ᑕᑯᓐᓇᕋᓱᐊᖅᑕᐅᔪᖅ

ᑐᓐᖓᕕᖃᖅᑐᑦ ᐃᓱᒪᒋᔭᐅᒋᐊᖃᕐᓂᖓ ᖃᓄᓕᒫᖅ ᐃᓄᒃ ᒪᒥᓴᖅᑕᐅᖁᓪᓗᒍ ᐊᓐᓂᐊᖓ, ᑲᑉᐱᐊᓇᖅᑐᑰᖅᑐᒥᓂᕐᓂᒃ−ᖃᐅᔨᒪᔪᓂᒃ ᑐᑭᓯᒪᔪᒥᒃ ᐃᖅᑲᖅᑐᐃᕕᓕᕆᔨᒃᑯᓐᓂᒃ, ᑖᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ ᑐᕌᒐᖃᖅᑯᖅ ᐊᑐᓕᖅᑎᑦᓯᓂᕐᒥᒃ ᓯᕗᒧᐊᑉᐸᓪᓕᐊᔪᒥᒃ ᐊᒻᒪᓗ ᐊᓯᔾᔩᕙᓪᓕᐊᔪᒥᒃ ᐋᖅᑭᒋᐊᕈᑎᓂᒃ ᐃᓗᐊᓃᑦᑐᓂᒃ ᑕᒪᑦᓱᒪ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂᒃ ᑕᐃᒫᒃ ᐊᑐᓪᓚᕆᑦᑐᓂᒃ ᓵᓐᖓᑦᓯᖁᓪᓗᒋᑦ ᐋᖅᑭᓱᖅᑕᐅᓯᒪᔪᓅᖓᔪᓄᑦ ᐱᓂᕐᓗᑦᑕᐅᖃᑦᑕᖅᑐᑦᓂᒃ ᐊᒻᒪᓗ ᐱᑕᖃᓗᐊᓕᕐᓂᖏᓐᓂᒃ ᐊᓪᓚᐃᑦ, ᐃᓄᐃᑦ, ᐊᒻᒪᓗ ᐊᓪᓚᖓᔪᐃᑦ ᐃᓄᖏᓐᓂᒃ ᑲᒪᒋᔭᐅᖃᑦᑕᖅᑐᓂᒃ ᑕᒪᒃᑯᓄᖓ ᑲᓇᑕᒥᐅᑦ ᐃᖅᑲᖅᑐᐃᕕᓕᕆᓂᕐᒨᖓᔪᓂᒃ ᐋᖅᑭᓱᖅᑕᐅᓯᒪᔪᓄᑦ. ᑖᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ ᐃᒪᐃᓪᓚᕆᒋᐊᖓ ᓇᓗᓇᐃᖅᓯᕗᖅ ᑕᒪᒃᑯᐊ ᓄᓇᖃᖅᑲᖅᓯᒪᔪᑦ ᑐᑭᓯᒪᓂᖏᓐᓂᒃ ᑕᒪᒃᑯᓂᖓ ᐃᖅᑲᖅᑐᐃᕕᓕᕆᓂᕐᒨᖓᔪᓂᒃ ᖃᐅᔨᒪᔭᐅᔪᑦ ᑐᓐᖓᕕᖃᕆᐊᖏᓐᓂᒃ ᒪᒥᓴᕐᓂᕐᒨᖓᔪᓄᑦ, ᖃᓄᐃᑦᑐᖃᖁᔨᓐᖏᓂᕐᒧᑦ, ᐱᑦᓯᐊᖃᑎᒌᓐᓂᕐᒧᑦ ᐊᒻᒪᓗ ᓄᓇᓕᒋᔭᒧᓪᓗ.

ᑖᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ ᐱᒐᓱᐊᖅᑯᖅ ᐃᑲᔪᖅᓯᒐᓱᐊᕐᕕᖃᕐᓂᕐᒥᒃ ᐊᑐᓕᖅᑎᑕᐅᓂᖏᓐᓄᑦ ᑕᐃᓐᓇ ᑲᑐᔾᔨᖃᑎᒌᕐᔪᐊᒃᑯᑦ ᓄᓇᓕᕐᔪᐊᑦ ᓇᓗᓇᐃᕕᔾᔪᐊᓚᐅᖅᓯᒪᔭᖓ ᒥᑦᓵᓅᖓᔪᖅ ᐱᒍᓐᓇᐅᑎᖏᑕ ᓄᓇᖃᖅᑳᖅᓯᒪᔪᑦ ᐃᓄᖏᑦ (UN Declaration) ᐊᒻᒪᓗ ᑖᓐᓇ ᐊᑐᕋᑦᓴᐅᕗᖅ ᐱᒋᐊᒃᑲᓐᓂᕈᑎᐅᓗᓂ ᓯᕗᒧᐊᒃᑲᓐᓂᑎᑦᓯᓂᕐᒥᒃ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᓇᒻᒥᓂᖅ−ᐃᓱᒪᖅᓱᕈᓐᓇᕐᓂᖏᓐᓂᒃ ᐊᒻᒪᓗ ᑕᒪᓐᓇ ᐱᒋᐊᓪᓚᒋᐊᒃᑲᓐᓂᖅᑎᑕᐅᓂᖓᓂᒃ ᑖᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᖓᔪᑦ ᒪᓕᒐᖏᓐᓂᒃ ᐊᒻᒪᓗ ᒪᓕᒐᓕᕆᓂᕐᒨᖓᔪᓂᒃ ᐋᖅᑭᓱᖅᑕᐅᓯᒪᔪᓂᒃ. ᑖᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ ᐃᓕᓴᖅᓯᕗᖅ ᒪᓐᓇ ᓄᓇᓕᕐᔪᐊᑦ−ᓵᓐᖓᖃᑦᑕᐅᑦᑐᑦ−ᓄᓇᓕᕐᔪᐊᑦ, ᒐᕙᒪᐃᑦ−ᓴᓐᖓᖃᑦᑕᐅᑦᑐᑦ−ᒐᕙᒪᐃᑦ ᖃᐅᔨᒪᖃᑦᑕᐅᑎᓂᖏᑦ ᑕᒪᒃᑯᓂᖓ ᐊᓪᓚᓂᒃ ᐊᒻᒪᓗ ᐊᓪᓚᖓᔪᓂᒃ, ᐊᒻᒪᓗ ᐃᓄᐃᑦ−ᒐᕙᒪᑐᖃᒃᑯᓪᓗ ᖃᐅᔨᒪᖃᑦᑕᐅᑎᓂᖏᓐᓂᒃ ᑕᒪᓐᓇ ᐱᒋᐊᖃᓪᓚᕆᑉᐳᖅ ᑕᐃᒫᒃ ᐃᖏᕐᕋᕙᓪᓕᐊᖁᓪᓗᒋᑦ ᓯᕗᒧᑦ, ᐊᒻᒪᓗ ᑲᔪᓯᑎᑦᓯᓚᖓᕗᖅ ᑲᓇᑕᒥᒃ ᐃᖅᑲᓇᐃᔭᖃᑎᖃᖁᓪᓗᒍ ᑲᒪᖃᑎᖃᕐᓗᓂ ᑐᓐᖓᕕᖃᕐᓗᓂ ᑲᒪᓪᓚᕆᑦᑎᑦᓯᓂᐊᖅᑐᒥᒃ ᑲᒪᑎᑦᓯᓂᕐᒥᒃ ᓴᖅᑭᑎᑦᓯᖁᓪᓗᒋᑦ ᐊᔾᔨᒋᔭᐅᓐᖏᑦᑐᒥᒃ ᐃᖅᑲᖅᑐᐃᕕᓕᕆᓂᕐᒨᖓᔪᓂᒃ ᐱᒻᒪᕆᖁᑎᒋᔭᓂᒃ ᐊᓪᓚᓄᑦ, ᐃᓄᓐᓄᑦ ᐊᒻᒪᓗ ᐊᓪᓚᖓᔪᓄᓪᓗ ᐊᖅᑯᑎᖃᕐᓗᑎᒃ ᑲᔪᓯᓯᒪᐃᓐᓇᖅᑐᒥᒃ ᐅᖃᖃᑎᒌᓐᓂᒃᑯᑦ ᐊᒻᒪᓗ ᑲᒪᖃᑎᒌᑦᓯᐊᓂᒃᑯᓪᓗ ᑕᒪᒃᑯᓂᖓ ᓄᓇᖃᖅᑳᖅᓯᒪᔪᑦ ᒐᕙᒪᖏᓐᓂᒃ ᐊᒻᒪᓗ ᑭᒡᒐᑐᖅᑎᓂᒃ ᑎᒥᐅᔪᓂᒃ, ᐊᒻᒪᓗ ᐃᖅᑲᓇᐃᔭᖃᑎᖃᖃᑦᑕᕐᓗᑎᒃ ᑕᒪᒃᑯᓂᖓ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᓂᒃ ᒐᕙᒪᓂᒃ ᑲᒪᖃᑎᒋᔭᒥᓐᓂᒃ.

ᑖᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ ᑐᓐᖓᕕᐅᓚᖓᕗᖅ ᒪᓐᓇ ᐃᓱᓕᑎᑕᐅᓂᖓᓂᒃ ᒪᓕᑦᑕᑐᖃᐅᔪᖅ ᒪᑯᓄᖓ ᓄᓇᒋᓐᖏᑕᒥᓐᓂᒃ ᓄᓇᑖᖅᓯᒪᔪᓄᑦ ᑕᒪᒃᑯᐊᓗ ᐃᓚᒋᔭᐅᓪᓗᑎᒃ ᒪᓕᒐᐃᑦ, ᐱᖁᔭᐃᑦ ᐊᒻᒪᓗ ᑲᒪᒐᓱᐊᕈᓯᐅᔪᑦ ᓴᖅᑭᑎᑦᓯᔪᓂᒃ ᒪᑯᓂᖓ ᓈᒻᒪᖏᑦᑐᓂᒃ ᐊᑐᖅᑎᑕᐅᓕᖅᑐᓂᒃ ᑕᒪᒃᑯᓄᖓ ᐊᓪᓚᓄᑦ, ᐃᓄᓐᓄᑦ ᐊᒻᒪᓗ ᐊᓪᓚᖓᔪᑦ ᐃᓄᖏᓐᓄᑦ ᑲᒪᒋᔭᐅᔪᓄᑦ ᑕᒪᒃᑯᓄᖓ ᑲᓇᑕᒥᐅᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᓯᒪᔭᖏᓐᓄᑦ. ᑖᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ ᖃᐅᔨᒃᑲᐃᕗᖅ ᑲᓇᑕᐅᑉ ᐱᒐᓱᐊᕈᒪᓂᖓᓄᑦ ᐱᕕᖃᖅᑎᑦᓯᓂᕐᒥᒃ ᒪᑯᓂᖓ ᓄᑖᓂᒃ ᐊᒻᒪᓗ ᐱᐅᓂᖅᓴᓂᒃ ᐋᖅᑭᓱᖅᓯᒪᔪᓂᒃ. ᑖᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ ᐊᑕᐅᓯᐅᕗᖅ ᐊᓪᓗᕆᐊᕐᓂᐅᓪᓗᓂ ᒪᑐᒧᖓ ᐊᖅᑯᑎᐅᓂᐊᓕᖅᑐᒧᑦ ᒪᑦᓱᒧᖓ ᐃᓱᒪᒋᒍᓐᓃᖃᑦᑕᐅᑎᓂᕐᒧᑦ ᐊᒻᒪᓗ ᒪᒥᓴᕐᓂᒧᓪᓗ ᒪᑯᓄᖓ ᐅᓪᓗᒥᐅᓕᖅᑐᖅ ᐊᒻᒪᓗ ᓯᕗᓂᑦᓴᑎᓐᓂ ᐃᓅᓛᖅᑐᓄᑦ.