅᑲᖅᑐᐃᔨᒃᑯᑦ ᐅᖃᐅᔾᔨᒋᐊᖅᑎᖏᑦᑕ ᑲᑎᒪᔨᖏᑦ ᐊᔾᔨᒋᔭᐅᖏᒻᒪᑕ ᐊᒻᒪᓗ ᑲᓇᑕᐅᑉ ᓄᓇᑦᓯᐊᕚᓘᓂᖓᓂ ᐋᖅᑭᓯᒪᓂᖓᓂ ᐊᔾᔨᖃᕆᐊᖃᖅᓱᑎᒃ. ᐅᑦᑑᑎᒋᓗᒍ, ᓯᕗᓪᓕᖅᐹᑦᓯᐊᒥ. ᐃᓄᑐᐃᓐᓇᐃ ᐃᖅᑲᖅᑐᐃᔨᒃᑯᑦ ᐅᖃᐅᔾᔨᒋᐊᖅᑎᖏᑦᑕ ᑲᑎᒪᔨᖏᓐᓂ ᓄᓇᕘᒥ ᐊᒥᓲᓛᖑᒻᒪᑕ. ᐅᓪᓗᒥ ᐅᖃᐅᓯᕆᔭᐅᔪᑦ ᐱᒻᒪᕆᐅᔪᑦ ᓯᕗᒧᑦᑎᓪᓗᑕ ᓴᖏᓂᖅᓴᒧᑦ, ᐊᔾᔨᒌᖏᑦᑑᓂᑎᓐᓂ ᐃᖅᑲᖅᑐᐃᕕᓕᕆᓂᕐᒥᑦ. ᓂᕆᐅᓐᓂᖃᕈᒪᕗᖓ ᓂᕈᐊᕋᑦᓴᓯᐊᕙᐃᑦ ᖃᓄᐃᑦᑐᑐᐃᓐᓇᐅᓂᖏᑦ ᑲᔪᖏᕐᓱᑦᓯᐊᓚᖓᔪᑦᓴᐅᔫᒐᓗᐊᑦ ᐊᒻᒪᓗ ᑲᔪᓯᑦᓯᐊᕐᓗᐃᓪᓗ ᐊᑎᕐᒥᓂᒃ ᑐᓂᓯᓗᑎᒃ ᐃᖅᑲᖅᑐᐃᓂᓕᕆᓂᕐᒧᑦ ᑎᒃᑯᐊᖅᑕᐅᓂᕐᒧᑦ. ᐃᖅᑲᖅᑐᐃᔩᑦ ᐃᓅᓯᕐᒥᒃ ᐊᑑᑎᖃᑦᑕᕐᓯᒪᔪᑦ ᑐᓂᓯᒪᑦᓯᐊᕐᒪᑕ ᐱᒻᒪᕆᐅᓂᖓᓄᑦ ᐃᖅᑲᖅᑐᐃᓂᓕᕆᔭᑎᓐᓄᑦ."
ᔫᑎ ᕕᐆᓪᓴᓐ−ᕋᐃᐳᓪᑦ, P.C., Q.C., M.P.
ᒥᓂᔅᑕ ᒪᓕᒐᓕᕆᓂᕐᒧᑦ ᐊᒻᒪᓗ ᒪᓕᒐᓕᕆᔨᖅᔪᐊᖅ ᑲᓇᑕᒥ
ᐃᖅᑲᖅᑐᐃᕕᓕᕆᖃᑕᐅᔪᑦ
- Date modified: